ބިލް ހުށަހެޅީ މީޑިއާގެ މިނިވަންކަން ކަފުންކުރަން ސަރުކާރު އަޑީގައި އޮވެގެން: އެމްޑީޕީ

ސަރުކާރާއި ރައްޔިތުންގެ މަޖިލީހުން ރުހުންދޭ ބަޔެއްގެ މެޖޯރިޓީ އޮންނަ ގޮތަށް މީޑިއާ ކައުންސިލާއި ބްރޯޑްކާސްޓިން ކޮމިޝަން އެއްކޮށްލަން ބިލެއް ހުށަހެޅީ މީޑިއާގެ މިނިވަންކަން ގެއްލޭ ގޮތަށް ސަރުކާރު އަޑީގައި އޮވެގެން ކަމަށް އިދިކޮޅު އެމްޑީޕީން ބުނެފި އެވެ.

ވީ ކިހިނެއް؟ - ސަރުކާރުގެ ބާރު އޮންނަ ގޮތަށް މީޑިއާ ކޮމިޝަނެއް އުފައްދަން ހުށަހެޅުއްވީ ތުޅާދޫ ދާއިރާގެ މެމްބަރު އަބްދުލް ހަންނާނު އަބޫބަކުރު އެވެ. އެއީ އެއްވެސް ޕާޓީއަކަށް ނިސްބަތްނުވާ އަމިއްލަ މެންބަރެކެވެ.

ބުނީ ކީކޭ؟ - އެ ބިލާ މެދު ކަންބޮޑުވުން ފާޅުކޮށް އެމްޑީޕީން ނެރުނު ބަޔާނެއް ބުނެފައިވަނީ އަމިއްލަ މެންބަރެއް ލައްވައި ބިލު ހުށަހެޅީ އެމްއެމްސީ އާއި ބްރޯޑްކޮމް އެއްކޮށްލުމަށް ސަރުކާރުގެ ވިސްނުން ހުރިކަން ބަންޑާރަ ނައިބު އަހުމަދު އުޝާމް ހާމަކޮށްފައި ވަނިކޮށް ކަމަށެވެ.

"މިއީ މީޑިއާގެ މިނިވަންކަން ކަފުން ކުރުމަށް ސަރުކާރު އަޑީގައި އޮވެގެން މަޖިލީހަށް ވައްދާފައިވާ ބިލެކެވެ. މީޑިއާތައް އަމިއްލައަށް ރެގިއުލޭޓް ކުރުމަށް އޮތް މަގު ބަންދުވެ ސަރުކާރުގެ ނުފޫޒު މީޑިއާތަކުގެ މައްޗަށް ހައްދެއް ނެތި ހިންގުމަށް ފަހިކުރާ ފުރުސަތެއް ކަމަށް އެމްޑީޕީން ގަބޫލުކުރަމެވެ." އެމްޑީޕީގެ ބަޔާނުގައިވެ އެވެ.

އެ ބިލު އަނބުރާ ގެންދިއުމަށް ވެސް އެމްޑީޕީން ގޮވާލާފައިވެ އެވެ.

އެނގުން މުހިންމު - މިހާރު މަޖިލީހުގެ ވެބްސައިޓުގައި ޝާއިއުކޮށްފައިވާ މި ބިލުގައިވާ ގޮތުން، ބިލު ގާނޫނަކަށްވެ، އަމަލު ކުރަން ފެށުމާ އެކު އެމްއެމްސީ އާއި ބްރޯޑްކޮމްގެ މަސްއޫލިއްޔަތުތައް އަދާ ކުރުމަށް މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އުފެދުނީ އެވެ.  

މި ކޮމިޝަން އެކުލެވިގެން ވަނީ ހަތް މެންބަރުންގެ މައްޗަށް ކަމަށް ބިލުގައި ބުނެ އެވެ. އެއީ:

މިގޮތަށް އޮތުމުން ސަރުކާރަށް މި ކޮމިޝަންގެ ފުރިހަމަ އަގުލަބިއްޔަތު އޮންނާނެ އެވެ.

އޭގެ އިތުރުން، ކޮމިޝަންގެ ރައީސް އާއި ނައިބު ރައީސް އައްޔަން ކުރުމުގެ ބާރު ވެސް ދީފައިވަނީ ރައީސަށެވެ. ރައީސް އެ ދެ މަގާމަށް ބޭފުޅުން ހަމަޖައްސަން ޖެހެނީ ކޮމިޝަންގެ މެންބަރުންގެ ތެރެއިން، މަޖިލީހުގެ ރުހުމާ އެކު އެވެ.

ބްރޯޑްކާސްޓް ކުރުމުގެ ހިދުމަތް ދިނުމުގެ ލައިސެންސް ލިބިފައިވާ ފަރާތްތަކާއި ނޫސްތަކުން ކޮމިޝަނުން ކަނޑައަޅާ ސުލޫކީ މިންގަނޑަކާ ހިލާފުވެއްޖެ ނަމަ އެޅޭނެ ފިޔަވަޅުތައް ވެސް ބިލުގައި ބަޔާންކޮށްފައިވެ އެވެ. އޭގެ ތެރޭގައި ހިމެނޭ ބައެއް ކަންކަމަކީ:

މީގެ އިތުރުން ނޫސްވެރިން ވެސް ކޮމިޝަނުން ކަނޑައަޅާ ސުލޫކީ މިންގަނޑާ ހިލާވެއްޖެ ނަމަ ފިޔަވަޅު އެޅޭނެ ކަމަށް ބިލުގައި ބުނެފައިވެ އެވެ. އޭގެ ތެރޭގައި ހިމެނެނީ: