އާސަންދަ ލިބޭ ބޭސް ފިހާރައެއް. (ދައުރު ފޮޓޯ/ އަބްދުﷲ އަނޫފް ޖުނައިދް)
ތަނަވަސް މީހުން އާސަންދައަށް ވަކި އަދަދެއްގެ ފައިސާ ދައްކަން ޖެހޭ ގޮތް ހަދަނީ
މަތީ އާމްދަނީ ލިބޭ މީހުން ނުވަތަ އިންކަމް ޓެކްސް ދައްކަން ޖެހޭ މީހުންގެ އަތުން އާސަންދައަށް 'ހެލްތު ކޮންޓްރިބިއުޝަން'ގެ ގޮތުގައި ވަކި އަދަދަކަށް ފައިސާ ނަގަން ޖެހޭ ގޮތަށް، އަންނަ އަހަރަށް ލަފާކުރާ ދައުލަތުގެ ބަޖެޓުގައި ހިމަނައިފި އެވެ.
ވީކިހިނެއް؟ - އަހަރުން އަހަރަށް އާސަންދައަށް ދައުލަތުން ކުރާ ހަރަދު ބޮޑުވާތީ އެ ބުރަ ކުޑަކުރުމަށް އެންމެ ބޭނުންވާ މީހާއަށް އާސަންދަ ހިދުމަތް ލިބޭ ގޮތަށް ހަދަން އަޅާނެ ފިޔަވަޅުތަކެއް ބަޖެޓު ފޮތުގައި ލިޔެފައިވެ އެވެ.
ތަފްސީލް - ބަޖެޓު ފޮތުގައި ލިޔެފައިވާ ގޮތުގައި، މި ފައިސާ ނަގަން ފަށާނީ އަންނަ އޭޕްރީލް މަހުން ފެށިގެންނެވެ. އެގޮތުން:
-
މި ފައިސާ ނަގާނީ މަހަކު 60،000ރ.އަށް ވުރެ މަތިން އާމްދަނީ ލިބޭ މީހުންގެ އަތުން
-
މި މޮޑެލަށް އަމަލުކުރާ ގައުމުތަކުން ފައިސާ ނަގަނީ އިންކަމް ޓެކްސް ދައްކާ ވަގުތު، ރެވެނިއު އޮތޯރިޓީ މެދުވެރިކޮށް
-
މި ކޮންޓްރިިބިއުޝަން ބޭނުންކުރާނީ އެންމެ ފަގީރު މީހުންނަށް ދޭން ޖެހޭ ސިއްހީ ފަރުވާ އާސަންދަ މެދުވެރިކޮށް ކަށަވަރު ކުރުމަށް
-
އައުޓް ޕޭޝަންޓް ހިދުމަތްތަކާއި އެންމެ އަސާސީ ނޫން ބޭސްތައް ނަގާއިރު ބިލުން ކޮންމެ ވެސް ވަރެއް ކޮންޓްރިބިއުޝަންގެ ގޮތުގައި ދައްކާ ގޮތަށް ވެސް ހިމަނާފައިވޭ
-
މި ގޮތަށް ބިލުން ބައެއް ދައްކަން ޖެހުނަސް، އަމިއްލަ ޖީބުން އަހަރެއްގެ މައްޗަށް ގިނަވެގެން ހަރަދު ކުރަން ޖެހޭ އެންމެ މަތީ މިންވަރުތައް ވެސް ކަނޑައަޅާ ގޮތަށް
ހެލްތު ކޮންޓްރިބިއުޝަންގެ ގޮތުގައި ނަގާނެ ފައިސާ އާއި ނިސްބަތް ބަޖެޓު ފޮތުގައި ހިމެނޭ މި މައުލޫމާތުގެ ގޮޅިއަކު ލިޔެފައެއް ނެތެވެ.
ގުޅުން ހުރި ކަމެއް - މި މަހުން ފެށިގެން ޕްރައިވެޓް ހެލްތު އިންޝުއަރެންސް ގަނެފައިވާ މީހުންނަށް، އެ އިންޝުއަރެންސުން ލިބޭ އަދަދު ދައްކައި ނިމިގެން ނޫނީ އާސަންދަ ނުލިބޭ ގޮތަށް ހަދައި އަމަލުކުރަން ފަށައިފަ އެވެ.
ކޮމެންޓް (3)
ޢާމަދަނީ
ތެފައާސާ.
އިންޝުއަރ