ޖިހާދުގެ މައްސަލަ ބޭރުކޮށްލުމުން ރިވިއުއަށް ޕީޖީން ހުށަހަޅައިފި

ކ. ފުށިދިއްގަރުފަޅު މައްސަލާގައި ކުރީގެ ނައިބު ރައީސް އަބްދުﷲ ޖިހާދުގެ މައްޗަށް ކޮށްފައިވާ ދައުވާގެ މައްސަލަ ދެވަނަ ފަހަރަށް ހައި ކޯޓުން ބޭރުކޮށްލަން ނިންމުމުން ފަނޑިޔާރުންގެ މަޖިލީހުގައި ރިވިއުކޮށްދިނުމަށް ޕްރޮސެކިއުޓާ ޖެނަރަލް ހުށަހަޅައިފި އެވެ.

ކަމުގެ ފެށުން - އެންމެ ފުރަތަމަ ޕީޖީ އޮފީހުން އެ މައްސަލަ ހުށަހެޅުމުން، ޖިހާދުގެ އެޑްރެސްއަށް ޗިޓު ފޮނުވި ނަމަވެސް އޭނާއަށް އޭރު ޗިޓު ރައްދު ނުކޮށްދެވޭތީ އަލުން ހުށަހަޅަން 15 ދުވަހުގެ ފުރުސަތެއް ދީފައި މައްސަލަ ފޮނުވާލީ އެވެ.

އޭރު ޖިހާދު ހުންނެވީ ރާއްޖެއިން ބޭރުގަ އެވެ.

ވީކިހިނެއް؟ - ޖިހާދު ރާއްޖެ ވަޑައިގަތުމުން ޕީޖީ އޮފީހުން ދެވަނަ ފަހަރަށް މައްސަލަ ހުށަހެޅީ އޭރު ކޯޓުން ދިން މުއްދަތު ފާއިތުވިތާ ދެ ދުވަސް ފަހުންނެވެ.

އޭރު ޕީޖީން މުއްދަތު އިތުރުކޮށްދޭން އެދުނު ނަމަވެސް ހައި ކޯޓުގައި މި ފަހަރު މައްސަލަ ރަޖިސްޓްރީ ނުކޮށްދިނީ މުއްދަތު ފާއިތުވި ފަހުން ހުށަހެޅުމުން ކަމަށް ރަޖިސްޓްރާގެ ނިންމުމުގައިވެ އެވެ.

ކީކޭ ބުނީ؟ - ޕީޖީ އޮފީހުން ބުނީ ކޯޓުގެ ރަޖިސްޓްރާގެ ނިންމުން ބަދަލުކޮށްދިނުމަށް އެދި ފަނޑިޔާރުންގެ މަޖިލީހަށް ހުށަހަޅާފައިވާނެ ކަމަށެވެ.

ދައުވާކުރި މައްސަލަ - ޖިހާދުގެ މައްޗަށް ކުރާ ދައުވާއަކީ ރައްޔިތުންނަށް ނުވަތަ ދައުލަތަށް ފައިދާއެއް ލިބެން އޮތް ކަމެއްގައި އެ ނޫން ގޮތަކަށް އަމަލުކުރެއްވުމުގެ ކުށުގެ ދައުވާ އެވެ. އެގޮތުން:

ފަސް މަންޒަރު - ޖިހާދުގެ މައްޗަށް ދައުލަތުން އުފުލި ދައުވާ ކްރިމިނަލް ކޯޓުން ބޭރުކޮށްލީ މިދިޔަ 25 ޖުލައިގަ އެވެ. ހައި ކޯޓުގައި ދައުލަތުން އެ ނިންމުން އިސްތިއުނާފްކުރީ 29 އޮގަސްޓްގަ އެވެ. މިދިޔަ މަހުގެ 11ގައި މައްސަލަ ބަލައި ވެސް ގަތެވެ. އެގޮތުން: