ކެފޭތަކުގައި ނުގަވައިދުން ސިނގިރޭޓު ބުއިމުން ވިޔަފާރި ހުއްދަ ބާތިލު ކުރެވޭ ގޮތަށް ހަދަނީ

ކޭފޭ އަދި ރެސްޓޯރެެންޓު ފަދަ ހިދުމަތް ދޭ ތަންތަނުގައި ނުގަވައިދުން ސިނގިރޭޓު ނުވަތަ ދުންފަތުގެ އިސްތިއުމާލު ކޮށްފި ނަމަ، އެ ތަނެއްގެ ވިޔަފާރި ހުއްދަ ބާތިލު ކުރެވޭ ގޮތަށް ދުންފަތް ކޮންޓްރޯލް ކުުރުމުގެ ގާނޫނު އިސްލާހު ކުރުމަށް ސަރުކާރުގެ ފަރާތުން މަޖިލީހަށް ހުށަހަޅައިފި އެވެ.

ވީ ކިހިނެއް؟- ރާއްޖޭގައި ވޭޕް އެތެރެ ކުރުމާއި މަނާ ކުރުން އަދި ދުންފަތުގެ ވިޔަފާރި މުއާމަލާތް ކުރެވޭނެ ހަގު އުމުރަކީ 21 ކަމަށް ހެދުމަށް ސަރުކާރުން ނިންމި ނިންމުމާ ގުޅިގެން ދުންފަތް ކޮންޓްރޯލް ކުުރުމުގެ ގާނޫނަށް ހުށަހެޅި އިސްލާހު ގެނައުމުގެ ބިލު، މަޖިލީހުގެ މިއަދުގެ ޖަލްސާގެ ތަޅުމަށް ވަނީ ހުށަހަޅާފަ އެވެ. ސަރުކާރުގެ ފަރާތުން މި ބިލު ހުށަހެޅުއްވީ ހެންވޭރު އުތުރު ދާއިރާގެ މެންބަރު އަހްމަދު އައިފާން އެވެ.

ތަފްްސީލު -  އޮގަސްޓު 2010ގައި އަމަލު ކުރަން ފެށި އެ ގާނޫނު ބުނާ ގޮތުން، މަނާ ތަނެއްގައި ދުންފަތުގެ އިސްތިއުމާލު ކުރާ ނަމަ، 500ރ. އިން ޖުރިމަނާ ކުރާ ގޮތަށް އޭރު ހިމަނާފައިވެ އެވެ. އޭގެ ފަހުން މިދިޔަ 14 އަހަރު ތެރޭ މި ގާނޫނަށް އިސްލާހެއް ގެނެސްފައެއް ނުވެ އެވެ. 

މި ގާނޫނަށް ގެންނަ ފުރަތަމަ މި އިސްލާހުގައި، ސަރުކާރުން ވަނީ ގާނޫނުގައި ހުރި ފިޔަވަޅުތައް އިތުރަށް ހަރުކަށި ކުރުމަށް ހިމަނާފަ އެވެ. އެގޮތުން:

މީގެ އިތުރުން، މީގެ ކުރިން ވެސް ގާނޫނު އޮންނަ ގޮތުން ރާއްޖޭގައި ދުންފަތުގެ ބާވަތެއްގެ ގަހެއް އިންދުމާއި އެ ބޭނުންކޮށްގެން ދުންފަތް އުފެއްދުމަކީ މަނާ ކަމަކެވެ.

އެ މާއްދާގެ އިބާރާތްތަކަށް ކޮންމެވެސް ވަރަކަށް ބަދަލުތަކެއް ގެނެސް، އެފަދަ ކަމެއް ކުރުމަށް އެއްވެސް ބާވަތެއް ރާއްޖެ އެތެރެ ކުރުމަކީ ވެސް މަނާ ކަމެއްގެ ގޮތުގައި ކަނޑައެޅުމަށް މިފަހަރު ހުށަހެޅި އިސްލާހުގައި ހިމަނާފައިވެ އެވެ. އެގޮތުން، ގާނޫނުގެ 10 ވަނަ މާއްދާއަށް ގެންނަ އެ އިސްލާހުގައި ބުނެފައި ވަނީ:

މި އިސްލާހުތަކަށް އަމަލު ކުރަން އޮތީ މަޖލީހުން ބިލު ފާސްވުމާ އެކު، އަންނަ މަހުގެ 15 އިން ފެށިގެންނެވެ.

އެއާ އެކު، އެ ތާރީހުގެ ފަހުން ފިހާރަތަކުން 21 އަހަރުން ދަށުގެ މީހަކަށް ދުންފަތުގެ އެއްވެސް ބާވަތެއް ވިއްކުމަކީ މަނާ ކަމަކަށް ވާނެ އެވެ. އަދި އެ ފިހާރައެއްގައި އެއީ ގާނޫނުގައި މަނާ ކަމެއް އަންގައިދޭ އިންޒާރެއް ވެސް އާންމުކޮށް ފެންނާނެހެން ބަހައްޓަން ޖެހެ އެވެ.