ވޭޕް ކުރުމާއި ސިނގިރެޓް ބުޔުން މަނާކަން އަންގައިދޭ ބޯޑްތަކެއް ބަހައްޓާފައި: ޑިސެމްބަރު މަހުން ފެށިގެން ވޭޕްކުރުން ރާއްޖޭގައި މަނާވާނެ
ވޭޕް ކުރުމަށް ގެންގުޅޭ ބާވަތްތައް ރާއްޖޭގައި މަނާކުރަން ސަރުކާރުން ނިންމައިފި
ވޭޕްކުރަން ބޭނުންކުުރާ އެންމެހާ ތަކެތި ރާއްޖެ އެތެރެކުރުމާއި ބޭނުންކުރުން މަނާކުރަން ސަރުކާރުން މިއަދު ނިންމައިފި އެވެ.
ވީ ކިހިނެއް؟ - ރައީސް މުހައްމަދު މުއިއްޒު ދާދި ދެންމެއަކު އެކްސްގައި އިއުލާންކުރެއްވި ގޮތުގައި ވޭޕްކުރަން ބޭނުންކުރާ ހުރިހާ ބާވަތްތަކެއް ރާއްޖެ އެތެރެކުރުމާއި ވިއްކުމާއި ގެންގުޅުން މަނާކުރުން އަޅަން ޖެހޭ ފިޔަވަޅުތައް އަޅަން މިއަދު ކަމާ ބެހޭ ފަރާތްތަކަށް ވަނީ އަންގައިފަ އެވެ.
ތަފްސީލް - ރައީސްގެ ޕޯސްޓްގައި ވިދާޅުވި ގޮތުގައި މިހާރު އަންގާފައި ވަނީ:
-
ވޭޕްކުރުމަށް ބޭނުންކުރާ ތަކެއްޗާއި އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން އަންނަ 15 ނޮވެމްބަރުން ފެށިގެން މަނާކުރުން
-
ރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން އަންނަ 15 ޑިސެމްބަރުން ފެށިގެން މަނާކުރުމަށް
"[ވޭޕްކުރުމަށް ބޭނުންކުރާ ތަކެތި] މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް އަޅުގަނޑު އަންގައިފިން،" ރައީސް ލިޔުއްވާފައިވެ އެވެ.
ފާހަގަކޮށްލެވޭ - ވޭޕް އާއި އީ-ސިނގިރޭޓް ރާއްޖޭގައި އާންމުވެ އެކަމުގެ ސަބަބުން ޒުވާނުންނާއި އެކި އުމުރުފުރައިގެ މީހުންގެ ސިއްހަތަށް ނޭދެވޭ އަސަރުކޮށް އެކަމާ ގުޅިފައިވާ ސީރިއަސް ސިއްހީ މައްސަލަތައް ރާއްޖޭގައި ވެސް ވަނީ އިތުރުވާން ފަށައިފަ އެވެ. އެކަމާ ގުޅިގެން ވޭޕް އާއި އީ-ސިގިރޭޓް ރާއްޖޭގައި މަނާކުރަން އެކި ޖަމްއިއްޔާ ޖަމާއަތްތަކުން ސަރުކާރަށް ދިޔައީ ގޮވާލައި ބާރުއަޅަމުންނެވެ.
ކޮމެންޓް (2)
ޖުއްބާ
ކިރަމަން