ޒުވާނެއްގެ މަރާ ގުޅޭގޮތުން ޗެނަލް-13 އިން ދެއްކި ރިޕޯޓެއްގެ މައްސަލަ ބަލަނީ

މިދިޔަ އޮގަސްޓު މަހުގެ ތެރޭގައި މާލޭގައި ނުވަ ބުރީގެ އިމާރާތަކުން ވެއްޓި މަރުވި ޒުވާން އަންހެނަކާ ގުޅޭގޮތުން ޗެނަލް-13 އިން ދެއްކި ރިޕޯޓެއްގެ މައްސަލަ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ބަލަން ފަށައިފި އެވެ.

ވީ ކިހިނެއް؟ - އެ އަންހެންމީހާއާ އާއިލީ ގޮތުން ގުޅުން އޮންނަ ރައްޔިތުންގެ މަޖިލީހުގެ ނާއިބު ރައީސް އަހުމަދު ނާޒިމްގެ މައްޗަށް ތުހުމަތުތަކެއް ކޮށްފައިވާ އެ ރިޕޯޓު ގެންނަން އުޅޭކަން ޗެނަލް-13 އިން އިޝްތިހާރު ކުރަން ފެށުމުން، ބްރޯޑްކޮމް އިން އިއްޔެ ވަނީ އެކަން ނުކުރުމަށް އެ ޗެނަލަށް އަންގައިފަ އެވެ. އެ ސިޓީގައި ބުނެފައިވާ ގޮތުގައި:

ޗެނަލް-13 ހިންގާ ފަރާތަށް ބްރޯޑްކޮމް އިން ފޮނުވި ސިޓީގައި އަންގާފައިވަނީ، 'ބެލްކަނީ'ގެ ނަން ދީފައިވާ އެ ރިޕޯޓު އާއްމުނުކޮށް، ނޫސްވެރިކަމުގެ ސުލޫކީ މިންގަނޑާ އެއްގޮތަށް އަމަލު ކުރުމަށެވެ.

އެކަމަކު ބްރޯޑްކޮމްގެ މި އެންގުމާ ހިލާފަށް، ޗެނަލް-13 އިން ރޭ ވަނީ އެ ރިޕޯޓު އާއްމުކޮށްފަ އެވެ. އެހެންވެ، އެ މައްސަލަ މިއަދު އެ ކޮމިޝަނުން ބަލަން ފަށާފައިވާ ކަމަށް އެތަނުން ބުންޏެވެ.

ތަފްސީލް - ބްރޯޑްކޮމް އިން މިއަދު ވަނީ، މައްސަލަ ބަލައި ވަކި ގޮތެއް އަންގަންދެން، އެ ރިޕޯޓާއި އޭގައި ހިމެނޭ ބައިތައް ބްރޯޑްކާސްޓްނުކުރުމަށާއި އެ ކޮންޓެންޓް ސޯޝަލް މީޑިއާއިން ނެގުމަށް ޗެނަލް-13 އަށް އަންގާފަ އެވެ.

އެތަނުން އެ މައްސަލަ ބަލަމުން އަންނަނީ އަވަސް މައްސަލައެއްގެ ގޮތުގަ އެވެ.

ފަސްމަންޒަރު - އުމުރުން 25 އަހަރުގެ އަންހެންމީހާ ވެއްޓި މަރުވެފައިވަނީ އޭނާ ދިރިއުޅެމުން އައި އިމާރާތުންނެވެ.