އަލްހާންގެ 3 ބެއިންނަށް ކުރާ ޓެކުމުގެ ދައުވާތައް ރިވިއުކުރަން އެދެނީ

ރައްޔިތުންގެ މަޖިލީހުގެ ކުރީގެ މެމްބަރު އަލްހާނު ފަހުމީ އާއި އޭނާގެ ދެ ކޮއްކޮގެ މައްޗަށް ދައުލަތުން އުފުލާފައިވާ ޓެކުމުގެ ދައުވާތައް ރިވިއުކޮށްދިނުމަށް ޕްރޮސެކިއުޓަ ޖެނެރަލް (ޕީޖީ) އޮފީހުގައި އެދުމަށް ނިންމައި އެކަން މިއަދު ކްރިމިނަލް ކޯޓުގެ ޝަރީއަތުގައި އަލްހާނުން ފަރާތުން ބުނެފި އެވެ.

ވީ ކިހިނެއް؟ -  ޕީޖީ އޮފީހުން ކުރިން ނިންމި ނިންމުންތަކާ މެދު ހުރި ޝަކުވާތައް ހުށަހެޅުމަށް އެ އޮފީހުން ވަނީ 20 ދުވަހުގެ މުއްދަތަަކަށް ހުޅުވާލައިފަ އެވެ. އެއީ އާ ޕީޖީ އައްބާސް ޝަރީފް މަގާމާ ހަވާލުވެވަޑައިގަތުމަށް ފަހު، ސީދާ އޭނާގެ ނިންމެވުމުގެ ދަށުން ޕީޖީ އޮފީހުން ހުޅުވާލި ފުރުސަތެކެވެ.

ތަފްސީލް - މިއަދު ކްރިމިނަލް ކޯޓުގައި ބޭއްވި އަޑުއެހުމުގައި ދިފާއީ ވަކީލު އަލީ ސައީދު ވަނީ ޝަރީއަތުގެ އަޑުއެހުންތައް މި ވަގުތަށް މަޑުޖައްސައިލުމަށް އެދިވަޑައިގެންފަ އެވެ. އޭގެ އެއް ސަބަބަކީ، ޕީޖީ އޮފީހުގައި ދައުވާ ރިވިއުކޮށްދިނުމަށް ހުށަހަޅާތީ އެވެ.

އިތުރު ސަބަބުތަކަކީ:

ގާޒީގެ ނިންމެވުން - މައްސަލަ ބައްލަވާ ގާޒީ އިސްމާއިލް ޝަފީއު ވިދާޅުވީ މައްސަލަ ރިވިއުކޮށްދިނުމަށް ޕީޖީ އޮފީހަށް ހުށަހެޅި ނަމަވެސް އެއީ އަޑުއެހުންތައް މަޑުޖައްސާލަން ޖެހޭ ސަބަބެއް ނޫން ކަމަށެވެ. އަދި ދައުވާ އަނބުރާ ނުގެންދިއުމަކީ ވެސް ވެދާނެ ކަމެއް ކަން ގާޒީ ފާހަގަ ކުރެއްވި އެވެ.

ދެން ހުރި ސަބަބުތަކާ ގުޅޭ ގޮތުން ޝަފީއު ފާހަގަ ކުރެއްވީ:

ކީކޭ ބުނީ؟ - ގާޒީ އެ ގޮތަށް ފާހަގަ ކުރެއްވުމުން، އާޒިމާއާ އެކު ކުރިއަށް ދެވޭނެ ގޮތެއް ހަމަޖެއްސުމަށް ދައުވާ ރައްދުވާ ސަހުބާން ފަހުމީ ވަރަށް ބޮޑަށް އެދުނެވެ. އޭނާ ކަނޑައަޅާ ވަކީލަކާ އެކު ނުވަތަ ވަކީލުންގެ ޓީމަކާ އެކު ކުރިއަށް ދިއުމަކީ ލިބެން ޖެހޭނެ ހައްގެއް ކަމަށް ވެސް އޭނާ ބުންޏެވެ.

ސަހުބާންގެ ވާހަކަތައް އަޑުއެއްސެވުމަށް ފަހު ގާޒީ ނިންމެވީ އަންނަ އާދީއްތަ ދުވަހު މެންދުރުފަހު އަޑުއެހުމެއް ބޭއްވުމަށެވެ. އަދި އެ ދުވަހުގެ އަޑުއެހުމުގެ ކުރިއަށް ވަކީލުންގެ ކަންކަން ހަމަޖެއްސުމަށް ގާޒީ އެންގެވި އެވެ.

ފަސް މަންޒަރު - 'ކިންގްސް ކެޕިޓަލް ހޯލްޑިންގްސް ޕްރައިވެޓް ލިމިޓެޑު' އިން އާންމުކޮށް ހުޅުވާލައިގެން ފޮރެކްސް ޓްރޭޑިންގެ ސްކީމެއް ހުޅުވާލައިގެން ގެންދިޔަ އެވެ. 

އެކަމަކު އެއީ ރާއްޖޭގައި މާލީ ސެކިއުރިޓީޒްގެ ގާނޫނާއި ގަވާއިދާއި އުސޫލުތަކާ ހިލާފަށް އިންވެސްޓްމަންޓް ސްކީމެއް ކަން ފާހަގަކޮށް އެމްއެމްއޭން 10 މާޗު 2022ގައި ބަޔާނެއް ނެރުނެވެ.

މަކަރާއި ހީލަތުން ގިނަ އަދަދެއްގެ ފައިސާ ހޯދައި އެ ފައިސާ ލޯންޑާކޮށްފައިވާ ކަމަށް ތުހުމަތުކުރެވޭ މައްސަލައިގެ ތަހުގީގު ފުލުހުން ފަށާފައިވަނީ މާޗު 2022ގަ އެވެ.  

ދައުވާތަކުގެ ހުލާސާ - އަލްހާނާއި އޭނާގެ ދެ ކޮއްކޮއަށް ކުރާ ޖުމުލަ 39 ދައުވާއެއް ކްރިމިނަލް ކޯޓަށް ޕީޖީ އޮފީހުން ހުށަހެޅީ 23 ނޮވެމްބަރު 2023ގަ އެވެ.

ދައުވާ ކޮށްފައިވާ މީހުންނާއި ދައުވާތަކަކީ:

ދައުލަތުން ތުހުމަތުކޮށްފައިވާ ގޮތުގައި، ކިންގްސްއިން 2021 އަދި 2022 ވަނަ އަހަރު ތެރޭގައި އާންމުންނަށް ހުޅުވާލައިގެން ކުރިއަށް ގެންދިޔަ އެކި ޕެކޭޖްތަކުން މާލީ މަންފާއެއް ހޯދައިދޭނެ ކަމަށް ދައްކައިގެން އެކި މީހުން 98 މިލިއަނަށް ވުރެ ގިނަ ރުފިޔާ އިންވެސްޓް ކުރި އެވެ.

ކްރިމިނަލް ކޯޓަށް ހުށަހަޅާފައިވާ 13 ދައުވާއަކީ، އެ ކުންފުންޏަށް އިންވެސްޓްކުރި 13 މީހަކަށް ފައިސާ ނުދީ، ނުވަތަ އެ ފައިސާއިން ކޮށްދޭނެ ކަމަށް އެއްބަސްވި ކަންކަން ކޮށްނުދީ 'ފައިސާ ޓަކައިގެންފައިވާތީ' ހުށަހަޅާފައިވާ ދައުވާތަކެއް ކަން، ޕީޖީ އޮފީހުން ފާހަގަކޮށްފައިވެ އެވެ.

ގުޅުންހުރި ކަމެއް - އަލްހާންގެ ސްކީމުގައި ޖެހުނު މީހަކަށް 90،000ރ. އަދި އިތުރު ތިން މީހަކަށް 700،000ރ.އަށް ވުރެ ގިނަ ރުފިޔާ ދެއްކުމަށް ސިވިލް ކޯޓުން މިދިޔަ އަހަރުގެ މެއި އަދި ޑިސެމްބަރުގައި ހުކުމްކޮށްފައިވެ އެވެ. އަދި އިތުރު ދެ މީހަކަށް މިލިއަނަކަށް ވުރެ ގިނަ ރުފިޔާ ދެއްކުމަށް މިދިޔަ ފެބްރުއަރީގައި ވެސް ހުކުމްކޮށްފައިވެ އެވެ.