އަނެއްކާ ވެސް ހުޅުމާލޭގައި ނުރައްކާތެރި އެކްސިޑެންޓެއް؛ އެކަކަށް ސީރިއަސް އަނިޔާތަކެއް

ހުޅުމާލޭގައި ބުރާސްފަތި ދުވަހުގެ ރޭ ދަންވަރު ހިނގި އެކްސިޑެންޓެއްގައި 23 އަހަރުގެ ޒުވާނަކު މަރުވެފައިވަނިކޮށް އަނެއްކާ ވެސް ނުރައްކާތެރި އެކްސިޑެންޓެއް ހިނގައި، އިތުރު ޒުވާނަކަށް ސީރިއަސް އަނިޔާތަކެއް ވެއްޖެ އެވެ.

ވީ ކިހިނެއް؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނި ގޮތުގައި މި އެކްސިޑެންޓް ހިނގާފައިވަނީ މިއަދު ހެނދުނު 6:50 ހާއިރު ހުޅުމާލެ ފޭސް 2ގަ އެވެ. އެގޮތުން:

ފާހަގަކޮށްލެވޭ - މި އެކްސިޑެންޓުވި ސަރަހައްދުގެ ވީޑިއޯއެއް ސޯޝަލް މީޑިއާގައި ދައުރުވަމުންދާ އިރު، ވީޑިއޯ އިން ފެންނަ ގޮތުގައި ސައިކަލު ދުއްވަން ޒުވާނާގެ ބޮލަށް ވަނީ އަނިޔާވެފަ އެވެ. 

އެނގުން މުހިއްމު - ހުޅުމާލޭ ސެންޓްރަލް ޕާކް ކައިރިން، އުރީދޫ އޮފީސް އިމާރާތް ކުރިމަތީގައި ބުރާސްފަތި ދުވަހުގެ ރޭ ދަންވަރު ސްޕޯޓްސް ކާރަކުން ޖެހި، ހޮސްޕިޓަލުގައި ފަރުވާ ދެމުން ދަނިކޮށް އުމުރުން 23 އަހަރުގެ ހަސަން ސަމާހު މަރުވުމާ ގުޅިގެން، ރާއްޖޭގެ މަގުމަތީގެ ރައްކާތެރިކަން ކުޑަކަމުގެ ޝަކުވާ އަނެއްކާ ވެސް ވަނީ ބޮޑުވެފަ އެވެ.

އެކަމާ ގުޅިގެން އެކްސިޑެންޓުތައް މަދު ކުރުމަށްޓަކައި ހާއްސަ ފިޔަވަޅުތަކެއް އަޅަން ރައީސް މުހައްމަދު މުއިއްޒު ވަނީ ނިންމަވާފަ އެވެ. އެ ފިޔަވަޅުތައް އެމަނިކުފާނު ރޭގައި އިއުލާނު ކުރެއްވި އިރު ބާރު ސްޕީޑުގައި ދުއްވާ މީހުންނަށް ހަރުކަށި ފިޔަވަޅު އެޅުމުގެ އިތުރުން ވަކި ވައްތަރުގެ ވެހިކަލް މަނާކުރުމާއި ރޭސިން އާއި ޑްރިފްޓިންއަށް ދޫކޮށްފައިވާ ހުއްދަ ބާތިލް ކުރުން ހިމެނެ އެވެ.