އަތުހަރު ދަންޖެހުނު ފުޓޭޖް ނޫސްވެރިންނަށް ދައްކައިފި

އަންހެނެއްގެ ކަރުގައި ވަޅި ޖައްސައި ރަހީނުކުރި މައްސަލާގައި ފުލުހުންގެ ހައްޔަރުގައި ހުއްޓާ ދަންޖެހިގެން، ހާލު ސީރިއަސްވެ ވެންޓިލޭޓަރުގައި ފަރުވާދެމުން ދަނިކޮށް މަރުވި އާދަމް އަތުހަރު ދަންޖެހުނު މަންޒަރުގެ ފުޓޭޖް ފުލުހުން ނޫސްވެރިންނަށް މިރޭ ދައްކައިފި އެވެ.

ވީ ކިހިނެއް؟ - އައިޖީއެމްއެޗްގެ އައިސީޔޫގައި ފަރުވާދެމުން ދަނިކޮށް އަތުހަރު މަރުވީ އިއްޔެ ހަވީރު 4:08ގަ އެވެ. އޭނާ މަރުވި ގޮތް ކަށަވަރުކުރަން އޮޓޯޕްސީ ހަދަން ފުލުހުން ވަނީ ނިންމާފަ އެވެ.

އޮޓޯޕްސީ ހަދަން އާއިލާއިން ދެކޮޅު ނަމަވެސް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވިދާޅުވީ ފުލުހުންނަށް ލިބިދޭ ބާރުގެ ދަށުން އޮޓޯޕްސީ ހަދާނެ ކަމަށެވެ.

ތަފްސީލް - އަތުހަރުގެ މަރާ މެދު ބައެއް މީހުން ސުވާލު އުފައްދަމުން ދަނިކޮށް ފުލުހުން މިރޭ ދެއްކި ރޯ ފުޓޭޖުގައި ގޮޅީގައި ހުރެ އޭނާ ދަންޖެހޭ ތަން ފެނެ އެވެ. 

އެ މަންޒަރުތައް ނޫސްވެރިންނަށް ދެއްކީ ފޯނާއި، ކެމެރާ އަދި އިލެކްޓްރޯނިކް އެއްވެސް ޑިވައިސްއެއް ނުވައްދަ އެވެ.

އެ ފޫޓޭޖުން ފެންނަ ގޮތުގައި:

ފުލުހުން މިއަދު ހިއްސާކުރި ޓައިމްލައިން ދައްކާ ގޮތުގައި:

އަތުހަރު ދަންޖެހުނު މައްސަލަ ތިން މުއައްސަސާއަކުން އަންނަނީ ތަހުގީގްކުރަމުންނެވެ. އެއީ:

އަތުހަރުގެ އާއިލާއިން މިރޭ ބައެއް މީޑިއާތަކަށް ދިން އިންޓަވިއުގައި އޭނާގެ ކަރުން ދަންޖެހިފައިވާ ކަމުގެ ނިޝާން ނުފެންނަކަމަށް ބުންޏެވެ. ނަމަވެސް އޭގެ ފަހުން އެ އާއިލާއާ ބައްދަލުކޮށް ފުލުހުން ވަނީ އެ ފުޓޭޖް އާއިލާއަށް ވެސް ދައްކައިފަ އެވެ.

އިހުސާން ވިދާޅުވީ ތަހުގީގުތަކަށް ވެސް އެ ފުޓޭޖް ހިއްސާކުރާނެ ކަމަށެވެ.

ފުޓޭޖް ދެއްކުން ފިޔަވައި ނޫސްވެރިންގެ އެއްވެސް ސުވާލަކަށް އޮން ރިކޯޑްގައި މިނިސްޓަރު ޖަވާބެއް ނުދެއްވަ އެވެ. އޭނާ ވިދާޅުވީ ނޫސްވެރިންގެ ސުވާލުތަކަށް ޖަވާބުދެއްވަން ނޫސްވެރިންގެ ބައްދަލުވުމެއް ބާއްވަވާނެ ކަމަށެވެ. 

ފަސް މަންޒަރު - އަތުހަރު ހައްޔަރުކުރީ ބުރާސްފަތި ދުވަހުގެ ރޭ ހިނގި ހާދިސާގައި އަންހެން މީހާ ސަލާމަތްކުރުމަށް އުުޅުމުގެ ތެރޭގައި ފުލުހުން މުގުރުން އޭނާގެ ބޮލުގައި ޖެހުމުން ލިބުނު އަނިޔާތަކަށް އޭޑީކޭގައި ފަރުވާ ދިނުމަށް ފަހު، ޖެހިގެން އައި ހުކުރު ދުވަހުގަ އެވެ.

ހޮޑުލާތީ އާއި ފިޓު ޖެހިގެން ހުކުރު ދުވަހު ވެސް އޭނާ ހޮސްޕިޓަލަށް ގެންދިޔަ އެވެ. ހޮނިހިރު ދުވަހުގެ ވަގުތެއްގައި ހޮސްޕިޓަލުން އޭނާ ދޫކޮށްލުމުން، އަނެއްކާވެސް ފުލުހުންގެ ހައްޔަރަށް ގެންދިޔަ އެވެ. 

ކޯޓުން ވަނީ ޝަރީއަތް ނިމެންދެން ބަންދުގައި އޭނާ ބަހައްޓަން ހޮނިހިރުދުވަހު އަމުރުކޮށްފަ އެވެ. އަމިއްލައަށް މަރުވާން މަސައްކަތްކުރީ އޭގެ ފަހުން ފުލުހުންގެ ބެލުމުގެ ދަށުގައި، ދޫނިދޫގެ ގޮޅީއެއްގައި ބަންދުކޮށްފައި ހުއްޓަ އެވެ.