ޖަލަށް ޑްރަގާއި ފޯން ވެއްދުމުގައި އެހީތެރިވެދިން މައްސަލާގައި ދައުވާކުރަން ފޮނުވާފައިވާ 13 އޮފިސަރުންގެ ތެރޭގައި ހިމެނޭ ބައެއް އޮފިސަރުން.
ޖަލަށް ޑްރަގް ވައްދަން އެހީވި ކަމަށް ބުނާ ކަރެކްޝަންސްގެ 13 އޮފިސަރުންގެ މައްސަލަ ޕީޖީއަށް
ޖަލުގައި ގައިދީންނަށް ފޯނާއި މަސްތުވާތަކެތި ފޯރުކޮށްދިނުމަށް އެހީތެރިވުމުގެ ތުހުމަތުގައި ހައްޔަރުކުރި ކަރެކްޝަންސްގެ 13 އޮފިސަރުންނަށް ދައުވާކޮށްދިނުމަށް އެދި ޕްރޮސެކިއުޓާ ޖެނަރަލް (ޕީޖީ)ގެ އޮފީހަށް މިއަދު ފޮނުވައިފި އެވެ.
ވީ ކިހިނެއް؟ - ފުލުހުން މިދިޔަ ޖޫން މަހުގެ ތެރޭގައި ބޭއްވި ނޫސްވެރިންގެ ބައްދަލުވުމެއްގައި ހާމަކުރި ގޮތުގައި ކަރެކްޝަންސްގެ ދަށް ލެވަލްގެ 18 އޮފިސަރެއްގެ އެކައުންޓަށް ޝައްކު ކުރެވޭ 73 މިލިއަން ރުފިޔާ ވަނީ ޖަމާކޮށްފަ އެވެ. އަދި އެ އޮފިސަރުންގެ އެކައުންޓްތަކަށް ވަދެފައިވާ އެ ފައިސާ ޖަމާކޮށްފައި ވަނީ ޖަލުގައި ތިބި ގައިދީންނާއި އެ މީހުންނާ ގުޅުން ހުރި މީހުންގެ އެކައުންޓްތަކުން ކަމަށް ފުލުހުން ބުނެފައިވެ އެވެ.
އެކަމުގައި ޝާމިލުވާ މީހުން ހައްޔަރުކުރުމުގެ އޮޕަރޭޝަނެއް ފުލުހުން ފަށައި މިހާތަނަށް ކަރެކްޝަންސްގެ 13 އޮފިސަރަކު ފުލުހުން ވަނީ ހައްޔަރުކޮށްފަ އެވެ.
ތަފްސީލް - ފުލުހުން މިއަދު ބުނި ގޮތުގައި، އެ 13 އޮފިސަރުންގެ ތަހުގީގުތައް ނިންމައި އެ މީހުންގެ މައްޗަށް ދައުވާކޮށްދިނުމަށް އެދި ޕީޖީ އޮފީހަށް ފޮނުވީ މިއަދު އެވެ. އެ އޮފިސަރުންގެ ފޮޓޯއާ އެކު ވަނަވަރު ވެސް ފުލުހުން މިއަދު ވަނީ ހާމަކޮށްފަ އެވެ.
ދައުވާކޮށްދޭން އެދި ފޮނުވި 13 އޮފިސަރުންނަކީ:
-
1-
މާޒިން ހަމީދު، 22، ހަވޭލީ/ފ. ނިލަންދޫ،
-
2-
ޖިނާހް އަބްދުއްލްރަހީމް، 29، އައިވަރީ ހައުސް/ރ. އުނގޫފާރު
-
3-
މުހައްމަދު ފަތޫހު ފަތުހުﷲ، 24، ކުއްޅަވައްގެ/ގއ. ވިލިނގިލި
-
4-
އަލީ ހިޝާމް، 33، ބީޗު ހައުސް/ކ. މާފުށި
-
5-
މުހައްމަދު ނަބުހާން، 30، އީވްނިން ސްޓޯރު/މާލެ
-
6-
މުހައަމަދު ނަބީލް އިބްރާހިމް، 21، މ.މޭދާ/މާލެ
-
7-
އަލީ ނާޒިމް، 36، ތަރާނާގެ/ ހދ. ނޭކުރަންދޫ
-
8-
ޒަޔާން އަހްމަދު، 23، މާވިނަ/ކ. މާފުށި
-
9-
ޔާމީން ހުސެއިން، 23، ހިޖާޒް/ރ. މީދޫ
-
10-
އަހްމަދު ޝަމާލް، 24، ފަހާގެ/ށ. ފޯކައިދޫ
-
11-
މުހައްމަދު ރިމާޒް، 29، ދަނބުމާގެ/ށ. ފޯކައިދޫ
-
12-
އަހްމަދު އަނޫފް، 27، ބިންމަތީގެ/ކ. ކާށިދޫ
-
13-
އަލީ އަޝްފާގް، 32، ކާމިނީގެ/ނ. ލަންދޫ
ފާހަގަކޮށްލެވޭ ކަމެއް - މި މައްްސަލައިގެ އޮޕަރޭޝަންތައް ފުލުހުން ފެށީ އިންޓެލިޖެންސަށް ލިބުނު މައުލޫމާތަކާ ގުޅިގެންނެވެ. މިހާތަނަށް ބެލިބެލުމުން އެ މައްސަލާގައި ހިމެނޭ ހަ މީހަކު މިދިޔަ އަހަރު ވަޒީފާއިން ވަކިވެފައިވާ ކަމަށް ހޯމް މިނިސްޓަރު އަލީ އިހުސާން މީގެ ކުރިން ވިދާޅުވެފައިވެ އެވެ.
އިހުސާން ވިދާޅުވެފައިވާ ގޮތުން، ޔުނީފޯމު އެޅި އެއްވެސް އޮފިސަރަކު އޭނާގެ މަގާމުގެ ނުފޫޒާއި ލިބިފައިވާ އިމްތިޔާޒުތަކުގެ ބޭނުންކޮށްގެން ފައިސާ ނަގައި ފައިސާއަށްޓަކައި އެ މީހާގެ ޔުނީފޯމު ވިއްކާލައިފި ނަމަ، އެފަދަ މައްސަލަތަކުގައި ހަރުކަށި ފިޔަވަޅު އަޅުއްވާނެ އެވެ.
މީގެ އިތުރުން، ކަރެކްޝަންސްގެ އޮފިސަރުންނަށް ފައިސާ ޖަމާކޮށްދިން މީހުން ވެސް ހޯދާ އަދަބު ދެއްވާނޭ ކަމަށް އިހުސާން ވިދާޅުވެފައިވެ އެވެ.
