ރޭގަނޑު ކަނޑުުދަތުރުފަތުރު ނުކުރަން އެމްއެންޑީއެފްއިން އިލްތިމާސްކޮށްފި

ކުރިއަށް އޮތް ތިން ދުވަހު ވެސް ރާއްޖޭގެ މޫސުން ގޯސްވާނެ ކަމަށް މޫސުމާ ބެހޭ ގައުމީ އިދާރާ، މެޓް އޮފީހުން ލަފާކޮށްފައިވާތީ ރޭގަނޑު ދަތުރު ނުކުރުމަށް އެމްއެންޑީއެފްއިން ރޭ އިލްތިމާސްކޮށްފި އެވެ.

ވީ ކިހިނެއް؟ - ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވާން ފަށާތީ މޫސުމަށް ސަމާލުވުމަށް މެޓް އޮފީހުން މިދިޔަ ބުދަ ދުވަހު ވަނީ އިލްތިމާސްކޮށްފަ އެވެ. އެގޮތުން އެ އިދާރާއިން އޭރު ބުނެފައި ވަނީ:

ބުނީ ކީކޭ؟ - "ކަނޑުމަގުން ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށާއި ކޮންމެހެން ދަތުރުކުރަންޖެހޭ ފަރާތްތަކުން ވެސް ދަތުރުކުރައްވާއިރު މޫސުމަށް ހާއްސަ ސަމާލުކަމެއް ދެއްވުމަށް އެމްއެންޑީއެފް ކޯސްޓްގާޑުން އިލްތިމާސްކުރަމެވެ." ބަޔާނުގައި ބުނެފައިވެ އެވެ.

"އަދި ރޭގަނޑު ދަތުރުނުކުރުމަށާއި، މޫސުން ތަން ނުދޭނަމަ މޫސުން ރަނގަޅު ވަންދެން ދަތުުރު ފަސްކޮށްލުމަށް ވެސް އެމްއެންޑީއެފް ކޯސްޓްގާޑުން އިލްތިމާސްކުރަމެވެ."

އެނގުން މުހިންމު - މެޓް އޮފީހުން މިއަދު ވަނީ، ހެނދުނު 6 އިން މެންދުރު 12އަށް މުޅި ރާއްޖެއަށް ޔެލޯ އެލާޓް ނެރަފަ އެވެ.