ސަމާލުވޭ؛ ކުރިއަށް އޮތީ ވައި ބާރުވެ، ކަނޑު ވަރަށް ގަދަ ވާނެ ދުވަސްތަކެއް: މެޓް އޮފީސް

• އާންމު ގޮތެއްގައި ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައިި ވައިޖެހޭނެ

• ވިލާގަނޑުގައި ގަޑިއަކު 45 މޭލާއި 50 މޭލާ ދެމެދުގެ ބާރުމިނަށް ވައިގަދަވެ، ކަނޑު ގަދަވާނެ
  

• ދިޔަވަރު ބޮޑުވާ ވަގުތުތަކުގައި ބައެއް ރަށްތަކަށް އުދައިގެ އަސަރު ކުރުން ވެސް އެކަށީގެންވޭ
  

ރައްކާތެރިވާން އެޅިދާނެ ފިޔަވަޅުތައް

• ވާރޭވެހި ފެންބޮޑުވެދާނެ ކަމަށް ތައްޔާރުވުން

• ގެއަށް ފެން ނުވަންނާނެހެން ރައްކާތެރި ފިޔަވަޅު އެޅުން؛ މިސާލަކަށް ގޭގެ ދޮރުމަތީގައި ވެލިބަސްތާ ފަދަ ތަކެތި ޖެއްސުން
  

• ގޭތެރޭގައި ފެންބޮޑުވެއްޖެ ހާލަތެއްގައި ގެއްލުންވެދާނެ ފަދަ މުދާ، ފެން ނުޖެހޭ ފަދަ އުސްތަންތަނަށް ބަދަލުކުރުން؛ މިގޮތަށް ނުކުރެވޭ ތަކެތި ފެނުގެ އަސަރު ނުފޯރާނެ ތަނަކަށް ބަދަލުކުރުން
  

• ގަދަވައިގެ ސަބަބުން ގޭގެ ފުރާޅު އެއްލައިލަފާނެ ކަމަށް ލަފާ ކުރެވޭ ނަމަ، ދުރާލައި ވައު ފަދަ އެއްޗެއް ބޭނުންކޮށްގެން ފުރާޅު އެއްލައިނުލާނެ ފަދަ ގޮތަކަށް ހައްޔަރުކުރުން

• ގަދަވައިގެ ސަބަބުން އެއްލައިލާނެ ތަކެތި ބަނދެ ރައްކާތެރިކުރުން
  

• ބޭނުންނުކުރާނަމަ، ކަރަންޓުން ބޭނުންކުރާ ތަކެތި ނިއްވާލާފައި ބެހެއްޓުން