ގާ ހުދުވާތީ އަޅާފައިވާ ފިޔަވަޅުތަކަށް އެއްބާރުލުންދޭން މަޓީން ގޮވާލައިފި

ކަނޑުގެ ފިނިހޫނުމިން މަތިވެ، ރާއްޖޭގެ ފަރުތަކުން ގާ ހުދުވުމުގެ މައްސަލަ ކުރިމަތިވާތީ، އެކަމުގެ އަސަރު ކުޑަކުރަން އެންވަޔަރަމެންޓަލް ޕްރޮޓެކްޝަން އޭޖެންސީ (އީޕީއޭ) އިން އަޅާފައިވާ ފިޔަވަޅުތަކަށް ފަރުތުވެރިކަމުގެ ދާއިރާގައި ހަރަކާތްތެރިވާ ފަރާތްތަކުން އެއްބާރުލުން ދޭން މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ)ން ގޮވާލައިފި އެވެ.

ވީ ކިހިނެއް؟ - ރާއްޖޭގެ ކަނޑުތަކުގެ ފިނިހޫނުމިން ވަރަށް ބޮޑަށް މައްޗަށް ގޮސް، މިދިޔަ މަހުން ފެށިގެން ފަރުތަކުން މުރަކަތައް ދަނީ މަރުވަމުންނެވެ. އެންމެ ފަހުގެ މައުލޫމާތަށް ބަލާ އިރު، މި ވަގުތު ރާއްޖެ އޮތީ 'އެލާޓް ލެވެލް -1' އެވެ.

މި މަހުގެ ކުރީކޮޅުން ފެށިގެން އަންނަ މަހުގެ ކުރީކޮޅާ ހަމައަށް ވަރަށް ބޮޑަށް ގާހުދުވާނެތީ، އީޕީއޭ އިން ވަނީ އެކަމުގެ އަސަރު ކުޑަކުރަން ފިޔަވަޅުތަކެއް އަޅަން ނިންމައިފަ އެވެ. އެ ފިޔަވަޅުތަކަކީ:

ބުނީ ކީކޭ؟ - ގާ ހުދުވާ މައްސަލައާ ގުޅިގެން މަޓީން މިއަދު ނެރުނު ނޫސްބަޔާނެއްގައި ވަނީ އީޕީއޭގެ ފިޔަވަޅުތަކަށް މަރުހަބާ ކިޔައި، އެ ފިޔަވަޅުތަކަށް ވަރަށް ބޮޑަށް ތާއީދު ކުރާ ކަމަށް ބުނެފަ އެވެ.

އަދި ފަރުތުވެރިކަމުގެ ސިނާއަތުގެ ހުރިހާ ހިއްސާދާރުން ވެސް އެ ފިޔަވަޅުތައް ތަންފީޒުކުރުމުގައި އެއްބާރުލުން ދޭން މަޓީން ގޮވާލި އެވެ. އެ ޖަމިއްޔާ އިން ފާހަގަކުރި ގޮތުގައި:

އެނގުން މުހިއްމު - މުރަކައިގެ ޓިޝޫތަކުގައި ދިރިއުޅޭ އަލްގީ، ކަނޑުގެ ލޮނުގަނޑުގެ ފިނިހޫނުމިން މާ ބޮޑަށް މަތިވުމުން، މުރަކައިން ބޭރުކޮށްލަ އެވެ. މުރަކައަށް އޭގެ ގަދަ ކުލަތައް ލިބެނީ މި އަލްގީގެ ސަބަބުން ކަމަށް ވުމުން، އަލްގީތައް ބޭރުވުމާ އެކު މުރަކައިގެ ކުލަ ގެއްލި، ހުދުވެ އެވެ. މިއީ 'ކޮރަލް ބްލީޗިން' ނުވަތަ ގާ ހުދުވުމެވެ.

ގާ ހުދުވުމުން މުރަކަ ވަގުތުން މަރެއް ނުވާނެ އެވެ. ފިނިހޫނުމިން ރަނގަޅު މިންވަރަކަށް ތިރިވެއްޖެ ނަމަ، މުރަކައިގެ ޓިޝޫތަކަށް އަލްގީ ވަދެ، މުރަކަތައް ސަލާމަތްވާނެ އެވެ.

މުރަކަތައް މަރުނުވެ ސަލާމަތްވާ ނިސްބަތް މަތިކުރަން މުރަކަތަކަށް ގެއްލުން ލިބޭ އެހެނިހެން ކަންކަން ވީހާ ވެސް މަދުކުރުން މުހިއްމެވެ. މުރަކަތައް މަރުވުމުގެ ފުރުސަތު ބޮޑުވާ ބައެއް ކަންކަމަކީ: