އައިކޮމުން އެންގުމުން ވެސް ސިޔާސީ މަގާމުތަކުގެ ތަފްސީލު ސަރުކާރުން ހާމަ ނުކުރި

ސަރުކާރުގެ ސިޔާސީ މަގާމުތަކުގެ ތަފްސީލު ހާމަ ކުރުމަށް އިންފޮމޭޝަން ކޮމިޝަރު އޮފީސް(އައިކޮމް)އިން އެންގުމުން ވެސް، ރައީސް އޮފީހުން އެ މައޫލޫމާތު ނުދީ ހިފަހައްޓައިފި އެވެ.

ވީ ކިހިނެއް؟ - މައުލޫމާތު ހޯދުމާއި ލިބިގަތުމުގެ ހައްގުގެ ގާނޫނުގެ ދަށުން 'ދައުރު'ން މިދިޔަ ޑިސެމްބަރު މަހު ހޯދުމަށް އެދުނު އެ މައުލޫމާތު، ގާނޫނުގައި ބުނާ މުއްދަތު ހަމަވިއިރު ވެސް ދީފައި ނުވެ އެވެ. އެއާއެކު އެ މައްސަލަ އައިކޮމަށް ހުށަހެޅުމުން އެ މައުލޫމާތު ދިނުމަށް ކޮމިޝަނަރު އަހުމަދު އާހިދު ރަޝީދު މިދިޔަ މަހު 28ގައި ބޭއްވި އަޑުއެހުމުގައި ނިންމެވީ ރައީސް އޮފީހުން އެ މައުލޫމާތު ރަސްމީ ތިން ދުވަސް ތެރޭ ދިނުމަށެވެ.

ތަފްސީލު - އެ ނިންމުން ނިންމިފަހުން ފަހު 10އަށް ސަރުކާރު އޮތީ ބަންދުވެފަ އެވެ. އަދި ރަސްމީ ތިން ދުވަސް އަންގާރަ ދުވަހަށް އޮތީ ހަމަވެފަ އެވެ.

މިކަމާ ގުޅިގެން ރައީސް އޮފީހާ 'ދައުރު'ން ސުވާލު ކުރުމުން ރަސްމީ ޖަވާބެއް ދީފައެއް ނުވެ އެވެ.

'ދައުރު'ން ހޯދަން އެދުނު މައުލޫމާތުތަކުގެ ތެރޭގައި ހިމެނެނީ 17 ނޮވެމްބަރު 2023 އިން 17 ޑިސެމްބަރު 2023ގެ ނިޔަލަށް ސަރުކާރުގެ ސިޔާސީ މަގާމުތަކަށް އައްޔަންކޮށްފައިވާ ބޭފުޅުންގެ ނަމާއި އެމީހުން މަގާމާއި މުސާރަ/އިނާޔަތްތައް ހޯދުމަށެވެ. އޭގެ ތެރޭގައި ހޯދަން އެދުނީ:

އާހިދު މި މައްސަލައިގައި ގޮތް ނިންމުމަށް އަޑުއެހުން އެކި ފަހަރުމަތިން ތާވަލް ކުރުމުން ވެސް ރައީސް އޮފީހަކުން އަޑުއެހުމުގައި ބައިވެރިވެފައެއް ނުވެ އެވެ. އެންމެ ފަހުން އައިކޮމްއަށް ޖެހުނީ، ރައީސް އޮފީހުގެ ގައިރު ހާޒިރުގައި މި މައްސަލައިގައި ގޮތެއް ނިންމުމަށެވެ.

އެ އަޑުއެހުމުގައި އާހިދު ވިދާޅުވީ ހޯދުމަށް އެދިފައިވާ މައުލޫމާތަކީ ގާނޫނުގެ ދަށުން ނުދީ ހިފެހެއްޓުމަށް ބަޔާންކުރާ އިސްތިސްނާ ހާލަތަށް ފެތޭ މައުލޫމާތުތަކެއް ނޫން ކަމަށެވެ. އެހެންވެ އާހިދު ނިންމެވީ: