އަަނަސްގެ މަރު: ހަފްތާއެއްވީއިރު ޝަރީއަތް ނިންމި ރިޕޯޓް ނުލިބޭތީ ޕީޖީގެ ކަންބޮޑުވުން

މާލޭގައި މީގެ ހަ އަހަރު ކުރިން ތޫނު އެއްޗަކުން ހަމަލާދީ މަރާލި މުހައްމަދު އަނަސްގެ މަރުގެ މައްސަލާގެ ޝަރީއަތް ނިންމި ގޮތުގެ ރިޕޯޓާއި ލިޔެކިއުންތައް އަދިވެސް ނުލިބި އިސްތިއުނާފް ކުރުމާމެދު ގޮތެއް ނިންމުން ލަސްވަމުން ދާތީ ޕްރޮސިކިއުޓަ ޖެނަރަލް (ޕީޖީ) އޮފީހުން މިއަދު ކަންބޮޑުވުން ފާޅުކޮށްފި އެވެ.  

ވީ ކިހިނެއް؟ - އަނަސް، ފެންފިޔާޒުގޭ، ރ. މީދޫ، އަނިޔާވެރި ގޮތަކަށް މަރާލީ 31 ޖުލައި 2017ގަ އެވެ. މި މައްސަލާގައި ކްރިމިނަލް ކޯޓުގައި ހަތް މީހެއްގެ މައްޗަށް ދައުވާ އުފުލާފައިވެ އެވެ. އެއީ:

ގަސްތުގައި މީހަކު މަރާލުމުގެ ދައުވާ:

ގަސްތުގައި މީހަކު މަރާލުމުގައި ބައިވެރިވުމުގެ ދައުވާ:

އަނަސްގެ މަރަށް ހަ އަހަރު ފަހުން، މިދިޔަ އާދިއްތަ ދުވަހު ކްރިމިނަލް ކޯޓުން މި މައްސަލާގައި އިއްވި ހުކުމުގައި ވަނީ އެ އެންމެންގެ މައްޗަށް ވެސް ކުށް ސާބިތުނުވާ ކަމަށް ނިންމާފަ އެވެ.

އެންމެންގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ހުކުމް ކުރުމާއެކު ޕްރޮސިކިއުޓާ ޖެނަރަލް (ޕީޖީ) އޮފީހުން އެ ދުވަހު ވަނީ، އެ ހުކުމް އިސްތިއުނާފް ކުރުމުގެ ވިސްނުން ގެންގުޅޭ ކަމަށް ބުނެފަ  އެވެ.

ބުނީ ކީކޭ؟ - އިސްތިއުނާފް ކުރުމާމެދު ފަހުގެ ނިންމުން ހާމަނުކޮށް ލަސްވާ، ސަބަބާ ގުޅޭގޮތުން 'ދައުރު' އިން ސުވާލުކުރުމުން ޕީޖީ އޮފީހުގެ ތަރުޖަމާނު އަދި ވަކީލު އަހުމަދު ޝަފީއު ވިދާޅުވީ ލަސްވަނީ ކޯޓުން ލިބެން ޖެހޭ މައްސަލައިގެ އެއްވެސް ލިޔެކިއުމެއް މިހާތަނަށް ލިބިފައިނުވާތީ ކަމަށެވެ.

އެގޮތުން އޭނާ ވިދާޅުވީ:

"އިސްތިއުނާފަކީ މުއްދަތު ކަނޑައެޅިފައިވާ ކަމަކަށްވާއިރު، ކޯޓުން ލިބެން ޖެހޭ ލިޔެކިއުންތައް ނުލިބި ލަސްވާ ކޮންމެ ދުވަހަކީ ކުރިމަތިވާނެ ދައްޗެއް. މިކަމާ ޕީޖީން ކަންބޮޑުވޭ. ހާއްސަކޮށް މަރުގެ މިފަދަ މައްސަލަތަކުގައި ކޯޓުން ލިބެން ޖެހޭ ލިޔެކިއުންތައް ވީހާވެސް އަވަހަށް ލިބުން މުހިންމު،" އިސްތިއުނާފު ކުރުމާ މެދު ގޮތެއް ނިންމޭނީ ވެސް އެ ލިޔެކިއުންތައް ލިބިގެންކަން ފާހަގަކުރައްވާ ޝަފީއު ވިދާޅުވި އެވެ.

އެނގުން މުހިންމު - އަނަސް މަރުގެ މައްސަލައިގެ ޝަރީއަތް ނިންމި ގޮތުގެ ހުލާސާ ރިޕޯޓު ވެސް ނުލިބޭކަން ޕީޖީން ފާހަގަކުރިއިރު، އެ ރިޕޯޓަކީ މައްސަލައިގެ ހުކުމް އިއްވާ ދުވަހު ހަވާލުކުރަންޖެހޭ ލިޔެކިއުންތަކެކެވެ. 

ޝަރީއަތް ނިންމި ގޮތުގެ ފުރިހަމަ ރިޕޯޓަކީ ވެސް ހުކުމް އިއްވާތާ 15 ދުވަސްތެރޭގައި ކޯޓުން ދޭންޖެހެ ރިޕޯޓެކެވެ. ޝަފީއު ވިދާޅުވީ:

ފާހަގަކޮށްލެވޭ ކަމެއް - މި މައްސަލާގައި ކުށް ސާބިތުވެ ހުކުމް އިއްވާފައިވާ ހަމައެކަނި ކުއްޖާގެ އަދަބު ކުރީގެ ރައީސް އިބްރާހިމް މުހައްމަދު ސޯލިހު ލުއިކޮށްދީފައިވަނިކޮށް، އެ މައްސަލާގައި ތުހުމަތުވާ އެހެން އެންމެން ވެސް ހަ އަހަރު ފަހުން މިނިވަންވެގެން ދިއުމުން އާއިލާއިން ވަނީ ކަންބޮޑުވުން ފާޅުކޮށްފަ އެވެ.