އަމީން އާންމު ފާތިމަތު ނިޔުޝާ މަޖިލީހުގެ ޖަލްސާއެއްގައި ވާހަކަ ދައްކަވަނީ. (ފޮޓޯ/މަޖިލިސް)
މަޖިލީހުގެ އިދާރާއިން ވެސް ގަބޫލުކުރަނީ ރިޔާސަތަށް ނަޝީދުގެ މައްސަލަ ބޭރުނުކުރެވޭނެ ކަަމަށް
ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަގާމުން ވަކިކުރުމުގެ ގަރާރު ބޭރުކޮށްލުމަށް މިއަދުގެ ޖަލްސާގެ ރިޔާސަތު ބެލެހެއްޓެވި ވިލުފުށީ ދާއިރާގެ މެމްބަރު ހަސަން އަފީފް ނިންމެވީ ގޯސް ކަމަށް މަޖިލީހުގެ އިދާރާއިން ވެސް ބުނެފި އެވެ.
ވީ ކިހިނެއް؟ - ސުޕްރީމް ކޯޓުން މިދިޔަ ބުރާސްފަތި ދުވަހު އިއްވި ހުކުމާ އެކު، މިއަދުގެ މަޖިލިސް ޖަލްސާގެ އެޖެންޑާގައި އޮތީ ނަޝީދު މަގާމުން ވަކިކުރަން އެމްޑީޕީގެ 49 މެންބަރުން ސޮއިކުރައްވައި ހުށަހެޅި ގަރާރު މަޖިލީހުގެ ތަޅުމަށް ހުށަހެޅުމެވެ.
މަޖިލީހުގެ ނައިބު ރައީސް ނެތި ވެސް ނަޝީދު މަގާމުން ވަކިކުރުމުގެ ގަރާރު ކުރިއަށް ގެންދެވޭނެ ކަމަށް ސުޕްރީމް ކޯޓުން ކަނޑައަޅާފައި ވާއިރު، މިއަދުގެ ޖަލްސާއަށް ވެސް ނައިބު ރައީސް އީވާ އަބްދުﷲ ވަނީ ސަލާމް ވިދާޅުވެފަ އެވެ. އެހެންވެ، މިއަދުގެ ޖަލްސާގެ ރިޔާސަތު ބެލެހެއްޓެވީ ވިލިފުށީ ދާއިރާގެ ޑިމޮކްރެޓްސްގެ މެންބަރު ހަސަން އަފީފް އެވެ.
-
ނަޝީދު ނިސްބަތްވެވަޑައިގަންނަވާ ޑިމޮކްރެޓްސް ތަމްސީލުކުރައްވާ އަފީފް ނިންމެވީ އެ ޕާޓީގެ ޕީޖީން ނިޒާމީ މައްސަލަ ނަގައި އެދުނު ގޮތަށް، އެމްޑީޕީން ގަރާރު ހުށަހަޅާފައި ވަނީ ގަވާއިދާ ހިލާފަށް ކަމަށް؛ އެ ގަރާރު އަލުން ހުށަހެޅުމަށް ވެސް އެންގެވި
-
ގަރާރު އަލުން ހުށަހެޅުމަށް މިއަދު 11:30އަށް އެ ގަރާރާ ގުޅޭ އިތުރު ޖަލްސާއެއް ތާވަލުކުރި؛ އެ ޖަލްސާގެ ރިޔާސަތު ބެލެހެއްޓެވި އީވާ ނިންމެވީ ނަޝީދު ވަކިކުރުމުގެ ގަރާރާ މެދު މިއަދު ހެނދުނު ބޭއްވި ޖަލްސާގައި ގޮތެއް ނިންމާފައިވާ ކަމަށާއި، އެހެންވެ އެ ގަރާރު އިތުރަށް ކުރިއަށް ނުގެންދެވޭނެ ކަމަށް
ބުނީ ކީކޭ؟ - މިކަމާ ގުޅޭ ގޮތުން 'ދައުރު'ން ސުވާލުކުރުމުން މަޖިލީހުގެ ކޮމިއުނިކޭޝަންސް ޑިރެކްޓަރު ހަސަން ޒިޔާއު ވިދާޅުވީ ދެ ވަނަ ޖަލްސާއެއް އެޖެންޑާކުރީ ވެސް ރިޔާސަތަށް އެ ގޮތަށް މައްސަލަ ބޭރުނުކުރެވޭނެ ކަމަށް އެ އިދާރާއަށް ގަބޫލުކުރެވުމުން ކަމަށެވެ.
"އިދާރާއިން ދެކެނީ މައްސަލަ އެ ގޮތަށް ރިޔާސަތަށް ބޭރު ނުކުރެވޭނެ ކަމަށް،" އޭނާ ވިދާޅުވި އެވެ.
އެނގުން މުހިއްމު - ރިޔާސަތުން އަމަލުކުރި ގޮތާ މެދު ނުރުހުން ފާޅުކުރައްވައި ނޫސްވެރިންނާ ވާހަކަދައްކަވަމުން އެމްޑީޕީގެ ޕާލިމެންޓްރީ ގްރޫޕު (ޕީޖީ)ގެ ލީޑަރު މުހައްމަދު އަސްލަމް ވެސް ވިދާޅުވީ އަފީފް އަމަލުކުރެއްވީ މަޖިލީހުގެ އަމީން އާއްމުގެ ލަފައާ ހިލާފަަށް ކަމަށެވެ.
އަސްލަމް ވިދާޅުވީ:
-
މަޖިލީހުން އެޖެންޑާކުރާ މައްސަލައެއް ބޭރުކޮށްލުމުގެ އިހުތިޔާރެއް މަޖިލީހުގެ ރިޔާސަތުގައި އިންނަވާ ބޭފުޅަކަށް ނޯންނާނެ؛ އެހެން ބޭރުކުރަންޏާ މަޖިލީހުގައި ވޯޓަށް އަހަން ޖެހޭނެ
-
އެއީ މަޖިލީހުގެ ގަވާއިދުން ތަން ދޭ ކަމެއް ނޫން
މި މައްސަލައިގައި މަޖިލީހުގެ އިމްތިޔާޒް އަދި ސުލޫކް ކޮމިޓީން ވަނީ އީވާ އާއި އަފީފް މެމްބަރުންގެ އިމްތިޔާޒްތަކަށް އަރައިގެންފައިވާ ކަމަށް މިއަދު ނިންމާފަ އެވެ.
-
އިތުރަށް ކިޔާލަން - އީވާ އާއި އަފީފް މެމްބަރުންގެ އިމްތިޔާޒުތަކަށް އަރައިގަތް ކަމަށް ނިންމައިފި