ވަކި ގޮތެއް ނުނިންމާ މީހުންގެ ވޯޓު ވެސް މިހާރު އޮތީ އެމްޑީޕީއަށް: ރައީސް

އަންނަ ހޮނިހިރު ދުވަހު އޮންނަ ރިޔާސީ އިންތިހާބުގައި ވޯޓުލުމާ މެދު ވަކި ގޮތެއް ނުނިންމާ ތިބި މީހުން ވެސް އެމްޑީޕީއަށް ވޯޓު ދޭން މިހާރު ނިންމަމުން އަންނަ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ވީ ކިހިނެއް؟ - އިންތިހާބުގެ ކެމްޕޭނަށް ހދ. އަތޮޅަށް ކުރައްވަމުންދާ ދަތުރުގައި މިއަދު ކުމުންދުއަށް ވަޑައިގެން ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ، ކެމްޕޭނަށް ކުރައްވަމުން ގެންދަވާ ދަތުރުފުޅުތަކުން ފެނިވަޑައިގަންނަވަނީ ގިނަ ބަޔަކު އެމްޑީޕީއާ އެކު، އެއް ބުރުން އިންތިހާބު ނިންމަން ތައްޔާރަށް ތިބި ތަން ކަމަށެވެ.

ބުނީ ކީކޭ؟ - "ދަތުރުކުރަމުން މި ދާއިރުގައި މިހާރު ފެންނަ ބަދަލެއް އަޅުގަނޑަށް އެބަ ހާމަވޭ. ކުރިން ބައެއް ރަށްރަށުގައި ވަކި ގޮތެެއް ނުނިންމާ ތިބި ބޭފުޅުން ގޮތް ނިންމަމުން ދާތަން. ބޮޑުކޮށް، ބޮޑުކޮށް ކޮންމެ ރަށަކުން އެބޭފުޅުން އެމްޑީޕީއާ ގުޅިވަޑައިގެން މިކަން ނިންމަން އެއްބުރުން ހިފާފައި ތިބި ތަން އަޅުގަނޑަށް ފެންނަނީ،" ރައީސް ވިދާޅުވި އެވެ.

ހދ. އަތޮޅަށް ކުރައްވަމުން ގެންދަވާ ދަތުރުފުޅުގައި ވެސް ފެނިވަޑައިގަންނަވަނީ އެ މަންޒަރު ކަމަށާއި ހިޔާލު ހޯދުމުގެ ވޯޓުތަކުން ކުރިން ލިބިފައިވާ ނަތީޖާއަށް ވުރެ ގިނަ ބަޔަކު މިއަދު އެ މަނިކުފާނަށް ތާއީދުކުރާ ތަން ފެނިވަޑައިގަންނަވާ ކަމަށް ރައީސް ވިދާޅުވި އެވެ.

އެނގުން މުހިންމު - ރިޔާސީ އިންތިހާބުގެ ނަތީޖާ ބިނާވާނީ ވޯޓުލާނެ ގޮތެއް އަދި ނުނިންމާ ތިބި ފަރާތްތަކަށް ކަމަށް ކަމަށް ރާއްޖޭގައި ދިރާސާކުރާ ބާނީ ސެންޓަ ފޯ އިންޓަނޭޝަނަލް ޕޮލިސީއިން ކުރިއަށް ގެންދިޔަ ސާވޭއަކުން ވަނީ ދައްކައިފަ އެވެ.

ރައީސް ވިދާޅުވި ގޮތުގައި، އެމްޑީޕީގެ ތެރެއަށް އައި ހަލަބޮލިކަމުގައި ޕާޓީ ދޫކޮށް ކުމުންދޫގެ ބައެއް އެމްޑީޕީ މެންބަރުން ފެއަށް ޖެހިގެން ގޮސްފައިވާ ކަމަށެވެ. ނަމަވެސް، އެ މެންބަރުންނަށް ވެސް އެނބުރި ޕާޓީއާ ގުޅި، އެ މަނިކުފާނަށް ތާއީދު ކުރުމަށް ރައީސް އެދިވަޑައިގެންނެވި އެވެ.

"މަދު ބޭފުޅުން ކޮޅެއް ނަމަވެސް އޭގައި ޖެހިގެން ގޮސްފައި އެބަ ތިބި. އަޅުގަނޑު ދަންނަވާނީ އެނބުރި ވަޑައިގަަންނަވާށޭ. މިއީ އެ ވަގުތޭ. ތިޔަބޭފުޅުންގެ ވޯޓަކީ ބޭކާރު ވެގެންދާ އެއްޗެއް ކަމުގައި ނުހައްދަވާށޭ،" އެ މަނިކުފާނު ވިދާޅުވި އެވެ.

ގުޅުން ހުރި ކަމެއް - ކެމްޕޭނުގައި ރަށްރަށަށް ވަޑައިގެން ރައީސް ގެންދަވަނީ އަންނަ ދައުރަށް އިންތިހާބުވެވަޑައިގެންފި ނަމަ، އެ ރަށަކަށް ކޮށްދެއްވާނެ ކަންތައްތައް ވިދާޅުވަމުންނެވެ. އެގޮތުން، އަންނަ ދައުރުގައި ކުުމުންދުއަށް ކޮށްދެއްވާނެ ކަމަށް ރައީސް ވިދާޅުވީ: