ވަކި ގޮތެއް ނުނިންމާ މީހުން ގިނަ، އެކަމަކު ތާއީދު ބޮޑީ ރައީސަށް: ސާވޭ

• އިންތިހާބުގައި ހުރިހާ ކެންޑިޑޭޓުންނަށް ވެސް ލިބޭ ސަޕޯޓު މި ސާވޭ އިން ދައްކާ އަދަދުތަކަށް ވުރެ އިތުރުވުން އެކަށީގެންވޭ

• އެއީ މި ސާވޭގައި އަދި ގޮތެއް ނުނިންމާ ތިބި ކަމަށް ފާހަގަކުރި މީހުންގެ ވޯޓު ކެންޑޭޓުންގެ ތެރޭގައި ބެހިގެންދާނެތީ؛ އެ ފަރާތްތައް ވޯޓުދޭނެ ވަކި ގޮތެއް ލަފާކުރަން ދަތި
  

• މި ސާވޭގެ ބައިވެރިން ހޮވުނީ 'ރެންޑަމް ސާމްޕްލިން މެތަޑް'އެއް ބޭނުންކޮށްގެން
  

• އިންތިހާބު ބާއްވަން އެންމެ ތިން ހަފްތާއަށް ވެފައިވާއިރު ވެސް ވޯޓުލާ އާބާދީގެ %52 ވޯޓުލާނެ ގޮތެއް އަދި ނުނިންމާ؛ އެޕްރީލް މަހު މި އަދަދު ހުރީ %42ގައި

• ވޯޓުލާ ދުވަސް ކައިރިވާ ވަރަކަށް ރާއްޖޭގެ ވޯޓުލާ އާބާދީގެ ގޮތެއް ނުނިންމާ ތިބި ފަރާތްތަކުގެ އަދަދު ދަނީ އިތުރުވަމުން
  

• އެހެން ގައުމުތަކުގައި ހަދާ މި ފަދަ ސާވޭތަކާ އަޅާ ބަލާއިރު ރާއްޖޭގައި ގޮތެއް ނުނިންމާ ކަމަށް ބުނާ މީހުންގެ އަދަދު މަތި
  

ރައީސް ސޯލިހު އެންމެ ކުރީގައި

• މި މަހު ރައީސް ސޯލިހަށް ލިބިވަޑައިގަތީ %21

• މިއީ މިހާތަނަށް ރައީސް ސޯލިހަށް އެންމެ މަތިން ލިބިވަޑައިގެންނެވި އަދަދު
  

• މިދިޔަ މަހު އެމަނިކުފާނަށް ލިބިވަޑައިގަތީ %19
  

ޔާމީނަށް އޮތް ތާއީދުގެ ބޮޑު ބައި މުއިއްޒަށް

• ޔާމީނަށް ޖުލައި މަހު ލިބިވަޑައިގެންނެވީ %18

• ތާއީދު ކުރާ ކެނޑިޑޭޓު ވޯޓު ކަރުދާހުގައި ނެތް ކަމަށް ފާހަގަ ކުރީ އެންމެ %1 މީހުން
  

• ދަ ޑިމޮކްރެޓްސްގެ ކެންޑިޑޭޓް އިލްޔާސް ލަބީބަށް ލިބިވަޑައިގެންނެވީ %2؛ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް މިދިޔަ މަހު ލިބިވަޑައިގެންނެވީ %4

• އަމިއްލަ ގޮތުން ވާދަކުރައްވާ ހަސަން ޒަމީލް އާއި ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހިމް އަދި އެމްއެންޕީގެ ކެންޑިޑޭޓް މުހައްމަދު ނާޒިމަށް ލިބިވަޑައިގެންނެވީ %1