ފުއްގިރި މައްސަލައިގެ ޝަރީއަތް މަޑުޖައްސާލަން ސުޕްރީމް ކޯޓުން އަންގައިފި

އެމްއެމްޕީއާރުސީ މެދުވެރިކޮށް ރ. ފުއްގިރި ކުއްޔަށް ދޫކުރުމުގައި ހިންގާފައިވާ ކަމަށް ބުނާ ހިޔާނާތާ ގުޅިގެން ކުރީގެ ރައީސް އަބްދުﷲ ޔާމީންގެ މައްޗަށް އިއްވާފައިވާ ދައުވާތަކުގެ މައްސަލަ މަޑުޖައްސާލަން ސުޕްރީމް ކޯޓުން މިއަދު އަމުރުކޮށްފި އެވެ.

ވީ ކިހިނެއް؟ - އެމްއެމްޕީއާރުސީ މެދުވެރިކޮށް ކުއްޔަށް ދޫކުރި ފުއްގިރި މުއާމާލަތުން ދައުލަތަށް ލިބެން ޖެހޭ ފައިސާއިން ޔާމީން މަނީ ލޯންޑާކުރި ކަމަށް ތުހުމަތު ކުރެވޭ މައްސަލައިގައި އެ މަނިކުފާނާއި އިތުރު ބައެއްގެ މައްޗަށް ދައުލަތުން އުފުލި ދައުވާތަކުގެ އަޑުއެހުންތައް ހިނގަމުންދަނީ ކްރިމިނަލް ކޯޓުގަ އެވެ. އެގޮތުން:

އެ މައްސަލައިގައި ޝަރީއަތުގެ ކުރިން ޔާމީންގެ ފަރާތުން ހުށަހެޅި ހުށަހެޅުންތައް ބަލައިނުގަތުމަށް ނިންމި ނިންމުން އެ މަނިކުފާނުގެ ފަރާތުން ހައި ކޯޓުގައި އިސްއުނާފުކުރުމުން އެ ކޯޓުން ނިންމީ:

ތަފްސީލު - ދެ ފަރާތުގެ ވާހަކަތައް އަޑުއެއްސެވުމަށް ފަހު، ބެންޗުގައި ހިމެނިވަޑައިގަންނަވާ ތިން ފަނޑިޔާރުންގެ މަޝްވަރާއަށް ފަހު ނިންމެވީ، ދަށު ކޯޓުގައި ހިނގަމުން އަންނަ ޝަރީއަތް މަޑުޖައްސާލުމުގެ އަމުރެއް ނެރުމަށެވެ.

ބެންޗުގެ ރިޔާސަތުގައި އިންނެވި ފަނޑިޔާރު ހުސްނުއްސުއޫދު ވިދާޅުވީ، މައްސަލަ މަޑުޖައްސާލަން އަންގަނީ އަންނަ ހަފްތާގެ ހޯމަ ދުވަހާ ޖެހެންދެން ކަމަށެވެ.

"އެހާ ތަނަށް [އަންނަ ހަފްތާގެ ހޯމައަށް] މި މައްސަލަ ނިންމަން ކަމަށް ވިސްނައިގެން މި ތިބީ. އެހެންވީމަ އަންގަން ޖެހޭ އެއްޗެއް ލިޔުމުން އަންގަން ޖެހޭ ފަރާތަތަކަށް އަންގާނަން،" މިއަދުގެ ޝަރީއަތުގެ މަޖިލިސް ނިންމާލައްވަމުން ހުސްނުއްސުއޫދު ވިދާޅުވި އެވެ.

ހުސްނުއްސޫއޫދުގެ އިތުރުން މި މައްސަލަ ބަލައްވާ ބެންދުގައި ދެން ހިމެނިވަޑައިގަންވަނީ:

ފުއްގިރު މައްސަލައިގައި ކްރިމިނަލް ކޯޓުގައި ހިނގަމުންދާ ޝަރީއަތް މަޑުޖައްސާލުމަަށް ސުޕްރީމް ކޯޓުން މިއަދު އެންގިއިރު، މާދަމާ ހެނދުނުވެސް އެ މައްސައިގެ އަޑެހުމެއް ވަނީ ތާވަލްކޮށްފަ އެވެ. އެ އަޑުއެހުމުގައި ތާވަލްކޮށްފައި އޮތީ، ހެކި ބަސް ނަގަން ފެށުމެވެ.

އެ މައްސަލައިގައި ޔާމީންގެ ފަރާތުން ހުށަހެޅި ޝަރީއަތުގެ ކުރިން ހުށަހަޅާ ހުށަހެޅުންތައް ބަލައިނުގަތުމަށް ކްރިމިނަލް ކޯޓުން ނިންމީ މިދިޔަ ފެބްރުއަރީ 14ގައި އެވެ. އެ ނިންމުންތައް ހައިކޯޓުގައި އިސްތިއުނާފު ކުރުމުން އެ ކޯޓުން ނިންމީ ޔާމީނާ ދެކޮޅަށެވެ.

އެނގުން މުހިންމު -  ފުއްގިރި މައްސަލައިގައި ދައުލަތުން ޔާމީންގެ މައްޗަށް ކުރަނީ، މަނީ ލޯންޑަރިންގެ ދައުވާ އާއި ރިޝްވަތުގެ ގަބޫލުކުރުމުގެ ދައުވާ އެެވެ. ޔާމީންގެ އިތުރުން ދެން މި މައްސަލައިގައި ދައުވާ އުފުލާފައިވަނީ:

މިއަދު ސުޕްރީމް ކޯޓުގައި އޮތް އަޑުއެހުމުގައި ކްރިކް ރިޒާ ވެސް ބައިވެރިވެފައިވެ އެވެ. އޭނާގެ ފަރާތުންވެސް ޝަރީއަތް ލަސްކުރުމުގެ އަމުރަކަށް އެދިފައިވެ އެވެ.