މަޑަވެލީގައި އަންހެނަކަށް އަނިޔާކުރި މީހާ ޝަރީއަތް ނިމެންދެން ބަންދުކޮށްފި

ގދ. މަޑަވެލީގެ މަގެއްގެ މަތިން އަންހެނެއްގެ ގައިގައި ތަޅައި އަނިޔާކުރަމުން އޭނާ ބިންމަތީގައި ދަމާކޫއްތާފައި ގެންދިޔަ މައްސަލައަކާ ގުޅިގެން ހައްޔަރުކުރި ފިރިހެން މީހާ ޝަރީއަތް ނިމެންދެން ބަންދުކުރަން ކޯޓުން މިއަދު އަމުރުކޮށްފި އެވެ.

ވީ ކިހިނެއް؟ - މަޑަވެލީގައި ރަށުން ބޭރު އަންހެނަކަށް އަނިޔާ ކުރި މައްސަލައިގައި އިއްޔެ ހައްޔަރުކުރީ އުމުރުން 33 އަހަރުގެ މަޑަވެއްޔަށް ނިސްބަތްވާ ފިރިހެނެކެވެ.

ތަފްސީލު - ފުލުހުން މީޑިއާތަކަށް މިރޭ ފޮނުވި މެސެޖެއްގައި ބުނީ، އެ މީހާގެ ބަންދާ މެދު ގޮތެއް ނިންމުމަށް މަޑަވެލި މެޖިސްޓްރޭޓް ކޯޓަށް ހާޒިރުކުރުމުން، އޭނާ ޝަރީއަތް ނިމެންދެން ބަންދުގައި ބެހެއްޓުމަށް އެ ކޯޓުން އަމުރުކޮށްފައިވާ ކަމަށެވެ.

އެ މީހާ، އަންހެން މީހާއަށް އަނިޔާކުރާ މަންޒަރު ފެންނަ ވީޑިއޯއެއް އިއްޔެ ވަނީ އާންމުވެފަ އެވެ. އެގޮތުން:

އެ އަންހެން މީހާއަށް އަނިޔާކުރި ތަނުގައި ތިބި ބައެއް މީހުން އެކަން ނުހުއްޓުވައި ވީޑީއޯ ކުރުމުން އާންމުންގެ ފާޑުކިޔުން ވެސް ވަނީ އަމާޒުވެފަ އެވެ.

އެނގިފައިވާ ގޮތުގައި، އަނިޔާކުރީ މަޑަވެއްޔަށް ގޮސް އުޅުނު ރ. އަތޮޅުގެ އަންހެނަކަށެވެ. އުމުރުން 30 އަހަރުގެ އެ އަންހެންް މީހާގެ ހަތަރު ކުދިން ތިބޭއިރު، އެ ހުރިހާ ކުދިން ވެސް ތިބީ ޖެންޑާ މިނިސްޓްރީގެ ބެލުމުގެ ދަށުގަ އެވެ. އަންހެން މީހާ މަޑަވެއްޔަށް ގޮސް އުޅުނީ، އެ އަނިޔާކުރި މީހާއާ ކައިވެނިކުރަން ކަމަށްވެ އެވެ.