މަޖިލިހުގެ މެމްބަރުންގެ އަދަދު މަދުކުރުމާ މެދު ދެކެނީ ކިހިނެއް؟

މެމްބަރުން އިތުރުކުރުމާއި މުސާރަޔާއި އިނާޔަތްތަށް އަމިއްލައަށް ކަނޑައެޅުން.

އަޅުގަނޑުމެން ކަހަލަ މީސްކޮޅު މަދު އަދި އާމްދަނީ ލިބޭނެ ވަޞީލަތްތަށް މަދު ޤައުމެއްގައި މިހާ ގިނަ މަޖިލީސް މެމްބަރު ތިބުމަކީ ޤައުމުގެ ރައުސުލް މާލަށް ބާރުބޮޑު، އަދި އެކަމުގެ ސަބަބުން ރައްޔަތުންނަށް އިތުރު މަންފާއެއްވުމުގެ ބަދަލުގައި، ބޮޑު އިސްރާފެއް ކުރެވިގެން ދާކަމެއް.މަޖިލީހުގެ މެމްބަރުންގެ އަދަދު އަތޮޅުގެ ނިސްބަތުން ކޮންމެ އަތޮޅަކަށް މެމްބަރެއް ހުރުން ރަނގަޅު އަދި އެމީހުންގެ މުސާރަ އާއި އިނާޔަތްތަށް ކަނޑައަޅަންވާނީ މުސްތަގިއްލު ވަކި ބޮޑީއެއް ނުވަތަ ބޯޑެއް އުފައްދައިގެން އޭގެ ދަށުން. މިހާރު ރައްޔަތުން މަޖިލީހަށް އަންނަނީ މުއްސަދިކަންހޯދުމަށާއި، ސިޔާސީ ނުފޫޒުން ކަންކަން ޙާޞިލު ކުރުމަށް، ރައްޔަތުންނަށް ހެޔޮއެދިގެނެއް ނޫން.

މަޖިލިސް މެމްބަރުން ކުފޫ ހަމަނުވުން

މީގަ އަހަންނަށް މައްސަލައަކީ މެމްބަރުންގެ އަދަދެއްނޫން. އަހަންނަށް މައްސަލައަކީ އެއްވެސް ކަހަލަ އަދަބު އަޙުލާގެއްނެތް، އިލްމީ ގާބިލު ކަމެއް ނެތް އަދި އެހާމެ ރައްޔިތުންނަށް ގައްދާރުވާ މެމްބަރުންތައް ގިނަވީމަ! އެބަ ޖެހޭނު ކުޑަމިނުން މިތަނަށް ކުރިމަތިލެވޭ މީހުންގެ މިނިމަމް ކޮލިފިކޭޝަން އެޓްލީސްޓް ޑިގްރީ ގަނޑަކަށްވިޔަސް ހަދަން. ނޫނީ ކުރިމަތިލާ ދާއިރާއެއްގައި ކޮންމެވެސް ވަރަކަށް އުޅެފައި މަސައްކަތްތަކެއް ކޮށްފައިވާ ބަޔަކަށްވާން.

ޕާޓީ ލިސްޓް

ހަދަން ޖެހޭ ގޮތަކީ ހުރިހާ ދާއިރާއެއް އުވާލުން. މަހުޖަނު ވެސް ދުއިސައްތަ މީހުން އުޅޭ ރަށްރަށް ގަނެލައިގެން ދަނީ މި ނިޒާމްގައި. ދެން މަޖިލިސްގެ މެންބަރުންގެ އަދަދަކީ 50 ކަމަށް ކަނޑައަޅައި އެ 50 މީހުން ހޮވަން، މިހާރު މުޅި ރާއްޖޭގެ ހުރިހާ ރައްޔިތުން ރައީސުލް ޖުމްހޫރިއްޔާ ހޮވަން އެއްބަޔަކަށް ވޯޓުލާ ގޮތަށް ހުރިހާ ރައްޔިތުން އެއް ބަޔަކަށް ވޯޓު ލާންވީ. އެބަޔަކީ ޕާޓީތަކުން ނެރެފައި އޮންނަ ޕާޓީ ލިސްޓް. ޕާޓީއަށް މުޅި ރާއްޖޭން ވޯޓު ލިބޭ ނިސްބަތުން ޕާޓީއަށް ގޮނޑި ކަށަވަރު ވާނީ. 5 އަހަރަށް އެ ޢަދަދަށް ގޮނޑީގެ ޢަދަދު ބަދަލްނުވެ އެ ޕާޓީއަކަށް އޮންނާނެ. އެ ގޮނޑިތަކަށް ޕާޓީތަކުން އެ މީހުންގެ މެންބަރުން ގޮތުގައި ކަނޑައަޅާ ބަޔަކު މަޖިިލިސްގައި ތިބޭނީ. ވަގު ހަދައިފިނަމަ ޕާޓީން އެ މީހާ މަޖިލިސުން ވަކިކޮށް އަނެއް މީހާ ލައި މި ގޮތަށް ކުރިޔަށް ދާނީ. މިހާރު ގޮތަށް ގޮނޑި ސޭލް އަޅުވައިގެން 5 އަހަރަށް ހިނގާ މީހެއް ގޮތުގައި އެ މީހަކަށް ނޫޅެވޭނެ އޭރުން. ދެން ޕާޓީތަކުގެ އެތެރޭގެ ޑިމޮކްރަސީއާއި ޕްރައިމަރީތަކުން އެ ޕާޓީއަކުގެ މެންބަރުން ނިންމާނީ. އެ ޕާޓީއެއްގެ މެންބަރުން ބޭނުންވީމަ ރިކޯލް ވޯޓު ވެސް ނެގޭ ގޮތަށް. މިސާލަކަށް މަގޭ ޕާޓީގެ އެވެނި މީހާ ޕާޓީގެ ސިޔާސަތު ނުހިންގާ ނުވަތަ މަޖިލިސަށް ހާޒިރު ނުވެ ނުވަތަ މަހުޖަނާއި ނުވަތަ ސަރުކާރާއި ޑީލް ހަދައިގެން އަމިއްލަ ފައިދާއަށް އުޅޭނަމަ މަގޭ ޕާޓީގެ މެންބަރުން އެ މީހަކު މެންބަރު ކަމުން ވަކި ކުރެވޭ ގޮތަށް. ރިކޯލް ވޯޓް ނެގުން ލާންވީ ޕާޓީގެ ތެރެއަަށް. 

މަޖުލިސް މެމްބަރުންގެ އަދަދު މަދުކުރަން ޖެހޭ

މަޖުލިސް މެމްބަރުން މަދުކުރުމަކީ ވަރަށް ގިނަ ގޮތްގޮތުން ގައުމަށް ފައިދާ ހުރި ކަމެއް.މިހާރު މެމްބަރު އިންތިޚާބު ވުމަށް ބޭނުންވާ 1ހާސް ނުވަތަ 500ހާ ރައްތިރުންގެ ވޯޓު އަކީ މާކުޑަ އަދދެއް، ދުނިޔޭގެ ހުރިހާ ގައުމެއްގެ ނިސްބަތުން ބެލިޔަސް.އެއިގެ ސަބަބުބް އިންތިޚާބުވާ ބޭނުންވާ ވޯޓަށް ކުރާ ނޭދެވޭ އަސަރު ބޮޑު. - އާއިޅި ވޯޓު، ރައްޓެހިންގެ ވޯޓުން މެމްބަރުން އިންތިާޚާބުވާތީ، ގުޑްގަވާނެނެސް ރާއްޖޭގައި ތަންފީޒުކުރުމަށށްމިތިބީ ދަތިވެފައި.އަދަދު މަދުކުރޭ! ކޮންމެ މެމްބަރަކަށް ވޯޓުލާން މެމްބަރުންގެ އަދަދު 5000-10000 އާއި ދެމެދަށް ހަދަން ފެނޭ. 

ތާރީޚުގެ ތެރެއިން މެމްބަރުންގެ އަދަދު

ތާރީޚުގެ ތެރެއިން މަޖިލިސް މެމްބަރުންގެ އަދަދު:

1968 - 54 މެމްބަރުން 

• ރައީސް  އައްޔަންކުރައްވާ 8 މެމްބަރުން 
• ކޮންމެ އަތޮޅަކުން 2 މެމްބަރުން (19 އަތޮޅުން 38 މެމްބަރުން)
• މާލެއިން 8 މެމްބަރުން 

1951 - 34 މެމްބަރުން 

• ރަދުން އައްޔަންކުރައްވާ 6 މެމްބަރުން 
• ރައްޔިތުން އިންތިޚާބުކުރާ 19 މެމްބަރުން 
• ތިލަދުންމަތިން 2 މެމްބަރުން 
• ހުވަދު އަތޮޅުން 2 މެމްބަރުން 
• ފުވައްމުލަކުން 1 މެމްބަރު 
• ދެން އޮތް 14 އަތޮޅުން 14 މެމްބަރުން
•  މާލެ އިން 8 މެމްބަރުން
•  ވިޔަފާރިވެރިން އިންތިޚާބުކުރާ 1 މެމްބަރު   

މަޖިލިސް- ޑިމޮކްރަސީގެ ކިއްލާ

ތިޔަ ކަމަށް ދިވެހިން ކުރާ ވަކާލާތަކީ ޑިމޮކްރަސީގެ ފަލްސަފާ ނުދަންނަ ދިވެހިން ދައްކާ ވާހަކައެއް. ދިވެހިން ހީކުރަނީ މަޖިލިސް ކަމަށް މައްސަލަޔަކީ. އެކަމަކު ރާއްޖޭގައި މިހާރު މިހިރަ މައްސަލަތަކަކީ ރިޔާސީ ނިޒާމްގައި މައުމޫނު ޒަމާނުއް ސުރެ ހުރި މައްސަލަތައް. އަދި މަޖިލިސް ކުޑަ ކުރުމަކީ މިހާރު މިހިރަ މައްސަލަތައް ހައްލުވާނޭ ކަމެއް ނޫން. ދިވެހިން ހަދާން ނެތިފައިވަނީ މި ފަދަ ޑިމޮކްރެޓިކް މަޖިލިސް ނެތް އިރު މިނިވަންކަން ނެތް އިރު އޭރުގެ ޑިކްޓޭޓަރުން ރައްޔިތުންގެ މުދާ ފޭރި ތަރައްގީ ހުއްޓިފައި އޮތް އޮތުން. ކޮންމެ ސިފައެއްގައި ވެސް އެ މަޖިލިސް އޮތުމަކީ މި ޑިމޮކްރެޓިކް ނިޒާމް ސަލާމަތް ކުރެވޭނޭ މަގަކީ. ނުކިޔަވާ ނުވަތަ އަދަބު އަޚްލާޤެއް ނެތް މީހުން ނުވަތަ ދެރަ މީހުނާއި ނިކަމެތިން ވެސް އެ މަޖިލިސްގައި ތިބެގެން ނުވަތަ ރައްޔިތުންގެ ވޯޓުން ހޮވިގެން އެ ފަދަ މަޖިލިސެއް އޮތުމަކީ އިހުގެ އަނިޔާވެރި ކަމާއި މިނިވަން ނެތުމާއި މިހިރަ ކަންކަމުން މިހާރު ސަލާމަތްވެގެން މި ތިބެވޭ ތިބުމުގެ ސަބަބަކީ. މިހާރު މި އަންނަ ވަރަށް ތަރައްގީ އަންނަ ސަބަބަކީ. މިހާރު ގޯއްޗާއި ފްލެޓް ވެސް ބްރިޖް ވެސް ލިބޭ ނޫން ތޯއެވެ. މަޖިލިސަށް ހޮވޭ މީހުން ޚިޔާނާތް ވުމާއި ޢިލްމު ނެތުމާއި މި ކަންތަކީ އެ މަޖިލިސް އުވާލާން ނުވަތަ ކުޑަ ކުރާން ޖެހޭ ސަބަބެއް ނޫން. އެ މަޖިލިސަށް ހޮވޭ މީހުން ރަގަޅު ކުރުމާއި ރަގަޅު މީހުން ހޮވުމާއި މަޖިލިސް އެކުލެވޭ ގޮތް ބަދަލް ކުރުމާއި ތަމްސީލް ކުރެވޭ ގޮތް ބަދަލް ކުރުމާއި މިހިރީ ކުރާން ޖެހޭ ކަންތަކީ. މަޖިލިސް ކުޑަ ކުރުމަކީ ރައްޔިތުންގެ ބައިވެރިކުރެވުން ކުޑަ ކުރުން، ތަމްސީލްކުރެވުން ކުޑަ ކުރުން، ޑޮމޮކްރަސީ އުވުން. ކުރާން ވީ ކަމަކީ މަޖިލިސަށް މޮޅުު މީހުން ހޮވުމާއި ކޮރަޕްޝަން ނައްތާލުމާއި މުސާރަތައް އެކަށީގެންވާ ކުޑަ މިންވަރަކަށް ބަދަލް ކުރުން. މަޖިލިސް ބޮޑުކުރުމުން އެކެއްގެ އަތުގައި ހުރިހާ ބާރެއް އޮންނަ ރިޔާސީ ނިޒާމްގައި ވެރިކަމުގެ ފަރާތުން މި ހިންގާ ކޮރަޕްޝަނާއި ހުދުމުޚްތާރުކަމާއި ކުޑަ ކުރެވި ރަގަޅު ގުޑް ގަވަރނެންސގެ ނިޒާމަކާއި ދިމާށް ދެވޭނީ.. މަޖިލިސް މިހާރު އޮތް މިންވަރަށް ވުރެންވެސް ބޮޑު ކުރުމަކީ (އެކި ގޮތް ގޮތުން ތަމްސީލް ކުރެވޭ މާ ބޮޑު މަޖިލިސަކަށް އެ މަޖިލިސް ހެދުމަކީ) މި ވަގުތުގެ ނޭއްގާނީކަމާއި ކޮރަޕްޝަނާއި މަޑު ސްޕީޑާއި ނިޒާމް ސްލޯ ވުމާއި އަނިޔާވެރިކަމާއި ޚުދްމުޚްތާރުކަމާއި އިންސާފް ނެތުމާއި މިހިރަ ކަންކަމުގެ ހައްލަކީ.