ރާއްޖެއިން މިހާރު ތެޔޮ ގަންނަނީ ކޮން ގައުމުތަކަކުން؟

ޗައިނާއިން ރާއްޖެއަށް ތެޔޮ ބޭރުކުރަން އެ ގައުމުގެ ކުންފުނިތަކަށް ހުއްދަ ދީފައިވާކަން ރޮއިޓާސްއިން ދާދި ފަހުން ވަނީ ހާމަކޮށްފަ އެވެ. އީރާން ހަނގުރާމައިގެ ސަބަބުން ތެލުގެ ތާށިކަމެއް އަތުވެދާނެތީ އިންޑިއާއިިން ތެޔޮ ގަތުމަށް ވެސް ރާއްޖެއިން މަޝްވަރާކުރިކަން އެ ގައުމުގެ ހާރިޖިއްޔާއިން ވަނީ ހާމަކޮށްފަ އެވެ. 

މިހާރު ރާއްޖެއިން ތެޔޮ އެތެރެކުރަނީ ކޮން ގައުމުތަކަކުން ހެއްޔެވެ؟ 

ތަފާސްހިސާބުތަކަށް ބަލާއިރު، ރާއްޖޭގެ ތެލުގެ ސަޕްލައި މައިގަނޑު ގޮތެއްގައި ބަރޯސާވެފައި އޮތީ އެންމެ ގައުމަކަށެވެ. އެއީ އޮމާން އަށެވެ. 

ކަސްޓަމްސްއިން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު، ޖެނުއަރީ އަދި ފެބުރުއަރީގައި ރާއްޖެއަށް އެންމެ ގިނައިން އެތެރެކުރީ ޑީސަލް އެވެ. މިއީ މުޅި ތެލުގެ އިމްޕޯޓުގެ %76.6 އެވެ. ތަފާސްހިސާބުތައް ދައްކާ ގޮތުން:

ޑީސަލްއަކީ ރާއްޖޭގެ ރަށްރަށުގައި ކަރަންޓު އުފެއްދުމަށާއި ކަނޑުދަތުރުފަތުރުގެ ނިޒާމު ހިންގުމަށް އެންމެ މުހިންމު ވަސީލަތެވެ.

ދެވަނައަށް އެންމެ ގިނައިން އެތެރެކުރާ ޕެޓްރޯލް، މުޅި އިމްޕޯޓުގެ %14.8 ހިއްސާކުރާއިރު، 24،476 ޓަނުގެ ޕެޓްރޯލް އެތެރެކުރަން ވަނީ 261 މިލިއަން ރުފިޔާ ހޭދަކޮށްފަ އެވެ. އެގޮތުން:

ރާއްޖޭގެ ވައިގެ ދަތުރުފަތުރުގެ ދާއިރާ ފުޅާވެފައި އޮތް ނަމަވެސް، ޖެޓް ފިއުލްގެ ގޮތުގައި އެތެރެކޮށްފައިވަނީ 14،350 ޓަނެވެ. މިއީ މުޅި ތެލުގެ އިމްޕޯޓުގެ %8.7 އެވެ. އެގޮތުން، 160 މިލިއަން ރުފިޔާގެ ޖެޓް ފިއުލް އެތެރެކޮށްފައިވާއިރު، މީގެ ބޮޑު ބައެއް ކަމަށްވާ %98.3 ގެނެސްފައިވަނީ އޮމާނުންނެވެ.

މެލޭޝިއާއިން ގެނެސްފައިވަނީ އެންމެ 246 ޓަނެވެ.

އާންމުކޮށް ބޭނުންކުރާ ތެލުގެ އިތުރުން، ބައިނަލްއަގުވާމީ ކަނޑުދަތުރުފަތުރުގައި ބޯޓުފަހަރަށް ތެޔޮ އެޅުމަށް (ބަންކަރިންއަށް) ބޭނުންކުރާ 'ވެރީ ލޯ ސަލްފާ ފިއުލް އޮއިލް' (ވީއެލްއެސްއެފްއޯ) ވެސް ރާއްޖެއަށް ވަނީ އެތެރެކޮށްފަ އެވެ. އެގޮތުން:

މި ތަފާސްހިސާބުތަކުން އެންމެ ފާހަގަކޮށްލެވޭ އެއް ކަމަކީ، ރާއްޖެއަށް ތެޔޮ ފޯރުކޮށްދިނުމުގައި އޮމާންގެ ބޮޑު ހިއްސާ އެވެ. މައިގަނޑު ތިން ބާވަތުގެ ތެޔޮ އެންމެ ގިނައިން ގެންނަނީ އެ ގައުމުންނެވެ. މީގެ އިތުރުން:

މިއީ ސަރަހައްދީ ރިފައިނަރީތަކާއި ވިޔަފާރީގެ ހަބުތައް މެދުވެރިކޮށް ރާއްޖެއިން ވަރަށް ރޭވުންތެރިކަމާ އެކު މެނޭޖުކުރަމުން އަންނަ ސަޕްލައި ޗެއިނެއް ކަމަށް ބުނެވިދާނެ އެވެ.