ސޯލާ މަޝްރޫއު ކުރިއަށް ގެންދާ ސަރަހައްދަކީ އެސްއީޒެޑެއް ކަމަށް ކަނޑައަޅައިފި

ސްޕެޝަލް އިކޮނޮމިކް ޒޯން (އެސްއީޒެޑް)ގެ ދަށުން ކުރިއަށް ގެންދަން ހުއްދަ ދިން ފުރަތަމަ މަޝްރޫއު ކަމަށްވާ ފްލޯޓިން ސޯލާ ޕްރޮޖެކްޓު ހިންގާ ސަރަހައްދަކީ ސްޕެޝަލް އިކޮނޮމިކް ޒޯނެއްގެ ގޮތުގައި އިއްޔެ ކަނޑައަޅުއްވައިފި އެވެ.

ވީ ކިހިނެއް؟ - ކުޑަބަނޑޮސް ކައިރީ އޮންނަ ފަޅެއްގައި ތަރައްގީ ކުރާ ސޯލާ ސިޓީ އަކީ އެސްއީޒެޑެއްގެ ގޮތުގައި ކަނޑައެޅުއްވީ އިއްޔެ ރައީސް މުހައްމަދު މުއިއްޒު ނެރުއްވި ގަރާރަކުންނެވެ.

ތަފްސީލް - ރައީސްގެ ގަރާރަކުން އެ ސަރަހައްދަކީ އެސްއީޒެޑެއްގެ ގޮތުގައި ކަނޑައެޅި އިރު، އިއްޔެ ސިންގަޕޫރުގައި ބޭއްވި އިންވެސްޓުމެންޓު ފޯރަމްގައި ވަނީ އެ މަޝްރޫއުގެ އިންވެސްޓުމެންޓު އެއްބަސްވުމުގައި އޭޕީއެމް އެސްޕިވީއާ އެކު ދިވެހި ސަރުކާރުން ސޮއިކޮށްފަ އެވެ.

އެސްއީޒެޑްގެ ގާނޫނު ބުނާ ގޮތުން، އިންވެސްޓުމެންޓު އެއްބަސްވުމުގައި ސޮއިކުރުމާ އެކު، އެ ސަރަހައްދު އެސްއީޒެޑެއްގެ ގޮތުގައި ރައީސްގެ ގަރާރަކުން ހަމަ އެ ދުވަހު ކަނޑައަޅަން ޖެހޭނެ އެވެ.

ގަރާރުގައިވާ ގޮތުން އެ ސަރަހައްދުގައި ކުރިއަށް ގެންދަން ހުއްދަ ދިން ކަންތަކަކީ:

އެ ސަރަހައްދުގެ އިންފްރާސްޓްރަކްޗާ ތަރައްގީކޮށް، އަސާސީ އެހެން ހިދުމަތްތައް ފޯރުކޮށްދިނުމަށް ޓެކްސް ލުއިތައް ވެސް ވަނީ ދީފަ އެވެ. އެގޮތުން:

މީގެ އިތުރުން، އެ ސަރަހައްދުގައި ހިންގާ އެހެން ވިޔަފާރީގެ މަޝްރޫއުތަކަށާއި އެފަދަ މަސައްކަތް ކުރާ އިންވެސްޓަރުންނަށް ވެސް ލުއިތަކެއް ދޭން ގަރާރުގައި ހިމަނާފައިވެ އެވެ. އެގޮތުން:

އެ ސަރަހައްދުގައި މައިސް ޓޫރިޒަމް ތަރައްގީކޮށް އޮޕަރޭޓުކުރުމާއި ރިއަލް އެސްޓޭޓު ތަރައްގީ ކުރުމަށް އެތެރެކުރާ ކެޕިޓަލް ގުޑްސް އިން ވެސް އިމްޕޯޓު ޑިއުޓީ އިސްތިސްނާ ލިބޭނެ ކަމަށާއި އެ މަސައްކަތްތަކުން ލިބޭ ފައިދާ އިން ދައްކަން ޖެހޭ އެހެން ޓެކްސްތަކުން 2 އަހަރުގެ އިސްތިސްނާ ލިބޭނެ ކަމަށް ވެސް ގަރާރުގައި ހިމަނާފައިވެ އެވެ.

ގުޅުން ހުރި -  ސޯލާ ސިޓީގެ މަޝްރޫއު ކުރިއަށް ގެންދިޔުމުގެ ހުއްދަ ދިނީ މިދިޔަ އަހަރުގެ އޭޕްރީލް މަހު އެވެ.

އެ މަޝްރޫއުގެ ދަށުން:

މުޅި މަޝްރޫއަށް ޖުމްލަކޮށް 187 މިލިއަން ޑޮލަރު  އިންވެސްޓުކުރާއިރު، އޭގެ ތެރެއިން 100 މިލިއަން ޑޮލަރަކީ އިޔާދަކުރަނިވި ހަކަތައިގެ ބަޔަށް ކުރާ އިންވެސްޓްމަންޓެވެ.