އެސްއީޒީގެ ފުރަތަމަ މަޝްރޫއުގެ އިންވެސްޓުމެންޓު އެއްބަސްވުމުގައި ސޮއިކޮށްފި

ސްޕެޝަލް އިކޮނޮމިކް ޒޯން (އެސްއީޒެޑް)ގެ ދަށުން ކުރިއަށް ގެންދަން ހުއްދަ ދިން ފުރަތަމަ މަޝްރޫއު ކަމަށްވާ ފްލޯޓިން ސޯލާ ޕްރޮޖެކްޓުގެ އިންވެސްޓުމެންޓު އެއްބަސްވުމުގައި މިއަދު ސޮއިކޮށްފި އެވެ.

ވީ ކިހިނެއް؟ - ރައީސް މުހައްމަދު މުއިއްޒު މިހާރު ސިންގަޕޫރަށް ކުރައްވަމުން އަންނަ ދަތުރުފުޅުގެ ތެރެއިން މިއަދު ކުރިއަށްދާ ރާއްޖޭގެ އިންވެސްޓު ފޯރަމްގެ ތެރެއިން މި އެއްބަސްވުމުގައި ސޮއިކުރެއްވީ:

ތަފްސީލް - ސޯލާ ސިޓީގެ މަޝްރޫއު ކުރިއަށް ގެންދިޔުމުގެ ހުއްދަ ދިނީ މިދިޔަ އަހަރުގެ އޭޕްރީލް މަހު އެވެ.

އެ މަޝްރޫއުގެ ދަށުން:

މި މަޝްރޫއަކީ ރާއްޖޭގައި ބޭނުންކުރާ ކަރަންޓުގެ %33 އިޔާދަކުރަނިވި ހަކަތައަށް ބަދަލުކުރުމަށް ރައީސް މުހައްމަދު މުއިއްޒު ކަނޑައެޅުއްވި އަމާޒާ ގުޅޭ މަޝްރޫއެކެވެ. 

ތަފާސްހިސާބުތަކަށް ބަލާއިރު 2023ގައި ރާއްޖެއަށް އެތެރެކުރި މުދަލުގެ %22 އަކީ ތެލުގެ ބާވަތްތަކެވެ. އަދި އެ އަދަދުގެ ތެރެއިން ގާތްގަނޑަކަށް %80 ހަރަދުކޮށްފައިވަނީ މެރިން ޓްރާންސްޕޯޓާއި ކަރަންޓު އުފައްދަން ބޭނުންކުރާ ޑީސަލަށެވެ.

އެނގުން މުހިންމު - އެސްއީޒީ މަޝްރޫއުގެ ހުއްދައިގެ ދަށުން ބައެއް އިތުރު މަޝްރޫއުތައް ހިންގުމުގެ ފުރުސަތު ވެސް ޑިވެލޮޕަރަށް ތަނަވަސްވާނެ އެވެ. އޭގެ ތެރޭގައި ކޮމާޝަލް ރިއަލް އެސްޓޭޓް އަދި އިންޑަސްޓްރިއަލް ހަބެއް ހިމެނެ އެވެ. އެ މަޝްރޫއުތަކުގެ ޝަރުތެއްގެ ގޮތުގައި އިޔާދަކުރަނިވި ހަކަތައިގެ މަޝްރޫއަށް އިންވެސްޓުކުރުން އިިސްކުރުން ހިމެނެ އެވެ.

މުޅި މަޝްރޫއަށް ޖުމްލަކޮށް 187 މިލިއަން ޑޮލަރު އެ ކުންފުނިން އިންވެސްޓުކުރާއިރު، އޭގެ ތެރެއިން 100 މިލިއަން ޑޮލަރަކީ އިޔާދަކުރަނިވި ހަކަތައިގެ ބަޔަށް ކުރާ އިންވެސްޓްމަންޓެވެ.

އަބްރަޒާސްއިން ރާވާފައިވަނީ، މިނިސްޓްރީން ބުނި ގޮތުގައި، އޭޕްރީލް ނިމެންވާއިރަށް މަޝްރޫއަށް މޮބިލައިޒްކޮށް، 2027އަށް އޮޕަރޭޝަނަށް ގެނައުމެވެ.