މާރާމާރީތަކާ ގުޅިގެން ހޯދަމުން ދިޔަ އިތުރު މީހަކު ހައްޔަރުކޮށްފި

އީދު ބަންދު ތެރޭގައި މާލޭގައި ހިންގި ސިލްސިލާ ގުރޫޕް މާރާމާރީތަކާ ގުޅިގެން މިމަހުގެ ފަސް ވަނަ ދުވަހު ފުލުހުން ހޯދަން އިއުލާން ކުރި ހަތް މީހުންގެ ތެރެއިން އިތުރު މީހަކު ހައްޔަރުކޮށް ބަންދުކޮށްފި އެވެ.

ވީ ކިހިނެއް؟ - ކުޑަ އީދު ދުވަހުގެ ރެއިން ފެށިގެން ހިންގި ސިލްސިލާ މާރާމާރީތަކުގައި ވަޅި ހަރައި ފަސް މީހުންނަށްވުރެ ގިނަ މީހުން ޒަހަމްކޮށްލާފައިވެ އެވެ. އެ މާރާމާރީތައް ހުއްޓުވަން ފުލުހުން ހިންގި އޮޕަރޭޝަންގައި ތޫނު ހަތިޔާރާ އެކު ބައެއް މީހުން ހައްޔަރުކޮށްފައި ވެސް ވެ އެވެ.

ޖަނަވަރީ މަގާއި މަޖީދީ މަގު ގުޅޭ ހިސާބުގައި މި މަހުގެ 2 ވަނަ ދުވަހު ހެނދުނުގެ ވަގުތެއްގައި ހިންގި މާރާމާރީއާ ގުޅިގެން ހަތް މީހެއްގެ ވަނަވަރު ހާމަކޮށް، އެ މީހުން ހޯދުމުގެ މަސައްކަތް ފުލުހުން ފެށި އެވެ.

ތަފްސީލް - ސިލްސިލާ މާރާމާރީތަކާ ގުޅިގެން ފޮޓޯ އާންމުކުރި މީހުންގެ ތެރެއިން ތިން މީހުންނާއެކު މިހާތަނަށް ފަސް މީހަކު މިހާރު ވަނީ ހައްޔަރުކޮށްފަ އެވެ. އޭގެ ތެރޭގައި 15 އަހަރުގެ ކުޑަކުއްޖަކު ވެސް ހިމެނެ އެވެ.

އެންމެ ފަހުން ހައްޔަރުކޮށްފައި ވަނީ:

ކޯޓު އަމުރެއްގެ ދަށުން އޭނާ ހައްޔަރުކޮށް ބަންދާ މެދު ގޮތެއް ނިންމަން އިއްޔެ ކްރިމިނަލް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 15 ދުވަސް ދީފަ އެވެ. ފުލުހުން އެދުނީ ޝަރީއަތް ނިމެންދެން އޭނާ ބަންދުކުރުމަށެވެ. ނަމަވެސް 15 ދުވަހަށް ބަންދުކުރީ، އޭނާ އާއި ވަކީލަށް ބައްދަލުނުވެވޭތީ، ދެ ފަރާތުން ބައްދަލުކުރުމަށް ފަހު ބަންދާމެދު ގޮތެއް ނިންމަން އެދިފައިވާތީ އެވެ.

ބުނީ ކީކޭ؟ - އޭނާ ބަންދުކުރި ކޯޓު އަމުރުގައި ބުނީ، ތުހުމަތެއް ވުޖޫދުވާ މިންވަރަށް އޭނާއާ ދެކޮޅަށް ހެކި ލިބިފައިވާ ކަމަށެވެ. އެގޮތުން:

މައްސަލައާ ގުޅިގެން މިހާރު ބަންދުގައި ތިބި މީހުންނަކީ:

1- އަހްމަދު ޝިމްހާޒު، ސީނުގެ/ތ. ތިމަރަފުށި (22އ)

2- ލޫތު އަހުމަދު އާސިފް، މ. ލޮނުމިދިލިގެ (18އ)

3- ހަސަން ޒިޔާން އިބްރާހިމް، އުނިމާގެ/ގދ. ވާދޫ

4- 15 އަހަރުގެ ކުޑަ ކުއްޖެއް

5- އަހުމަދު ނާޒިހު، ކެނެރީގެ/ ގއ. ގެމަނަފުށި (27އ)

މައްސަލައާ ގުޅިގެން ހޯދަމުން އަންނަނީ:

1- މައުސޫމް މުހައްމަދުދީދީ، ދަފްތަރު ނަންބަރު ރސ2260 (27އ)

2- އަހުމަދު ރަބީއު، ގުލޭނޫރަންމާގެ/ގއ. މާމެންދޫ (24އ)

3- މުނާދު ޖައުފަރު، ނާދީ/ ސ. ހުޅުދޫ (20އ)

7- އަހުމަދު ސާތިއު، ކޮރަލް/ސ. މަރަދޫ (21އ)

ގުޅުންހުރި ކަމެއް - މިދިޔަ ހަފްތާގެ ބުދަ ދުވަހުގެ ރޭ ހުޅުމާލާގައި ވެސް ވަނީ ދެ މާރާމާރީއެއް ހިންގައިފަ އެވެ. އެންމެ ފުރަތަމަ މާރާމާރީ ހިންގީ، ގަޑިން 9:17ހާއިރު ފޭސް 1ގައި ހުންނަ ލަޔާ ކެފޭ ކައިރީގަ އެވެ. ދެވަނަ މާރާމާރީ ހިންގީ، 9:32ގައި ފޭސް-2ގެ ބްރިޖް ކައިރީގަ އެވެ. އެ މާރާމޜިގައި ވަޅި ހެރުމުގެ ސަބަބުން ދެ މީހަކު ޒަހަމްވި އެވެ. އެ މާރާމާރީތަކާ ގުޅިގެން ފަސް މީހަކު ހައްޔަރު ކުރި އެވެ.