13 އަހަރުގެ ކުއްޖާގެ މަރު: ތުހުމަތުވާ ކުއްޖާ ގޭބަންދަށް ބަދަލުކޮށްފި

ހުޅުމާލޭގައި 13 އަހަރުގެ ފިރިހެން ކުއްޖަކު ރަހީނުކޮށް މަރާލުމަށްފަހު ފޮށްޓަކައި ލައި މޫދަށް އެއްލާލާފައި އޮއްވާ ފެނުނު މައްސަލައިގައި ތުހުމަތުކުރެވޭ ކުޑަ ކުއްޖާ ބަހައްޓާނެ ޖަލެއް ނެތުމުން އެކުއްޖާ ގޭބަންދަށް ބަދަލުކޮށްފި އެވެ.

މައްސަލައިގެ ފެށުން - މޫދަށް އެއްލާލަފައި އޮތް ކުއްޖާގެ ހަށިގަނޑު ފެނުނީ މިދިޔަ ޖޫން މަހުގެ 21 ވަނަ ދުވަހުގެ ރޭގެ ވަގުތެއްގަ އެވެ. އެ މައްސަލައިގައި ދައުލަތުން ދައުވާ އުފުލީ 17 އަހަރުގެ ކުޑަކުއްޖަކަށާއި، ނ. ލަންދޫ ބަގީޗާގެ އިބްރާހިމް ޒިހާންގެ މައްޗަށެވެ.

އިބްރާހިމް ޒިހާންގެ މައްޗަށް 13 ދައުވާއެއް ދައުލަތުން ކުރެ އެވެ. ކުޑަކުއްޖާގެ މައްޗަށް ކުރަނީ:

ތަފްސީލް - ކުޑަކުއްޖާގެ މައްސަލައިގެ ޝަރީއަތް ޖުވެނައިލް ކޯޓުގައި ކުރިއަށް ދަނިކޮށް މިދިޔަ ހަފްތާގައި ކޯޓުން ވަނީ އޭނާ ގޭބަންދަށް ބަދަލުކުރަން އަމުރުކޮށްފަ އެވެ. ކުޑަކުއްޖާ ގޭބަންދަށް ބަދަލުކުރަން ކޯޓުން އަމުރުކުރީ އެޗްއާރްސީއެމް އިން ތައްޔާރުކޮށްފައިވާ ރިޕޯޓަކަށް ރިއާޔަތްކޮށެވެ.

އެ ރިޕޯޓުގައި ބުނަނީ:

ނަމަވެސް އެ މުއްދަތުގައި އެފަދަ ޖަލެއް ގާއިމުނުކުރެވޭނެ ކަމަށް ކަރެކްޝަންސް އިން ވަނީ ކޯޓަށް އަންގައިފަ އެވެ. އެހެންކަމުން ކޯޓުން ނިންމީ މައްސަލައިގައި ހިމެނޭ ކުއްޖާ ގޭބަންދަށް ބަދަލުކުރާށެވެ.

އެނގުން މުހިންމު - އެޗްއާރްސީއެމްގެ ރިޕޯޓަށް ރިއާޔަތްކޮށް، ގއ. މާމެންދޫގައި މިދިޔަ ފެބުރުއަރީ މަހު ހިންގި ގްރޫޕް މާރާމާރީއެއްގައި ވަޅިން ހަމަލާދީ އަހްމަދު އުދައްޔު، 17، މަރާލި މައްސަލައިގައި ދައުވާ އުފުލި ކުޑަކުއްޖާ ވެސް ޖުވެނައިލް ކޯޓުން ވަނީ ގޭބަންދަށް ބަދަލުކޮށްފަ އެވެ. އެ ނިންމުން އިސްތިއުނާފުކުރަން ޕްރޮސެކިއުޓާ ޖެނެރަލްގެ އޮފީހުން ވަނީ ނިންމައިފަ އެވެ.