ރިޔާޒުގައި ބޭއްވި އިސްލާމީ-އަރަބި ސަމިޓުގައި ގައުމުތަކުގެ އިސްވެރިން އެއް އަޑަކުން އިސްރާއީލްގެ އަނިޔާވެރިކަން ކުށްވެރިކޮށްފި

ސައުދީ އަރާބިއާގެ ވެރިރަށް ރިޔާދުގައި މިއަދު ބޭއްވުނު އިސްލާމީ-އަރަބި ސަމިޓުގައި ބައިވެރިވި ޤައުމުތަކުގެ އިސްވެރިން، ފަލަސްތީނުގެ މައްޗަށް އިސްރާއީލުން ދަނީ ހިންގަމުން ގެންދާ އަނިޔާވެރި ޢަމަލުތައް ހުއްޓުވުމަށާއި، އެ ޤައުމު އދ. އިން ވަކިކުރުމަށް ގޮވާލައިފިއެވެ.

އިސްރާއީލްގެ މަގްސަދަކީ ގާޒާ އަތުލުން: ތުރުކީގެ ރައީސް

އިސްލާމީ-އަރަބި ސަމިޓުގައި ވާހަކަދައްކަވަމުން ތުރުކީގެ ރައީސް ރަޖަބް ތައްޔިބް އުރުދުޣާން ވިދާޅުވެފައިވަނީ، އިސްރާއީލްގެ ދުރު ރާސްތާގެ މަގްސދަކީ ގާޒާ އަތުލުމާއި، ވެސްޓް ބޭންކާއި އިރުމަތީ ޖެރޫސަލަމްއިން ފަލަސްތީނުގެ ވުޖޫދުވުން ނައްތާލުން ކަމަށެވެ. އުރުދުޣާން ވިދާޅުވިގޮތުގައި، އިސްރާއީލްގެ އަނިޔާވެރި ހަމަލާތަކުގެ ސަބަބުން މިހާތަނަށް 50،000 އަށްވުރެ ގިނަ ފަލަސްތީނު ރައްޔިތުން މަރުވެފައިވާ ކަމަށާއި، އޭގެތެރެއިން %70 އަކީ އަންހެނުންނާއި ކުޑަކުދިންނެވެ.

އުރުދުޣާން އިތުރަށް ވިދާޅުވީ، ބައިނަލްއަގްވާމީ ގާނޫނާއި އދ. ގެ ޗާޓަރާ ދެކޮޅަށް، ފަލަސްތީނުގައި ހިންގަމުންދާ ޖަރީމާތަކަށް ޒިންމާވާ ފަރާތްތަކުގެ މައްޗަށް ގާނޫނީ ފިޔަވަޅު އެޅުމަށް ވިލަރެސްކުރެވިފައިވާ ބައިނަލްއަގަވާމީ މަސައްކަތްތަކެއް ކުރަން ޖެހޭކަމަށެވެ.

މުޅި ސަރަހައްދު ނުރައްކަލުގައި: މިސުރު ރައީސް

މިސުރުގެ ރައީސް އަބްދުލްފައްތާހު އައްސީސީ ވިދާޅުވެފައިވަނީ، ފަލަސްތީނާއި ލުބުނާނުގެ ސަރަހައްދުތަކުގެ މައްޗަށް ދެމުންދާ ހަމަލާތަކުގެ ސަބަބުން، މުޅި ސަރަހައްދުގެ އަދި ދުނިޔޭގެ މުސްތަގްބަލު ވަނީ ބަނަވެފައި ކަމަށެވެ. އައްސީސީ ވަރަށް ހަރުކަށި އިބާރާތުން ކުށްވެރިކުރެއްވީ ގާޒާގައި އިޒްރޭލުން އާންމުންގެ ގެ މައްޗަށް ހިންގަމުންދާ ގަސްތުގައި މެރުމުގެ އަމަލުތަކެވެ.

އައްސީސީ އިތުރަށް ވިދާޅުވީ، ފަލަސްތީނު ރައްޔިތުން އެމީހުންގެ ރަށްރަށުން ބޭރުކޮށް، މަޖުބޫރުން ބަދަލުކޮށް، އަދި ގާޒާގައި ދިރިނުއުޅެވޭ ހާލަތެއް އުފެއްދުމަށް އަމާޒުކޮށްފައިވާ އެއްވެސް ރޭވުމަކަށް މިސުރު  ދެކޮޅު ހަދާ ކަމަށެވެ.

ދެ ދައުލަތުގެ ހައްލަކީ ހަމައެކަނި މަގު: ޖޯޑަން ރަސްގެފާނު

ޖޯޑަންގެ ކިންގް އަބްދުﷲ ވިދާޅުވެފައިވަނީ، ފަލަސްތީނުގެ މައްސަލަ ހައްލުކުރުމަށް ދެ ދައުލަތުގެ ހައްލުގެ މައްޗަށް ބިނާކޮށް، އެކަށީގެންވާ ސިޔާސީ ސިޔާސީ ސިޔާސީ މުސްތަގްބަލެއް ގާއިމުކުރުމަކީ ސަރަހައްދުގައި ސުލްހަ، ހަމަޖެހުން އަދި ސަލާމަތްތެރިކަން ގާއިމުކުރުމަށް އޮތް ހަމައެކަނި މަގު ކަމަށެވެ.

ކިންގް އަބްދުﷲ ވިދާޅުވިގޮތުގައި، ގާޒާގެ މައްޗަށް އިސްރާއީލުން ހަނގުރާމަ ފެށިތާ އަހަރެއް ވެއްޖެއެވެ. މި މުއްދަތުގެ ތެރޭގައި ފެނިގެން ގޮސްފައިވަނީ ހަލާކުވުމާއި، މައުސޫމު ފުރާނަތައް ގެއްލުމާއި، ބައިނަލްއަގްވާމީ ގާނޫނާއި ގަރާރުތަކާ ޚިލާފުވުމެވެ.

އިސްރާއީލް އދ. ން ވަކިކުރަން ޖެހޭ: ފަލަސްތީނު ރައީސް

ފަލަސްތީނުގެ ރައީސް މަހުމޫދު އައްބާސް ވިދާޅުވެފައިވަނީ، އިސްރާއީލުން ހިންގަމުންދާ ޖަރީމާތަކުގެ ސަބަބުން، ސެކިއުރިޓީ ކައުންސިލްގެ ގަރާރު ނަންބަރު 2735 ތަންފީޒުކުރުމަށް އެންމެން މަސައްކަތްކުރަން ޖެހޭ ކަމަށެވެ. އައްބާސް ގޮވާލެއްވީ، ބައިނަލްއަގްވާމީ ގާނޫނާއި ލިޔެކިޔުންތަކުން ސާބިތުވާ ޒިންމާތަކަށް އިސްރާއީލް ތަބާނުވާނަމަ، އަދި ފަލަސްތީނު ރައްޔިތުންގެ މައްޗަށް ޖަރީމާތައް ހިންގުން ނުހުއްޓާނަމަ، އެ ގައުމު އދ. އިން ސަސްޕެންޑްކުރުމަށް އަރަބި އަދި އިސްލާމީ ގައުމުތަކުން މަސައްކަތްކުރުމަށެވެ.

އައްބާސް އިތުރަށް ވިދާޅުވީ، އަލްއަގްސާ މިސްކިތް ހިމާޔަތްކުރުމާއި، އިސްލާމީ އަދި ކްރިސްޓިއަން މަގާމްތަކުގެ ގާނޫނީ އަދި ތާރީޚީ ހައިސިއްޔަތު ރައްކާތެރިކުރުމަށް މަސައްކަތްކުރަން ޖެހޭ ކަމަށެވެ. އަދި ފަލަސްތީނު ދައުލަތް އދ. ގެ ފުރިހަމަ މެންބަރަކަށް ހެދުމަށެވެ.

މެލޭޝިއާ ބޮޑުވަޒީރުގެ ހަރުކަށި ބަސްތައް

މެލޭޝިއާގެ ބޮޑުވަޒީރު އަންވަރު އިބްރާހީމް ވިދާޅުވެފައިވަނީ، މެދުއިރުމަތީ ސަރަހައްދާއި ދުނިޔޭގެ ނިޒާމު ދެމެހެއްޓުމަށްޓަކައި ހަރުކަށި ނިންމުންތަކެއް ނިންމަން ޖެހިފައިވާ ކަމަށެވެ. އަންވަރު ވިދާޅުވީ، ފަލަސްތީނު ރައްޔިތުންގެ މައްޗަށް އިސްރާއީލުން ހިންގަމުންދާ އަނިޔާވެރި އަމަލުތަކުގެ ސަބަބުން، އެ ގައުމުން ވަނީ ހަމަބުއްދީގެ އިމުން ބޭރުވެފައި ކަމަށެވެ.

މެލޭޝިއާގެ ބޮޑުވަޒީރު އިތުރަށް ވިދާޅުވީ، އިސްރާއީލުން ދަނީ ބައިނަލްއަގްވާމީ ގާނޫނުތައް ނަގާލައި، އަންރުވާ  އަށް އަމާޒުކޮށް ހަމަލާދީ، އެ ޖަމްއިއްޔާއިން ފޯރުކޮށްދޭ ޚިދުމަތްތަކަށް ހުރަސްއަޅަމުންނެވެ. އަދި ލުބުނާން، އީރާން، ސީރިއާ އަދި އިރާގުގައި އިސްރާއީލުން ހިންގާ އަނިޔާވެރި އަމަލުތަކަކީ އިސްރާއީލުގެ އަމަލުތަކުގެ ކުޑަ މިސާލުތަކެއް ކަމަށް ވިދާޅުވި އެވެ.

ލުބުނާނަށް ކުރިމަތިވެފައިވާ ނުރައްކާ: ލުބުނާން ބޮޑުވަޒީރު

ލުބުނާންގެ ބޮޑުވަޒީރު ނަޖީބު މީކާތީ ވިދާޅުވެފައިވަނީ، ލުބުނާނަށް ކުރިމަތިވެފައިވަނީ އެ ގައުމުގެ މުސްތަޤްބަލަށް ނުރައްކާވެފައިވާ ހާލަތެއް ކަމަށެވެ. އިސްރާއީލުގެ އަނިޔާވެރި ހަމަލާތަކުގެ ސަބަބުން ބައިނަލްއަގްވާމީ އިންސާނީ ގާނޫނާއި ޖެނީވާ ކޮންވެންޝަންތަކުގެ މައިގަނޑު އުސޫލުތައް ނަގާލެވެމުންދާ ކަމަށް މީކާތީ ވިދާޅުވި އެވެ.

މީކާތީ ވިދާޅުވިގޮތުގައި، މިހާތަނަށް ދީފައިވާ ހަމަލާތަކުގެ ސަބަބުން 3،200 އަށްވުރެ ގިނަ މީހުން މަރުވެފައިވާ ކަމަށާއި، އޭގެތެރޭގައި 775 އަށްވުރެ ގިނަ ކުޑަކުދިންނާއި އަންހެނުން ހިމެނޭ ކަމަށެވެ. އަދި މެޑިކަލް މުވައްޒަފުން ހިމެނޭގޮތަށް 4،000 އަށްވުރެ ގިނަ މީހުންނަށް އަނިޔާވެފައިވާ ކަމަށް ވިދާޅުވި އެވެ.

ފަލަސްތީނާއެކު ޕާކިސްތާން: ޕާކިސްތާން ބޮޑުވަޒީރު

 ޕާކިސްތާނުގެ ބޮޑުވަޒީރު މުހައްމަދު ޝަހްބާޒް ޝަރީފް ވިދާޅުވެފައިވަނީ، ފަލަސްތީނު ދައުލަތުގެ މިނިވަންކަމާއި، އަމިއްލަ ނަފްސު ކަނޑައެޅުމުގެ ހައްގާއި، 1967 ގެ ބޯޑަރުތަކުގެ ތެރޭގައި ޖެރޫސަލަމަކީ އެ ގައުމުގެ ވެރިރަށް ކަމުގައި ހަމަޖެއްސުމަށް ޕާކިސްތާނުން ފުރިހަމައަށް ތާއީދުކުރާ ކަމަށެވެ. އެއީ ސުލްހަ ގާއިމުކުރުމަށާއި، އިންސާފު ކަށަވަރުކުރުމަށާއި، އަދި މުގައްދަސް ބިންތައް ރައްކާތެރިކުރުމަށް އޮތް ހަމައެކަނި ހައްލު ކަމުގައި އެ މަނިކުފާނު ވިދާޅުވި އެވެ.