ގަވައިދާހިލާފަށް ވަކިކުރުމުން އެންޑީއޭގެ ކުރީގެ ސީއީއޯއަށް ބަދަލުގެ ގޮތުގައި 94،000 ރުފިޔާ

ނެޝަނަލް ޑްރަގް އެޖެންސީ (އެންޑީއޭ)ގެ ކުރީގެ ސީއީއޯ މުހައްމަދު ހަބީބު، ގަވައިދާ ހިލާފަށް ވަޒީފާއިން ވަކިކޮށްފައިވާތީ ބަދަލުގެ ގޮތުގައި އޭނާއަށް 94،000 ރުފިޔާ ދިނުމަށް، ވަޒީފާއާ ބެހޭ ޓްރައިބިއުނަލުން އަންގައިފި އެވެ.

އެނގުން މުހިއްމު - އެންޑީއޭގެ ސީއީއޯގެ މަގާމަށް ހަބީބު ހަމަޖެއްސީ، މިދިޔަ އަހަރުގެ ޖެނުއަރީ މަހުގެ ތެރޭގަ އެވެ. އެކަމަކު ޕްރޮބޭޝަންގެ މުއްދަތު ހަމަވީ ކަމަށް ބުނެ، މެއި މަހު އޭނާ ވަނީ މަގާމުން ވަކިކޮށްފަ އެވެ.

ހަބީބު މި މައްސަލަ، ވަޒީފާއާ ބެހޭ ޓްރައިބިއުނަލަށް ހުށަހެޅީ، އޭނާ ވަޒީފާއިން ވަކިކުރީ ވަޒީފާއާ ބެހޭ ގާނޫނާ ހިލާފަށް، އެކަށީގެންވާ ސަބަބެއް ނެތި ކަމަށް ބުނެ އެވެ. އަދި އޭނާ އެދިފައި ވަނީ، ވަޒީފާގައި ދެމި ހުރި ނަމަ، އެއްބަސްވެފައިވާ ހަ މަސް ދުވަހުގެ މުއްދަތަށް ލިބޭނެ މުސާރަ އާއި އިނާޔަތްތަކާ އެއްވަރުގެ ބަދަލެއް ހޯދުމަށެވެ.

ވީ ކިހިނެއް؟ - މިދިޔަ އަހަރުގެ ޖޫން 7ގައި ހުށަހެޅި މި މައްސަލަ، އަހަރެއް ފަހުން އިއްޔެ ޓްރައިބިއުނަލުން ނިންމީ، އޭނާއާ އެއްކޮޅަށެވެ. ޓްރައިބިއުނަލުން ބުނިގޮތުގައި ހަބީބު ވަޒީފާއިން ވަކިކުރީ:

ތަފްސީލު - ސީއީއޯގެ މަގާމުގައި ހުރި އިރު، މުސާރަ އާއި އިނާޔަތްތަކުގެ ގޮތުގައި ހަބީބަށް މަހަކު 31،500 ރުފިޔާ ލިބެ އެވެ. ޓްރައިބިއުނަލްގައި އޭނާ އެދިފައިވަނީ، އެ އުޖޫރައިގެ ނިސްބަތުން ހަ މަހަށްވާ ވަރަށް، 189،000 ރުފިޔާ ބަދަލުގެ ގޮތުގައި ނަގައިދިނުމަށެވެ.

ޓްރައިބިއުނަލުން ބުނިގޮތުގައި ހަބީބު ވަޒީފާއިން ވަކިކުރި ގޮތަށް ބަލައި، ބަދަލުގެ ގޮތުގައި އޭނާއަށް އެ އަދަދަށް ފައިސާ ކަނޑައެޅިދާނެ އެވެ. އެކަމަކު ނުހައްގު މަންފާއެއް ލިބުމުގެ ފުރުސަތު ނަފީ ކުރުމުގެ ގޮތުން އެ ފައިސާ ވަނީ ވަކި އަދަދަކަށް މަދުކޮށްފަ އެވެ. އެއީ:

ބަދަލު ނަގައިދިނުމުގައި ޓްރައިބިއުނަލުން މަދުކުރީ:

އެ ހުރިހާ ކަމަކަށް ބަލައި، ޓްރައިބިއުނަލުން އަމުރުކޮށްފައިވަނީ، ބަދަލުގެ ގޮތުގައި ހަބީބަށް، ދައުލަތުން ޖުމްލަ 94،420 ރުފިޔާ ދިނުމަށެވެ. އަދި އިއްޔެއިން ފެށިގެން 30 ދުވަހުގެ ތެރޭގައި، އެއްކޮށް ފައިސާ ދެއްކުމަށް އަމުރުކޮށްފައި ވެ އެވެ.