ސްޓެލްކޯގެ މައި އިމާރާތް. (ދައުރު ފޮޓޯ/ އަބްދުﷲ އަނޫފް ޖުނައިދު)
ޖުލައި މަހުގެ ކަރަންޓު ބިލު ބޮޑުވީ ޑިސްކައުންޓް ނެތީމާ: ޔުޓިލިޓީ އޮތޯރިޓީ
މިދިޔަ ޖުލައި މަހުގެ ކަރަންޓު ބިލު ބޮޑުވި ކަމަށް ދެއްކީ އޭގެ ކުރީ މަހުގެ ބިލުގައި ހިމެނި ޑިސްކައުންޓު ޖުލައި މަހުގެ ބިލުގައި ހިމަނާފައި ނުވާތީ ކަމަށް ޔުޓިލިޓީ ރެގިއުލޭޓަރީ އޮތޯރިޓީން މިއަދު ބުނެފި އެވެ.
ވީ ކިހިނެއް؟ - ޖުލައި މަހުގެ ކަރަންޓު ބިލު ބޮޑުވި ކަމަށް ބުނެ އާންމުންގެ ގިނަ ބަޔަކު ޝަކުވާ ކޮށްފައިވަނިކޮށް އެކަން ބެލުމަށް ފަހު އެ އޮތޯރިޓީން ނެރުނު ބަޔާނެއްގައި ފާހަގަކޮށްފައިވަނީ:
-
ސްޓެލްކޯ އިން ޖުލައި މަހު ފޮނުވި ބިލުތަކަކީ ޖޫން 10 އިން ޖުލައި 10އާ ދެމެދު ކަރަންޓް ބޭނުންކޮށްފައިވާ ވަރަށް ބަލައިގެން ހަދާފައިވާ ބިލުތަކަކަށް ވިޔަސް އެ ބިލު ފޮނުވާފައިވަނީ ޖުލައި މަހުގެ ފަހުކޮޅުކަން
-
އެ ބިލުގައި އީދު ބަންދުގެ މުއްދަތު (ޖުލައި 19 އިން 30 އަށް) ބިލުކުރި މުއްދަތު ނުހިމަނާ
-
އީދު ބަންދުގައި ކަރަންޓު ބޭނުންކުރި ވަރު ޖުލައި މަހުގެ ބިލުތަކުގައި ހިމަނާފައި ނުވާތީ އެ ބިލުތައް ކުޑަ ނުވީ
-
އީދު ބަންދުގައި ކަރަންޓު ބޭނުންކުރި މިންވަރު ފެންނާނީ އޮގަސްޓު މަހު ފޮނުވި ބިލުތަކުން
އެނގުން މުހިންމު - ޖޫން މަހު ފޮނުވި ބިލުތަކަށް، ކޮވިޑާ ގުޅިގެން ސަރުކާރުން %40ގެ ޑިސްކައުންޓެއް ދިނެވެ. އެހެންވެ، ޖުލައި މަހު ކަސްޓަމަރުންނަށް ފޮނުވި ބިލުތަކުގައި ޑިސްކައުންޓް ހިމަނާފައި ނުވާތީ އެ ތަފާތު ބިލުތަކުން ދެއްކީ ކަމަށް ޔުޓިލިޓީ އޮތޯރިޓީން ބުންޏެވެ.
ސްޓެލްކޯ އިން ވެސް ކުރިން ބުނެފައިވަނީ އެހެންނެވެ.
ސްޓެލްކޯ
