ސުލޫކީ މައްސަލައެއްގައި ސިވިލް ކޯޓުގެ ގާޒީ އަލީ ނަސީރު މެޖިސްޓްރޭޓް ކޯޓަކަށް ބަދަލުކުރަނީ

ސިވިލް ކޯޓުގެ ގާޒީ އަލީ ނަސީރާ ގުޅޭ ގޮތުން ޖުޑީޝަލް ސާވިސް ކޮމިޝަން (ޖޭއެސްސީ) އިން ބެލި ސުލޫކީ މައްސަލައެއް ސާބިތުވެ، އޭނާ ހުރި މަގާމަށް ވުރެ ދަރަޖަ ދަށްކުރުމުގެ ގޮތުން މެޖިސްޓްރޭޓް ކަމުގެ މަގާމަށް ބަދަލުކުރަން އެ ކޮމިޝަނުން މިއަދު ނިންމައިފި އެވެ.

ވީ ކިހިނެއް؟ - އަލީ ނަސީރުގެ ސުލޫކީ މައްސަލައެއް ބަލަން ފެށީ ސިވިލް ކޯޓުގެ ދެ މައްސަލައެއްގައި ހިމެނޭ މީހުން، އެ ދެ މައްސަލަ އެއްކޮށް ނިންމުމަށް އެދެމުން ދަނިކޮށް، އޭގެ ތެރެއިން އެއް މައްސަލަ އިތުރަށް ކުރިއަށް ގެންދާނެ ސަބަބެއް އެ ވަގުތު ނެތް ކަމަށް ކަނޑައަޅައި އެ މައްސަލައިގެ ދައުވާ ފޯމު ބާތިލްކުރުމުންނެވެ.

ބުނީ ކީކޭ؟ - ޖޭއެސްސީން މިރޭ ނެރުނު ބަޔާނެއްގައި ބުނީ، ދައުވާ ފޯމު ބާތިލުކުރަން އަލީ ނަސީރު ނިންމެވީ، އެ މައްސަލައިގެ މައުލޫއަށް ހުކުމްކުރުމުގެ ބަދަލުގައި، އަހަރު ދުވަސްވެފައިވާ މައްސަލައެއް އޭނާގެ ސެކްޝަނުގައި ނުބޭއްވުމުގެ މަގުސަދުގައިކަން ތަހުގީގަށް ސާބިތުވެފައިވާ ކަމަށެވެ.  

‎ތަފްސީލް - ޖޭއެސްސީން ބުނީ:

ނިންމުން - އަލީ ނަސީރުގެ އެ އަމަލަކީ ފަނޑިޔާރުންގެ ގާނޫނާއި ފަނޑިޔާރުންގެ ސުލޫކީ މިންގަނޑާ ހިލާފު އަމަލެއް ކަމަށް ޖޭއެސްސީން ވަނީ ނިންމައިފަ އެވެ.