13 އަހަރުގެ ކުއްޖާގެ މަރު: ދައުވާ ލިބޭ ކުއްޖާ އަލުން ބަންދެއް ނުކުރި

ހުޅުމާލޭގައި 13 އަހަރުގެ ފިރިހެން ކުއްޖަކު ރަހީނުކޮށް މަރާލުމަށް ފަހު ފޮއްޓަކަށްލައި މޫދަށް އެއްލާލާފައި އޮއްވާ ފެނުނު މައްސަލައިގައި ތުހުމަތުކުރެވޭ ކުޑަކުއްޖާ ގޭބަންދަށް ބަދަލުކުރީ ރަނގަޅަށް ކަމަށް ހައި ކޯޓުން މިއަދު ނިންމައިފި އެވެ.

މައްސަލައިގެ ފެށުން - މާލޭގައި ކުޑަކުއްޖަކު ގެއްލިގެން ހޯދަމުން ދަނިކޮށް މިދިޔަ ޖޫން 21ގެ ރޭގެ ވަގުތެއްގައި އެ ކުއްޖާ ފެނުނީ ހުޅުމާލޭ ދެ ވަނަ ފޭސްގެ މޫދުންނެވެ. އެ މައްސަލައިގައި ދައުލަތުން ދައުވާ އުފުލީ 17 އަހަރުގެ ކުޑަކުއްޖަކަށާއި ނ. ލަންދޫ/ބަގީޗާގެ، އިބްރާހިމް ޒިހާންގެ މައްޗަށެވެ.

ކުޑަކުއްޖާގެ މައްޗަށް ކޮށްފައިވާ ދައުވާތައް:

އެ ކުއްޖާގެ ޝަރީއަތް ކުރިއަށްދަނިކޮށް ގެއަށް ބަދަލުކުރީ އެ ކުއްޖާ ބަންދުކޮށްފައި ހުރި މަރުކަޒަކީ ކުޑަކުދިން ބަންދުކުރާ މަޒަރުކަޒުތަކުގައި ހުންނަން ޖެހޭ މިންގަނޑުތަކަށް ނުފެތޭ ތަނެއް ކަމަށް ހިއުމަން ރައިޓްސް ކޮމިޝަނުން ނިންމުމުންނެވެ.

ވީ ކިހިނެއް؟ - އެ ފަހުން، ކުޑަކުދިންގެ އަދުލުގެ ގާނޫނުގެ ދަށުން އުފައްދަން ޖެހޭ ޖުވެނައިލް ޑިޓެންޝަން ސެންޓަރު ގާއިމްކޮށްފައިވުމުން އެ ތަނަށް އެ ކުއްޖާ ބަދަލުކުރަން ދައުލަތުން އެދުމުން ވެސް ޖުވެނައިލް ކޯޓުން ނިންމާފައި ވަނީ އެ ކުއްޖާ ގެއަށް ބަދަލުކުރަން ނިންމި ނިންމުމަށް ބަދަލެއް ގެންނަން ޖެހޭ ސަބަބެއް ނެތް ކަމަށެވެ. އެހެންވެ، ދައުލަތުން އެ ނިންމުން ހައި ކޯޓުގައި އިސްތިއުނާފު ކުރި އެވެ.

ދައުލަތުން ހައި ކޯޓުގައި ބުނީ:

ކުއްޖާގެ ފަރާތުން ފާހަގަކުރި ބައެއް ކަންކަން:

ހައި ކޯޓުން އެ މައްސަލަ ބަލައި މިއަދު ނިންމި ނިންމުމުގައި ފާހަގަކުރި ގޮތުގައި، ކުޑަކުދިންގެ އަދުލުގެ ގާނޫނަށް 20 ނޮވެމްބަރު 2020ގައި އަމަލު ކުރަން ފަށާފައި ވާއިރު، އެ ގާނޫނަށް އަމަލުކުރަން ފަށާތާ 18 މަސްދުވަހުގެ ތެރޭގައި ޖުވެނައިލް ޑިޓެންޝަން ސެންޓަރަކާއި ލޯންގް ޓާމް ސެކިއޯ ފެސިލިޓީއެއް ގާއިމްކުރަން ލާޒިމުކޮށްފައިވެ އެވެ. އޭގެ ތެރެއިން:

ދައުލަތުން ބުނެފައި ވަނީ އެ ކުއްޖާ ބަހައްޓަން ޖެހޭނީ ލޯންގް ޓާމް ސެކިއޯ ފެސިލިޓީއެއްގައި ކަމަށެވެ. އެކަމަކު، އެފަދަ ފެސިލިޓީއެއް ގާއިމްކޮށްފައި ނުވާއިރު، އެ ތަން ހަދަން ޖެހޭ މުއްދަތު ހަމަނުވާ ކަމަށް ވެސް ބުނެފައިވެ އެވެ. އެހެންވެ އެ ކުއްޖާ ބަހައްޓަން ޖެހޭނީ ޖުވެނައިލް ޑިޓެންޝަން ސެންޓަރުގައި ކަމަށް ބުންޏެވެ.

އެކަމަކު، ހައި ކޯޓުން ފާހަގަކުރީ ކުޑަކުދިންގެ އަދުލުގެ ގާނޫނުގެ ދަށުން ބަންދުކުރެވޭ ތަންތަނުގެ ތެރޭގައި ގޭބަންދުކުރުން ވެސް ހިމެނޭ ކަމެވެ. އެ ގާނޫނުގެ ދަށުން ކުއްޖަކު ބަންދުކުރާއިރު، މައްސަލައިގެ ވަށައިގެންވާ ހުރިހާ ކަންކަމަށާއި ކުއްޖާގެ ހާލަތަށް ރިއާއަތްކޮށް، ގޭގައި ބަންދުކުރުމުގެ އިހްތިޔާރު ފަނޑިޔާރަށް ލިބިގެންވާކަން ވެސް ފާހަގަކުރި އެވެ.

އެހެންވެ، ޖުވެނައިލް ކޯޓުގެ ނިންމުމަކީ ގާނޫނާ ހިލާފު އަދި ބަދަލުކުރަން ޖެހޭ ނިންމުމެއް ކަމަށް ނުފެންނަ ކަމަށް، ފަނޑިޔާރު ޝުއައިބު ހުސެއިން ޒަަކަރިއްޔާ ރިޔާސަތު ބެލެހެއްޓެވި އަދި ފަނޑިޔާރު ހުސެއިން ޝަހީދު އާއި ފަނޑިޔާރު އަބްދުﷲ ހަމީދު ހިމެނިވަޑައިގެންނެވި ބެންޗުގެ ނިންމުމުގައިވެ އެވެ.

ހައި ކޯޓުން ރިއާއަތްކުރި ކަންކަން:

"އިސްތިއުނާފު ރައްދުވާ ކުއްޖާއަށް ތުހުމަތުކުރެވޭ ކުށުގެ ބާވަތަށާއި ބަންދުން ދޫކޮށްލައިފި ނަމަ މުޖުތަމައުގެ ސަލާމަތަށް ނުރައްކާވެދާނެ ކަމަށް އަދި ހެއްކަށް ނުފޫޒު ފޯރުވުވުމުގެ އިހުތިމާލު އޮތް ކަމަށް ބެލިއަސް، އެ ކަންކަން އެ ފަދައިން އޮތް ކަމަށް ބެލެވުމަކީ، ކުއްޖާގެ ހާލަތާއި މައްސަލައިގެ ވަށައިގެންވާ އެންމެހާ ކަންކަމަށް ބަލައި ކުއްޖާ ގޭގައި ބަންދުކުރުމަށް ގާނޫނީ ގޮތުން ހުރަސްއަޅާ ކަމެއް ނޫނެވެ،" ހައި ކޯޓުގެ ނިންމުމުގައިވެ އެވެ.