އަމީނުގެ މައްސަލައިގައި ކޯޓުގެ މާނަކުރުން ހަމަައެއް ނުޖެހޭ، ބަލަންޖެހޭނީ ޓެރަރިޒަމް ގާނޫނަށް: ޝަމީމް

• އޭނާގެ މައްޗަށް އުފުލާފައިވާ ދެ ދައުވާއަކީ މައުޟޫއީ ގޮތުން ކުރިއަށްގެންދެވޭނެ ދައުވާތަކެއް ކަމަށް ނިންމި ނިންމުން ބާތިލުކުރުމަށް ހައިކޯޓުން މައްސަލަ ނިމެންދެން، ކްރިމިނަލް ކޯޓުގެ ޝަރީއަތް މަޑުޖައްސާލަން

ހައިކޯޓުގެ ނިންމުން

• އަމީންގެ މައްޗަށް ތުހުމަތުކުރެވެނީ ޓެރަރިޒަމް މަނާކުރުމުގެ ގާނޫނުގެ ދަށުން ކަމަށް ވާނަމަ، އަދި އޭނާ ހައްޔަރުކޮށްފައި ވަނީ ވެސް އެ ގާނޫނުގެ ދަށުން ކަމަށް ވާނަމަ، ބަންދުގެ މުއްދަތު ވެސް އަންނަން ޖެހޭނީ އެ ގާނޫނުގައި ބަޔާންކޮށްފައިވާ ގޮތަށް ކަމަށް

• އަމީންގެ މައްޗަށް ބަންދާ ގުޅޭ ކަންކަމުގައި ހިންގާފައި ވަނީ ޖިނާއީ އިޖުރާއަތުގެ އާންމު އުސޫލުތައްކަން އެނގޭތީ، އަމީންގެ މައްޗަށް ތުހުމަތުކޮށްފައިވާ މައްސަލައާ ގުޅިގެން އޭނާގެ ބަންދަށް ފަހު ހިންގާ ތަހުގީގުތަކާއި ދައުވާ އުފުލުމާއި ޝަރީއަތް ހިންގުމުގައި ވެސް އަމަލުކުރަން ޖެހޭނީ ޖިނާއީ އިޖުރާއަތުގެ ގާނޫނުގައި ބަޔާންކުރާ އާންމު އުސޫލުގެ ދަށުން ކަމަށް
  

• އަމީންގެ ބަންދާ މެދު ގޮތެއް ކަނޑައެޅުމަށް ޓަކައި ޖިނާއީ އިޖުރާއަތުގެ ގާނޫނުގެ ދަށުން ފުރަތަމަ ހާޒިރުކުރެވުނު ދުވަސް ކަމަށްވާ، 24 އޮކްޓޫބަރު 2019 އިން ފެށިގެން 30 ދުވަހުގެ ތެރޭގައި އޭނާގެ މައްޗަށް ދައުވާ އުފުލަން ޖެހޭނެ ކަމަށް
  

• އަމީންގެ މައްޗަށް ދައުވާކުރެވޭނެ އެންމެ ފަހު ތާރީހަކީ، 24 ނޮވެމްބަރު 2019ގެ ސަރުކާރު ރަސްމީ ގަޑި ނިމުމުގެ ކުރިން ކަމަށް
  

• އަމީންގެ މައްޗަށް ދައުވާކޮށްފައި ވަނީ، 5 ޑިސެމްބަރު 2019ގައި ކަމަށް
  

• ޖިނާއީ ކުށެއްގެ ދައުވާ ލިބޭ ފަރާތަކީ މި ގާނޫނުގެ 60 ވަނަ މާއްދާގެ (ށ)ގެ ދަށުން ބަންދުކުރެވިފައިވާ މީހެއް ނަމަ، އޭނާ މި ގާނޫނުގެ 58 ވަނަ މާއްދާގެ ދަށުން ފަނޑިޔާރެއްގެ ކުރިމައްޗަށް ފުރަތަމަ ހާޒިރުކުރެވޭތާ 30 ދުވަހުގެ ތެރޭގައި އޭނާގެ މައްޗަށް ޕްރޮސިކިއުޓާ ޖެނެރަލް ދައުވާ އުފުލަންވާނެ

• އެހެން ގާނޫނެއްގައި އެހެން ގޮތަކަށް ބަޔާންކޮށްފައިވީ ނަމަވެސް، މި ގާނޫނުގައި ބަޔާންކުރާ ޓެރަރިޒަމްގެ ކުށެއްގެ ދައުވާ ލިބޭ ފަރާތަކީ މި ގާނޫނުގެ ދަށުން ބަންދުކުރެވިފައިވާ މީހެއް ނަމަ، އޭނާ ބަންދުކޮށްފައި ވަނީ ގާނޫނީ ހަމަތަކުގެ މަތިންތޯ ކަނޑައެޅުމަށްޓަކައި ފަނޑިޔާރެއްގެ ކުރިމައްޗަށް ފުރަތަމަ ހާޒިރުކުރެވޭތާ ނުވަތަ މި ގާނޫނުގެ 26 ވަނަ މާއްދާގެ ދަށުން ބަންދުގައި ބަހައްޓައިދިނުމަށް އެދި ކޯޓަށް މައްސަލަ ހުށަހެޅޭތާ 45 ދުވަހުގެ ތެރޭގައި އެ މައްސަލައެއްގެ ތަހުގީގު ނިންމައި ޕްރޮސެކިއުޓަ ޖެނެރަލްގެ އޮފީހަށް ހުށަހަޅަންވާނެ 

• ޕްރޮސެކިއުޓަ ޖެނެރަލްގެ އޮފީހަށް އެ މައްސަލައެއް ހުށަހެޅޭތާ 15 ދުވަހުގެ ތެރޭގައި އޭނާގެ މައްޗަށް ޕްރޮސެކިއުޓަ ޖެނެރަލް ދައުވާ އުފުލަންވާނެ

އަމީންގެ މައްޗަށް ދައުވާކުރެވޭނެ އެންމެ ފަހު ތާރީހަކީ، 24 ނޮވެމްބަރު 2019 ގެ ސަރުކާރު ރަސްމީ ގަޑި ނިމުމުގެ ކުރިންނެވެ.

ހައިކޯޓު

ޝަމީމްގެ ރައުޔު

ޓެރަރިޒަމް މަނާކުރުމުގެ ގާނޫނުގައި ކަނޑައެޅިގެން ވަކި މުއްދަތުތަކެއް ބަޔާންކޮށްފައި ވަނިކޮށް، އެ ގާނޫނު ދޫކޮށް، އާންމު އިޖުރާއަތު ގާނޫނަށް ރުޖޫއަވުމަކީ، ސުޕްރީމް ކޯޓުން ކަނޑައަޅައިފައިވާ އުސޫލާ ހިލާފުވުމެވެ.

ޕީޖީ ޝަމީމް

• ޓެރަރިޒަމް މަނާކުރުމުގެ ގާނޫނުގައި ތަހުގީގުކުރުމާއި ދައުވާކުރުމުގެ މުއްދަތުތައް ބަޔާންކުރާ އެކަކުން ފެށިގެން 28 ވަނަ މާއްދާ ފެށުމުގެ އިބާރާތުގައި "އެހެން ގާނޫނެއްގައި އެހެން ގޮތަކަށް ބަޔާންކޮށްފައި އޮތް ނަމަވެސް" ކަމަށް އޮތުމުން، މި މާއްދާއިން މި އިސްތިސްނާކުރަނީ ޖިނާއީ އިޖުރާއަތުގެ ގާނޫނުގައި ހުރި އާންމު އުސޫލުތައްކަން 

• އެ މާއްދާއަކީ ކުރިން ގާނޫނުގައި އޮތް މާއްދާއެއް ނޫންކަން 

• އެ މާއްދާ ލިޔުމުގެ ކުރިން އަމަލުކުރަމުން ދިޔައީ ޖިނާއީ އިޖުރާއަތުގެ އާންމު މުއްދަތުތަކަށްކަން

• އެ މުއްދަތުތައް މިކަހަލަ މައްސަލަތަކުގައި އެކަށީގެން ނުވާތީ، އެ މުއްދަތު އިތުރުކުރުމުގެ ގޮތުން ޓެރަރިޒަމް މަނާކުރުމުގެ ގާނޫނުގެ އެކަކުން ފެށިގެން 28 ވަނަ މާއްދާ ގާނޫނުގައި ތައާރަފުކުރީ ކަމަށް

• ޖިނާއީ އިޖުރާއަތުގެ ގާނޫނުގެ މާއްދާގެ ބާރު ކެނޑޭ ގޮތަށް، 26 ވަނަ މާއްދާގެ (ފ) މާނަކުރުމަކީ ހަމަޖެހޭ ކަމެއް ނޫން

• އެއީ ރަނގަޅު މާނަކުރުމެއް ނޫން ކަމަށް ސުޕްރީމް ކޯޓުން ކުރިން ކަނޑައަޅާފައިވާ ކަމަށް

• ސުޕްރީމް ކޯޓުގެ އެ ޝަރަހަކޮށްދިނުން ހައިކޯޓުން ވެސް ކުރިން ބަލައިގަނެފައިވާ ކަމަށް
  

• ވަކި ބާވަތެއްގެ މައްސަލައެއްގައި ތުހުމަތު ކުރެވޭ މީހުން ބަންދުގައި ބޭތިއްބުމާ ބެހޭ ގޮތުން ވަކި އުސޫލެއް އޮއްވައި އަދި އެ ގާނޫނުގައި ޖިނާއީ އިޖުރާއަތުގެ ގާނޫނަށް ހވާލާދީފައި ނެތީސް، ހާއްސަ ގާނޫނުގައި ބުނާ އުސޫލު ދޫކޮށް، އާންމު ގާނޫނަށް ނުދެވޭނެކަން