ނިޝާން އިއްޒުއްދީންގެ ލަގަބު 4 ބޭފުޅަކަށް އަރުވައިފި

• ތައުލީމީ ދާއިރާއަށް ގިނަ ހިދުމަތްތަކެއް ކޮށްދެއްވި ޑރ. މުހައްމަދު ލަތީފް

• ދީނީ ހޭލުންތެރިކަން އިތުރު ކުރެއްވުމަށް މަސައްކަތް ކުރެއްވި އިބްރާހީމް ރަޝީދު މޫސާ

• ޓޫރިޒަމްގެ އެއް ބާނީ ޗަމްޕާ ހުސެން އަފީފް
  

• ޓޫރިޒަމްގެ ވިޔަފާރިވެރިޔާ މުހައްމަދު މޫސާ (އުއްޗު)
  

ލަތީފްގެ ތައުލީމީ ގިނަ ހިދުމަތްތަކެއް

• ކިޔަވައިދިނުމުގެ މަންހަޖު އެކުލަވާލައި، މުދައްރިސުން ތަމްރީނު ކުރުމުގެ ހާއްސަ މަރުކަޒު، 'އެޑިއުކޭޝަނަލް ޑިވެލޮޕްމެންޓް ސެންޓަރު' އުފެއްދެވި 

• 'މުދައްރިސުންގެ ތައުލީމީ މަރުކަޒު' އަދި 'މޯލްޑިވްސް ސެންޓަ ފޮ މެނޭޖްމަންޓް އެންޑް އެޑްމިނިސްޓްރޭޝަން' ތަރައްގީ ކުރެއްވުމުގައި އިސްކޮށް މަސައްކަތް ކުރެއްވިި

• ރާއްޖޭގެ ފުރަތަމަ އަދި ދެވަނަ އެޑިޔުކޭޝަން މާސްޓަ ޕްލޭން އެކުލަވައިލުމުގެ މޭސްތިރިއެއްގެ ގޮތުގައި ހުންނެވި

• މޯލްޑިވްސް ކޮލެޖް އޮފް ހަޔާ އެޑިޔުކޭޝަން އުފެއްދެވުމުގައި އިސްކޮށް މަސައްކަތް ކުރެއްވި 

• ސިވިލް ސާވިސް ކޮމިޝަން އުފެއްދެވުމުގައި ބައިވެރިވެރި ވަޑައިގެންނެވި އަދި އެ ކޮމިޝަނުގެ މެމްބަރުކަމާއި ރައީސްކަން ކުރެއްވި

• އެންމެ ފަހުން ހުންނެވީ ގައުމީ ޔުނިވަސިޓީގެ ޗާންސެލަރުގެ މަގާމުގައި

ދީނީ ތައުލީމު ފުޅާކުރެއްވުމުގައި އިބްރާހިމް ރަޝީދުގެ ހިދުމަތްތައް ގިނަ

• މައުހަދުއްދިރާސާތުލް އިސްލާމިއްޔާ އުފެއްދުމުގައި އިސްކޮށް މަސައްކަތް ކުރެއްވި އަދި ފަހުން އެތަނުގެ ހިންގުމާ ހަވާލުވެވަޑައިގެންނެވި

• ފަށާ ތައުލީމުން ފެށިގެން މަތީ ސާނަވީ ތައުލީމާ ހަމައަށް އަރަބި ބަހުން ކިޔަވައިދިނުން ފުޅާކުރެއްވި

• ދީނީ 11 ފޮތެއް ތަރުޖަމާ ކުރެއްވި އަދި ތަސްނީފު ކުރައްވައި ޝާއިއު ކުރެއްވި ފޮތްތަކުގެ އަދަދު 50އަށް ވުރެ ގިނަ

• 'ގުރްއާން ކިޔަވަން ދަސްކުރަމާތޯ'ގެ ނަމުގައި 365 އެޕިސޯޑުގެ ޕްރޮގްރާމަކާއި 'ގުރްއާނާއި ސައެންސް'ގެ ނަމުގައި ސިލްސިލާ ޕްރޮގްރާމެއް އަޑުން ގެނެސްދެއްވި 

• ޓީވީއެމުން ގެނެސްދޭ މުހައްމަދު ރަސޫލުﷲ ސިލްސިލާ ޕްރޮގްރާމްގެ ހުރިހާ ބައެއް ވެސް ދިވެހި ބަހަށް ތަރުޖަމާ ކޮށްދެއްވީ އޭނާ 

• އެންމެ ފަހުން ހުންނެވީ ކީރިތި ގުރްއާނާ ބެހޭ މަރުކަޒުގެ ރައީސް ކަމުގެ މަގާމުގައި 
  

ޝަރަފްވެރި ހާއްސަ ލަގަބު، ޗަމްޕާގެ ދެބެންނަށް

• ރާއްޖެއަށް ޓޫރިޒަމް ތައާރަފް ކުރެއްވުމުގައި އަމަލީ ގޮތުން މަސައްކަތް ކުރެއްވި އިރު، އޭނާގެ ހިދުމަތްތައް އޭރު 'ބަދިގެން ފެށިގެން ޓުއާ ގުރޫޕުތަކުން' ފެނިވަޑައިގެންނެވި

• ރާއްޖޭގެ ފުރަތަމަ ރިސޯޓު، ކުރުނބާ ވިލެޖް ހެދުމުގައި ބައިވެރިވެވަޑައިގެންނެވި

• މޯލްޑިވްސް އެސޯސިއޭޝަން ފޯ ޓޫރިޒަމް އިންޑަސްޓްރީ (މަޓީ) އުފެއްދެވި؛ އޭނާއަކީ މިހާރު އެ ޖަމިއްޔާގެ ޗެއާމަން

• ފެންވަރު ރަނގަޅު ސިއްހީ ހިދުމަތް ފޯރުކޮށްދެއްވުމަށް، މާލީ ގޮތުން މަސައްކަތް ކުރެއްވި

• އޭނާއަކީ ރާއްޖޭގެ އެންމެ ބޮޑު އެއް ރިސޯޓު ޗެއިން ކަމަށްވާ ކްރައުން އެންޑް ޗަމްޕާ ރިސޯޓްސްގެ އެއް ހިއްސާދާރު 

• ޓޫރިޒަމް ދާއިރާއިން ހިތްވަރުދިނުމުގެ އިނާމާއި ޝަރަފްވެރިކަމުގެ އިނާމު ލިބިވަޑައިގެންނެވި؛ ދައުލަތަށް ގިނަ ދުވަހު ހިދުމަތް ކުރެއްވި އިއްޒަތްތެރިޔާގެ މަގާމާއި ނިޝާން މުލީގެ ޝަރަފްގެ އިއްޒަތް ވެސް މީގެ ކުރިން ވަނީ ލިބިވަޑައިގެންފައި

• ވަރަށް ޒުވާން އުމުރުން ފެއްޓިގެން، ވިޔަފާރީގެ މައިދާނަށް ނުކުންނެވި
  

• އިންޑިއާގައި ތައުލީމް ހާސިލް ކުރެއްވި އިރު، ހިންދީބަހާއި އުރުދޫބަސް ދަސްކުރެއްވި؛ އެއަށް ފަހު ތަފާތު މަސައްކަތްތައް ދަސްކުރެއްވުމުގެ ގޮތުން، ކޮއިންބަތޫރަށް ވަޑައިގެން، އެތާނގެ ބައެއް ކާރުހާނާތަކުގައި ހިދުމަތް ކުރައްވައި އެކި މަސައްކަތްތައް ދަސްކުރެއްވި
  

• ރާއްޖެ ވަޑައިގެން، މަސައްކަތްތައް ދަނޑުވެރިކަމުގެ ދާއިރާއިން ފެއްޓެވި؛ އެގޮތުން ދަނޑުވެރިކަމުގައި އެކި އުފެއްދުންތައް ބާޒާރަށް ނެރުއްވައި އެކަށީގެންވާ އަގެއް ލިބޭނެ ގޮތް ހަމަޖެއްސެވި
  

• މިހާރު ވެސް ގެންދަވަނީ، ކާބޯތަކެތި އަދި ތަފާތު ބާވަތްތަކުގެ ބެވަރެޖްތައް ޓޫރިޒަމްގެ ދާއިރާގެ ވިޔަފާރިތަކަށާއި އާއްމުންނަށް ފޯރުކޮށްދިނުމަށް 'ޗަމްޕާ ހޯލްސޭލް' ވިޔަފާރި ގާއިމުކުރެއްވި

• ނޫސްވެރިކަމުގެ ހޭލުންތެރިކަން އިތުރު ކުރެއްވުމަށް، 'ދިއެފްއެމް' އާއި 'ދިޓީވީ' އުފެއްދެވި 

• އާއިލީ ފައުންޑޭޝަން، 'އަލިފުޅު ތުއްތު ފައުންޑޭޝަނު'ން ސްކޮލަޝިޕްތައް ދޭ
  

• އާއިލީ ވިޔަފާރީގެ ދަށުން ހިންގެވި އިންފްރާސްޓްރަކްޗާ މަޝްރޫއުތަކުގެ ތެރޭގައި، އައްޑޫ އިންޓަނޭޝަނަލް އެއާޕޯޓް ތަރައްގީ ކުރުމާއި ޅ. މަޑިވަރު ޑޮމެސްޓިކް އެއާޕޯޓް ގާއިމްކުރުން ހިމެނޭ

• ރާއްޖޭގެ އިގްތިސޯދީ އަދި މާލީ ދާއިރާގެ ކުރިއެރުމާއި ތަރައްގީއަށް، 'މޯލްޑިވްސް ފައިނޭންސް އެންޑް ލީސިން ކޮމްޕެނީ' އާއި 'ކޮމާޝަލް ބޭންކް އޮފް މޯލްޑިވްސް' ގާއިމުކުރުމުގައި އިސްކޮށް މަސައްކަތް ކުރެއްވި

• މުހައްމަދު މޫސާއަށް މީގެ ކުރިން ވަނީ، ނިޝާން މުލީގޭ ޝަރަފުގެ އިއްޒަތާއި ޓޫރިޒަމް ގޯލްޑް އެވޯޑާއި ސަޓާގެ ފޭސް އޮފް ސައުތު އޭޝިއާ ޓޫރިޒަމް އެވޯޑް ލިބިވަޑައިގެންފައި