އަނގަ ބަންދުކުރުމުގެ އަމުރު އެމްޖޭއޭއަށް އިސްތިއުނާފްކުރެވޭނެ ކަމަށް ހައި ކޯޓުން ނިންމައިފި

ރައީސް މުހައްމަދު މުއިއްޒުގެ މައްޗަށް ރައީސް އޮފީހުގެ ކުރީގެ މުވައްޒަފަކު ތުހުމަތުތަކެއްކޮށް 'އަދަދު' ނޫހުން ގެނެސްދިން ޑޮކިއުމަންޓްރީގެ ވާހަކަތައް ދެއްކުން މަނާކޮށް ކްރިމިނަލް ކޯޓުން ނެރުނު އަމުރު ދިވެހި ނޫސްވެރިންގެ ޖަމިއްޔާއަށް އިސްތިއުނާފްކުރެވޭނެ ކަމަށް ހައި ކޯޓުގެ ފަނޑިޔާރުންގެ މަޖިލީހުން ނިންމައިފި އެވެ.

ވީކިިހިނެއް؟ - އެ މައްސަލާގައި ކްރިމިނަލް ކޯޓުގައި ހިނގަމުންދާ ޝަރީއަތަކާ ގުޅިގެން އެ ކޯޓުން ނެރުނު އަމުރު އެންމެ ފުރަތަމަ ދިވެހި ނޫސްވެރިންގެ ޖަމިއްޔާ ކަމަށްވާ މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ)ން އިސްތިއުނާފްކުރުމުން ހައި ކޯޓުގެ ރަޖިސްޓްރާ ނިންމީ އެ ޖަމިއްޔާއަކަށް އެ މައްސަލަ ހުށަނޭޅޭނެ ކަމަށެވެ.

އެ ގޮތުން، ހައި ކޯޓުގެ ރަޖިސްޓްރާގެ ނިންމުމުގައިވަނީ:

ތަފްސީލް - ހައި ކޯޓުގެ ރަޖިސްޓްރާގެ ނިންމުން މުރާޖާކޮށްދިނުމަށް އެދި އެމްޖޭއޭގެ ފަރާތުން ހައި ކޯޓުގެ ފަނޑިޔާރުންގެ މަޖިލީހުން ނިންމީ ޖިނާއީ އިޖުރާއަތުގެ ގާނޫނާ ހަވާލާދީ ރަޖިސްޓްރާ އެ ގޮތަށް ނިންމީ ރަނގަޅަކަށް ނޫން ކަމަށެވެ. އެ ގޮތުން:

އޭގެ އިތުރުން ކްރިމިނަލް ކޯޓުން ނެރުނު އަމުރުގައި އެއްވެސް ފަރާތަކުން ވާހަކަ ދައްކައިގެން ނުވާނެކަން އޮންނާތީ އެ އަމުރު އިސްތިއުނާފްކުރުމަށް އެމްޖޭއޭގެ މަސްލަހަތު އެބަ އޮތް ކަމަށް ވެސް ހައި ކޯޓުގެ ނިންމުމުގައިވެ އެވެ.

ފާހަގަކޮށްލެވޭ - ކްރިމިނަލް ކޯޓުން 'ގެގް އޯޑަރެއް' ނެރެނީ، 'އަދަދު' ނޫހުގެ ސީއީއޯ ފިޔާޒު އާއި އެ ނޫހުގެ މެނޭޖިން އެޑިޓަރު ހަސަން މުހައްމަދުގެ މައްޗަށް ގަޒުފުކުރުމުގެ ކުށުގެ ދައުވާ އުފުލުމަށް ފަހު، ޕްރޮސެކިއުޓަ ޖެނެރަލް (ޕީޖީ) އޮފީހުން މީގެ އަމުރެއް ނެރެދިނުމަށް އެ ކޯޓުގައި އެދިގެންނެވެ.    

އެމްޖޭއޭގެ އިސްތިއުނާފް ބަލައިނުގަތުމަށް ހައި ކޯޓުގެ ރަޖިސްޓްރާ ނިންމުމުން، ފިޔާޒުގެ ފަރާތުން ވަނީ އެ އަމުރު އިސްތިއުނާފްކޮށްފަ އެވެ. އެ މައްސަލަ ކޯޓަށް ބަލައިގަނެ، އާންމުކޮށް ހުޅުވާލައިގެން ގެންދިއުމުގެ ބަދަލުގައި ސިއްރުން މައްސަލަ ކުރިއަށް ގެންދިއުމަށް ވެސް ވަނީ ނިންމައިފަ އެވެ.

އެނގުން މުހިންމު - އެ ޑޮކިއުމެންޓްރީގައި ހުރި ވާހަކަތައް ސީދާ ގޮތުންނާއި ނުސީދާ ގޮތުން ދެއްކުމަށް ކްރިމިނަލް ކޯޓުން އަނގަ ބަންދުކުރުމުގެ އަމުރު ނެރުނު ފަހުން، 'އަދަދު' ނޫހުގެ ދެ ނޫސްވެރިޔަކު ވަނީ ކޯޓު އަމުރާ ހިލާފުވެއްޖެ ކަމަށް ކަނޑައަޅައި ޖަލުގައި ބަންދުކޮށްފަ އެވެ. އެއީ:

ގުޅުން ހުރި - ޑޮކިޔުމެންޓްރީގެ މައްސަލާގައި 'އަދަދު'ގެ ސީއީއޯ ފިޔާޒާއި އެ ނޫހުގެ އެޑިޓަރު ހަސަން މުހައްމަދުގެ މައްޗަށް ދައުވާކޮށްފައިވާ އިރު، އެ ދެ މީހުންގެ އިތުރުން ރައީސް އޮފީހުގައި ކުރިން މަސައްކަތްކުރި އީޝާ އަޝްރަފް ވަނީ ތަހުގީގަށް ބަޔާން ނަގަން ފުލުހަށް ހާޒިރުކޮށްފަ އެވެ. މި މައްސަލާގައި އީޝާގެ މައްޗަށް ވެސް، ގަޒުފު ކުރުމުގެ ތުހުމަތު ފުލުހުން ކުރި ނަމަވެސް އަދި އޭނާގެ މައްޗަށް ދައުވާއެއް ނުކުރެ އެވެ.

އެ ތިން މީހުންގެ ޕާސްޕޯޓް ވެސް ވަނީ ހިފަހައްޓާފަ އެވެ.