މޯލްޑިވިއަންގެ ބޯޓުގައި މިއަދު އައްޑުއިން މީހުން އުމްރާއަށް ފުރަނީ
އުމްރާ ދަތުރުތައް ފުރަތަމަ ފަހަރަށް އައްޑޫން ސައުދީއަށް
ރާއްޖޭގައި ފުރަތަމަ ފަހަރަށް އައްޑޫން ސައުދީ އަރަބިއްޔާއަށް ދާ ފްލައިޓް، އުމްރާގެ އަޅުވެރިންނާ އެކު މިއަދު ފުރައިފި އެވެ.
ވީ ކިހިނެއް؟ - ގަން އިންޓަނޭޝަނަލް އެއާޕޯޓުން، މޯލްޑިވިއަންގެ އޭ 330 ބޯޓު ފުރިއިރު، އެ ދަތުރުގައި 260 މީހުން ބައިވެރިވި އެވެ.
މި ދަތުރުތައް ފެށީ، އުމްރާއަށް މީހުން ގެންދާ ގުރޫޕެއް ކަމަށްވާ ޓްރެވަލާސް މޯލްޑިވްސް އާއި މޯލްޑިވިއަން ގުޅިގެންނެވެ.
މޯލްޑިވިއަނުން ބުނީ މިއަދު ހަމައެކަނި އާ މަންޒިލަކަށް ދަތުރުުތައް ފެށުނީ ނޫން ކަމަށާއި މިއީ އިިތުރު ފުރުސަތުތަކެއް ހުޅުވި، މޯލްޑިވިއަންގެ ކާމިޔާބީއަށް އިތުރުވި އާ ލަނޑުދަނޑިއެއް ކަމަށެވެ.
މި ތާރީހީ ދަތުރުގެ ކާމިޔާބީ، ޓްރާންސްޕޯޓު މިނިސްޓަރު މުހައްމަދު އަމީން ވެސް ވަނީ ފާހަގަ ކުރައްވާފަ އެވެ.
އޭނާ ވިދާޅުވި ގޮތުގައި، ސީދާ އައްޑޫން އުމްރާ ދަތުރުތައް ފެށުމަކީ އައްޑު އާއި ދެކުނުގެ އަތޮޅުތަކުގެ މީހުންނަށް ވެސް ލިބޭނެ ވަރަށް ބޮޑު ލުޔެކެވެ.
"މިކަން ފަހިކޮށްދެއްވީތީ ރައީސް ޑރ. މުހައްމަދު މުއިއްޒަށް ޝުކުރު ދަންނަވަމެވެ،" އެކްސްގައި މިނިސްޓަރު ކުރެއްވި ޕޯސްޓެއްގައި ވިދާޅުވި އެވެ.
For the first time in our history, an Umrah flight will depart directly from Gan International Airport tomorrow on @MaldivianAero ’s A330. This historic milestone brings greater convenience to the people of Addu and the southern region.
— Mohamed Ameen (@ameen3d) July 11, 2026
Sincere thanks to H.E. President Dr.…
ކޮމެންޓް