އާސަންދައިގެ ދަށުން ރާއްޖޭން ބޭރަށް ފޮނުވާ މީހުންގެ އަދަދު މަދުވެއްޖެ

މިދިޔަ ތިން އަހަރުގެ ތެރޭގައި، އާސަންދައިގެ ދަށުން ފަރުވާ ހޯދުމަށް ރާއްޖޭން ބޭރަށް ފޮނުވާ މީހުންގެ އަދަދު މަދުކުރެވިއްޖެ ކަމަށާއި މިއީ ލިބުނު ކުރިއެރުމެއް ކަމަށް ހެލްތު މިނިސްޓަރު ޑރ. ގީލާ އަލީ މިއަދު ވިދާޅުވެއްޖެ އެވެ.

ވީ ކިހިނެއް؟ - ރައްޔިތުންގެ މަޖިލީހުގައި ވާހަކަ ދައްކަވަމުން މިނިސްޓަރު ވަނީ މިދިޔަ ތިން އަހަރުގެ ތެރޭގައި އާސަންދައަށް ހޭދަކުރި ގޮތުގެ ބައެއް ތަފާސްހިސާބުތައް އާއްމު ކުރައްވާފަ އެވެ.

ބުނީ ކީކޭ؟ - ގީލާ ވިދާޅުވި ގޮތުގައި:

"މީ ސިއްހީ ހިދުމަތް ފުޅާކުރުމާއި ރާއްޖޭގައި ހުރެގެން ބޭސްފަރުވާ ކުރެވޭނެ ލުއި ގޮތް ފަހި ކުރުމަށް ސަރުކާރުން އެޅި ފިޔަވަޅުތަކުގެ ނަތީޖާ،" ގީލާ ވިދާޅުވި އެވެ.

މިނިސްޓަރު ވިދާޅުވީ އާސަންދައިގެ ދަށުން ރާއްޖޭން ބޭރަށް މީހުން ފޮނުވަނީ، ރާއްޖޭގައި މި ވަގުތު ދެވެން ނެތް، ހާއްސަ ފަރުވާ ތަކަށާއި ބޮޑެތި އޮޕަރޭޝަންތަކަށާއި ކެންސަރާއި ނާރުގެ ބަލިތަކުގެ ފަރުވާއަށް ކަމަށެވެ. މިއީ ފުރާނައާ ގުޅިފައިވާ، ކޮންމެހެން ވެސް ފޯރުކޮށްދޭން ޖެހޭ ފަރުވާތަކެއް ކަމަށް އޭނާ ވިދާޅުވި އެވެ.

އެކަމަކު އޭނާ ވަނީ، މިދިޔަ ތިން އަހަރުގެ ތެރޭގައި، ކެންސަރަށް ފަރުވާ ހޯދާ މީހުންގެ އަދަދު ވަރަށް ބޮޑަށް އިތުރުވިކަން ފާހަގަ ކުރައްވާފަ އެވެ.

އެގޮތުން، 2023 ވަނަ އަހަރާ އަޅާބަލާއިރު މިދިޔަ އަހަރު، 480 މީހުން ކެންސަރުގެ ބަލިތަކަށް ފަރުވާ ހޯދާފައިވާ ކަމަށް ވިދާޅުވި އެވެ.

މިނިސްޓަރު ވިދާޅުވި ގޮތުގައި:

ގީލާ ވިދާޅުވީ މީގެ ތެރޭގައި ކެންސަރުގެ ފަރުވާއަށް މުޅިން އަލަށް ފޮނުވުނު މީހުންނާއި ބަލީގެ ބާވަތުން ތަކުރާރުކޮށް ފޮނުވި މީހުން ހިމެނޭ ކަމަށެވެ. އަދި އަވަށްޓެރި ގައުމުތަކުގައި އުޅޭ ދިވެހިން ވެސް އޭގެ ތެރޭގައި ހިމެނޭ ކަމަށް ވިދާޅުވި އެވެ.