14 ސެޕޓެމްބަރ 2021ގައި ދިވެހިރާއްޖޭގެ ހައިކޯޓު.
ހައި ކޯޓުން އެންމެ ގިނަ މައްސަލަ ނިންމީ މިދިޔަ އަހަރު
ހުސްވި 2021 ވަނަ އަހަރަކީ ހައި ކޯޓުގެ ތާރިހުގައި އެންމެ ގިނަ މައްސަލަ ނިމި އަހަރު ކަމަށް، އެ ކޯޓުގެ މިދިޔަ އަހަރުގެ ތަފާސްހިސާބުތަކުން ދައްކައިފި އެވެ.
ވީ ކިހިނެއް؟ - ހައި ކޯޓުން އިއްޔެ ވަނީ 2021 ވަނަ އަހަރުގެ ތަފާސްހިސާބުތައް އާންމުކޮށްފަ އެވެ. މިދިޔަ އަހަރު އެ ކޯޓަށް 835 މައްސަލަ ހުށަހެޅި ނަމަވެސް، ކޯޓުގައި ރަޖިސްޓްރީ ކުރީ 625 މައްސަލަ އެވެ.
ތަފްސީލް - ހައި ކޯޓުން ބުނީ، މިދިޔަ އަހަރަކީ ހައި ކޯޓުގެ ތާރީހުގައި ވެސް އެންމެ ގިނަ މައްސަލަ ނިންމި އަހަރު ކަމަށެވެ. މިދިޔަ އަހަރު އެންމެ ގިނަ މައްސަލަ ނިންމީ މާޗު މަހު އެވެ. މާޗު މަހުގެ ތެރޭގައި 100 މައްސަލަ ހައި ކޯޓުން ނިންމި އެވެ.
ހައި ކޯޓުގައި މިދިޔަ އަހަރު އެންމެ ގިނައިން ރަޖިސްޓްރީ ކުރީ ވެސް އަދި ނިންމީ ވެސް މަދަނީ މައްސަލަތަކެވެ. ހައި ކޯޓުން ނިންމި މައްސަލަތަކުގެ ބާވަތް:
-
މަދަނީ 325 މައްސަލަ
-
ޖިނާއީ 214 މައްސަލަ
-
ވަޒީފާއާ ބެހޭ 67 މައްސަލަ
-
ޓެކްސް އާ ބެހޭ 22 މައްސަލަ
-
އާއިލީ 18 މައްސަލަ
-
އިންތިހާބީ7 މައްސަލަ
-
މޮނިކޮން އަމުރުގެ 6 މައްސަލަ
ތަފާސްހިސާބުތަކަށް ބަލާއިރު، އެކި އަހަރުތަކުގައި ހުށަހަޅާފައި ހުރި މައްސަލަތަކާ އެކު، 2021ގެ ނިޔަލަށް 679 މައްސަލަ ނުނިމި ކޯޓުގައި އެބަ ހުއްޓެވެ. އެއީ:
-
2017 ގެ 2 މައްސަލަ
-
2018 ގެ 21 މައްސަލަ
-
2019 ގެ 186 މައްސަލަ
-
2020 ގެ 141 މައްސަލަ
-
2021 ގެ 329 މައްސަލަ