މަޖިލީހުގެ ނައިބު ރައީސް ކަމަށް ސަލީމް އިންތިހާބުކޮށްފި

ރައްޔިތުންގެ މަޖިލީހުގެ ނައިބު ރައީސްގެ މަގާމަށް އޭދަފުށި ދާއިރާގެ ޕީއެންސީގެ މެންބަރު އަހްމަދު ސަލީމް (ރެޑްވޭވް ސަލީމް) މިއަދު އިންތިހާބުކޮށްފި އެވެ.

ވީކިހިނެއް؟ - މަޖިލީހުގެ ނައިބު ރައީސްގެ މަގާމު ހުސްވީ ކުރިން އެ މަގާމުގައި ހުންނެވި ދިއްގަރު ދާއިރާގެ މެންބަރު އަހުމަދު ނާޒިމް މަގާމުން އިއްޔެ އިސްތިއުފާ ދެއްވުމުންނެވެ. އެ ގޮތުން:

ތަފްސީލް - މަޖިލީހަށް ނައިބު ރައީސަކު އިންތިހާބުކުރަން ކުރިއަށް ގެންދިޔަ ޖަލްސާގައި ހުށަހެޅި ތާއީދު ލިބުނީ ދެ ނަމަކަށެވެ. އެއީ ވެރިކަންކުރާ ޕީއެންސީގެ ފަރާތުން ހުށަހެޅި ސަލީމްގެ އިތުރުން، އިދިކޮޅު އެމްޑީޕީގެ ފަރާތުން ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓެ) އެވެ. އެ ގޮތުން:

ނައިބު ރައީސް އިންތިހާބުކުރުމަށް ނެގި ސިއްރު ވޯޓުގެ ނަތީޖާއަކީ:

ފާހަގަކޮށްލެވޭ - ސަލީމަކީ މަޖިލީހުގައި ތިއްބެވި މެންބަރުންގެ ތެރެއިން، ފެހި ގާނޫނުއަސާސީގެ ފަހުން މަޖިލީހުގައި މެދުކެނޑުމެއް ނެތި އިންނެވި އެއް މެންބަރެވެ.

އެގޮތުން، 2004 އިން ފެށިގެން މިހާތަނަށް މަޖިލިހުގައި އޭނާ ހޭދަކުރައްވަމުން އެ ގެންދަވަނީ ފަސް ވަނަ ދައުރެވެ. ސޯޅަ ވަނަ މަޖިލީހުގައި ބ. އަތޮޅުގެ މެންބަރަކަށް ހުންނެވުމަށް ފަހު، 17 ވަނަ މަޖިލީހުން ފެށިގެން 20 ވަނަ މަޖިލީހާ ހަމައަށް ތަމްސީލްކުރެއްވީ އޭދަފުށި ދާއިރާ އެވެ.

ނިމިދިޔަ 19 ވަނަ މަޖިލީހުގައި މައިނޯރިޓީ ލީޑަރު އަދި ޕީޕީއެމްގެ ޕާލިމަންޓްރީ ގްރޫޕުގެ ލީޑަރަކީ ވެސް ސަލީމެވެ.