މާލޭ މީހުންނަށް ގޯތި ދިނުމުން 16 ބިލިއަން ރުފިޔާގެ ގެއްލުމެއް

މިދިޔަ ސަރުކާރުގައި މާލޭގެ ރައްޔިތުންނަށް ހުޅުމާލެއިން ހިލޭ ގޯތި ދިނުމަށް ހިންގި 'ބިންވެރިޔާ' ސްކީމްގެ ސަބަބުން ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ)އަށް ލިބެން އޮތް އާމްދަނީން 16 ބިލިއަން ރުފިޔާ ގެއްލިފައިވާ ކަމަށް އެ ސްކީމާ ގުޅޭ ގޮތުން އޮޑިޓާ ޖެނެރަލް އެކުލަވާލެއްވި ހާއްސަ އޮޑިޓް ރިޕޯޓަކުން ހާމަވެއްޖެ އެވެ. 

ވީ ކިހިނެއް؟ - މިދިޔަ ބުރާސްފަތި ދުވަހު އޮޑިޓާ ޖެނެރަލްގެ އޮފީހުން އާންމުކޮށްފައިވާ 'ބިންވެރިޔާ ސްކީމުން ހުޅުމާލެއިން ދޫކުރި ގޯތިތަކުގެ ސަބަބުން އެޗްޑީސީއަށް ލިބިފައިވާ މާލީ ގެއްލުމުގެ ހާއްސަ އޮޑިޓް ރިޕޯޓް'ގައިވާ ގޮތުން، އެ ސްކީމްގެ ދަށުން ހުޅުމާލެ ފޭސް 2 އަދި 3 އިން 4،120 ފަރާތަކަށް 1،408 ގޯތި ވަނީ ދޫކޮށްފަ އެވެ. އެގޮތުން:

"މި މާލީ ގެއްލުމުގެ ސަބަބުން، ކުންފުނީގެ އާމްދަނީން ހިންގުމުގެ ހަރަދުތައް ދެކޮޅުނުޖެހުމާއި، ކުންފުނިން ދައްކަން ޖެހޭ ލޯނުތައް އަނބުރާ ދެއްކުމަށް ދައުލަތުގެ ބަޖެޓަށް ބަރޯސާވާން ޖެހުމުގެ މާލީ ހިރާސް (ފައިނޭންޝަލް ރިސްކް) އޮތް ކަމަށް ފާހަގަކުރެވޭ،" އޮޑިޓް ރިޕޯޓްގައިވެ އެވެ. 

މީގެ އިތުރަށް ވެސް އޮޑިޓްގައި ފާހަގަކުރި ގޮތުގައި ގޯތި ދިނުމުގެ ސަބަބުން ރޭވިގެން ނުވަތަ ޕްލޭންވެގެން ހިންގާ ސިޓީއެއްގެ ގޮތުގައި ހުޅުމާލެ ތަރައްގީ ކުރުމަށް ވަނީ ބޮޑެތި ހުރަސްތަކެއް ކުރިމަތިވެފަ އެވެ. 

ތަފްސީލް - އޮޑިޓް ރިޕޯޓްގައި ހުރި ހިސާބުތަކަށް ބަލާއިރު، ބިންވެރިޔާ ސްކީމުން ގޯތި ދިނުމަށް މީހެއްގެ ބޮލަކަށް 3.9 މިލިއަން ރުފިޔާ ވަނީ ހަރަދުވެފަ އެވެ. އެ ރިޕޯޓްގައި ފާހަގަކުރި ގޮތުގައި، އެވްރެޖްކޮށް މީހަކަށް 690 އަކަފޫޓުގެ ބިން ވަނީ ހުޅުމާލޭގެ 2 އަދި 3 ވަނަ ފޭސް އިން ލިބިފަ އެވެ. ސަރުކާރުން ދެން ހިންގި ބޯހިޔާވަހިކަމުގެ މަޝްރޫއުތަކާ އަޅާބަލާއިރު:

އޮޑިޓުގައި ފާހަގަކުރި ގޮތުގައި، ހިޔާ ފްލެޓްތަކާއި ގެދޮރުވެރިޔާ ފްލެޓްތައް ލިބުނު މީހުން ކުލި ދައްކަން ޖެހޭއިރު ބިންވެރިޔާ ސްކީމުން ގޯތި ލިބުނު މީހުން އެއްވެސް އަގެއް އެ ބިންތަކަށް ދައްކާކަށް ނުޖެހެ އެވެ. 

އޮޑިޓްގައި ބުނެފައި ވަނީ އެޗްޑީސީއަށް ލިބޭ ގެއްލުން ފޫބައްދަން 5.4 ބިލިއަން ރުފިޔާއާ އެއްވަރުގެ ބަދަލެއް ދޭން އެޗްޑީސީ އާއި ސަރުކާރާ ދެމެދު މިދިޔަ އަހަރުގެ ޖެނުއަރީގައި އެއްބަސްވުމެއްގައި ސޮއިކުރި އެވެ. އެގޮތުން އެޗްޑީސީއަށް ދިން ބަދަލަކީ:

މިބަދަލާ ގުޅޭ ގޮތުން އޮޑިޓްގައި ފާޅުކުރި ކަންބޮޑުވުމަކީ ސަރުކާރުން އެޗްޑީސީއަށް ދޭ 5.4 ބިލިއަން ރުފިޔާގެ ބަދަލަކީ އެޗްޑީސީއަަށް، ސީދާ އާމްދަނީގެ ގޮތުގައި ލިބޭ ބަދަލެއް ނޫން ކަމެވެ. އަދި ބަދަލުގެ ގޮތުގައި ދީފައިވާ ރަސްމާލެއަކީ ބިން ހިއްކައިގެން ވަގުތުން އެތަނުން އާމްދަނީއެއް ލިބުމަށް އެތައް ޒަމާނެއް ނަގާނޭ ތަނަކަށްވުމަކީ ވެސް ކަންބޮޑުވުމެއްގެ ގޮތުގައި އޮޑިޓް ރިޕޯޓްގައި ފާހަގަކުރި އެވެ. އަދި ބަދަލުގެ ގޮތުގައި ދޭ ރަސްމާލެއަކީ  ހުޅުމާލެއާ އެއްވަރުގެ އަގެއް ލިބޭ ބިމަކަށް ނުވާނެ ކަމަށް ވެސް ފާހަގަކޮށްފައިވެ އެވެ. 

އޮޑިޓަށް ފާހަގަވި އަނެއް ކަމަކީ ގޯތި ދިނުމުގެ ސްކީމް ފެށުމުގެ ކުރިން އެކަމުގެ ސަބަބުން އެޗްޑީސީއަށް ލިބޭނޭ ގެއްލުމާ ގުޅޭ ރަނގަޅު ދިރާސާއެއް އަދި ސާވޭއެއް ހަދައި ބަދަލުގެ ގޮތުގައި ދޭން ޖެހޭ ހަގީގީ އަދަދުތައް ހޯދުމަށް އެކަށީގެންވާ މަސައްކަތެއް ކޮށްފައި ނެތުމެވެ. 

އެ އޮޑިޓްގައި އެ ސްކީމާ ގުޅޭ ގޮތުން ހަތަރު ލަފައެއް ވަނީ ދީފަ އެވެ. އެއީ: 

މީގެ އިތުރަށް ގޯތިދިނުމަށް އެޗްޑީސީން ސަރުކާރަށް ދީފައިވާ 2،886 އަކަފޫޓުގެ ބިން އަދިވެސް ހައުސިން މިނިސްޓްރީގެ ނަމަށް ރަޖިސްޓްރީކޮށްފައި ނުވާތީ އެކަން ކުރުމަށް ވެސް އޮޑިޓްގައި ވަނީ އެދިފަ އެވެ.