މާލެއަށް ވިއްސާރަ ކުރި ދުވަހެއްގައި ރަސް ފަންނުގައި ބަޔަކު މަޑުކޮށްލައިގެން (ދައުރު ފޮޓޯ/ އަބްދުﷲ އަނޫފް ޖުނައިދް)
ވިދާ ގުގުރުމުން ލިބިދާނެ ގެއްލުންތަކަށް ރައްކާތެރިވާނެ ގޮތް ކިޔައިދީފި
ވިދާ ގުގުރުމުން ލިބިދާނެ ގެއްލުންތަކުން ރައްކާތެރިވާނެ ގޮތް، ނެޝަނަލް ޑިޒަސްޓާ މެނޭޖްމެންޓް އޮތޯރިޓީ (އެންޑީއެމްއޭ)ން ކިޔައިދީފި އެވެ.
ވީ ކިހިނެއް؟ - މުޅި ރާއްޖެއަށްހެން މިހާރު ވިއްސާރަ ކުރަމުންދާއިރު، ކުރިއަށް އޮތް ދުވަސްތަކުގައި މޫސުން ގޯސްވެދާނެކަމުގެ އިންޒާރު މޫސުމާ ބެހޭ ގައުމީ އިދާރާއިން ވަނީ ދީފަ އެވެ. އެއާއެކު ލިބިދާނެ ގެއްލުންތަކުން ރައްކާތެރިވުމަށް ސަމާލުކަން ދިނުމަށް އެންޑީއެމްއޭއިން ވަނީ އެދިފަ އެވެ.
ތަފްސީލް - އެތަނުން ބުނި ގޮތުގައި، ގުގުރުމާއި ވިދުމުން ލިބޭ ގެއްލުން ކުޑަކުރުމަށް އެޅިދާނެ ފިޔަވަޅުތަކަކީ:
-
ހާމަ ތަންތަނާއި ޓެރަސްފަދަ އުސް ތަންތަނުން ދުރުހެލިވުން
-
އިމާރާތްތެރޭގައި ތިބުން
-
ބޭރުގައި ނަމަ ވިއްސާރައިން ހިޔާވުމަށް އުސްތަންތަން ކައިރީ އަދި ގަސްދަށުގައި ނުތިބުން
-
އިލެކްޓްރޯނިކް ތަކެތި ކަރަންޓުން ނައްޓާލުމާއި އެ ތަކެތި ބޭނުން ކުރުމުން ދުރުހެލުވުން
-
ފެންބޮޑުވެފައިވާ ސަރަހައްދުތަކާއި ތެމިފައިވާ ތަކެއްޗާއި ދަގަނޑު ތަކެތިން ދުރުހެލިވުން
އެނގުން މުހިއްމު - މާލެއަށް މި ފަހުން ކުރި ވިއްސާރައިގައި ވެސް ވަރަށް ބާރަށް ގުގުރައި، އިމާރާތަކަށް ހޮނުވެސް އެޅި އެވެ. ހާއްސަކޮށް، ހުޅުމާލޭގައި ދިރިއުޅޭ މީހުންނަށް އެކަންވީ ބިރުވެރި ތަޖުރިބާއަކަށެވެ.
