އެމްޓީސީސީން ބޭނުންކުރާ މާލޭ ޓެކްސް ލައިންގެ ކާރެއް (ފޮޓޯ/އެމްޓީސީސީ)
ޓެކްސީ އެޕްގެ ހިޔާނާތުގެ ތުހުމަތު: ރައީސް ވިދާޅުވީ އެނގިވަަޑައިނުގަންނަވާ ކަމަށް
ލޯކަލް ކައުންސިލް އިންތިހާބަށް 72 ގަޑިއިރަށް ވެފައި އޮއްވާ އެމްޓީސީސީން ކުލަ ގަދަ ރަސްމިއްޔާތެއްގައި ނެރުނު 'މާލެ ޓެކްސީ' އެޕްލިކޭޝަން އުފެއްދުމުގައި ކޮރަޕްޝަންގެ އަމަލުތަކެއް ހިންގި ކަމަށް ކުރެވޭ ތުހުމަތުތަކުގެ މައުލޫމާތު އެނގިވަޑައިނުގަންނަވާ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.
ވީ ކިހިނެއް؟ - ޓެކްސީ އެޕުގައި ހިޔާނާތުގެ އަމަލުތަކެއްވާ ކަމަށް ތުހުމަތުކުރެވެނީ، ވާދަވެރި ބީލަމަށް ފުރުސަތު ނުދީ، އެވަރުގެ އެޕެއް ހަދަން ދާ ހަރަދަށް ވުރެ އެތައް ގުނައެއް ބޮޑުކޮށް، 13 މިލިއަން ރުފިޔާގެ އަގަކަށް އެ އެޕް ހަދަން ދީފައިވާތީ އެވެ.
ބުނީ ކީކޭ؟ - މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެކަމާ ގުޅޭ ގޮތުން ސުވާލުކުރުމުން ރައީސް ވިދާޅުވީ، އެފަދަ އެއްވެސް ކަމެއް އެ މަނިކުފާނާ ހަމައަށް އައިސްފައިނުވާ ކަމަށެވެ.
ރައީސް ވިދާޅުވި ގޮތުން:
-
އެ މަނިކުފާނަށް މައުލޫމާތު ލިބިވަޑައިގަތީ، އެޕް ރަނގަޅަށް މަސައްކަތް ނުކުރާ ކަމަށް ނުވަތަ އޭގަ
އި ގިނަ މައްސަލަތަކެއް ހުރި ކަމަށް -
އެ ކަންކަން މިހާރަށް ވުރެ ރަނގަޅަށް ކުރިއަށް ގެންދިއުމަށާއި ނުރަނގަޅަށް ކަމެއް ހިނގާ ކަމަށް ވަންޏާ ފިޔަވަޅު އަޅަން ޓްރާންސްޕޯޓު މިނިސްޓްރީއަށް އަންގާފައިވާނެ
-
އެކަމަކު ގާނޫނާ ހިލާފަށް، ނުފޫޒުގައި އުސޫލުން ބޭރުން ކަމެއް ކުރަން ފުރުސަތެއް ނުދޭނަން
-
އެޕް ހެދުން ލަސްވެގެން ނުވަތަ އެހެން ވެސް މައްސަލައެއް ދިމާވެގެން ހިދުމަތް ދިނުމަށް ބުރުއެރުމަކީ ބަލައިގަނެވޭނެ ކަމެއް ނޫން؛ އެކަން ރަނގަޅުކުރަން ފިޔަވަޅުތައް އަޅަން އަންގާފައިވާނެ
"ދެން މިހާރު ސީދާ އެޕެއް ހެދުމުގެ މަސައްކަތް ކުރަމުންދާކަން ވެސް ނުރަސްމީކޮށް އަޅުގަނޑަށް މައުލޫމާތު ލިބިފައި އޮތީ. އެހެންވީމާ އަޅުގަނޑުމެން ބަލާނަން ވީހާ ވެސް އަވަހަކަށް މިކަން ރަނގަޅު މަގުން ކުރިއަށް ގެންދެވޭތޯ. ގައިމު ވެސް އެއްވެސް ގަވާއިދާ ހިލާފަށް ނުފޫޒުން ކަމެއް ކުރުމުގެ ފުރުސަތެއް އަޅުގަނޑުމެން ނުދޭނަން،" ރައީސް ވިދާޅުވި އެވެ.
ލޯކަލް ކައުންސިލް އިންތިހާބަށް 72 ގަޑިއިރަށް ވެފައި އޮއްވާ އެމްޓީސީސީން ކުލަ ގަދަ ރަސްމިއްޔާތެއްގައި ނެރުނު 'މާލެ ޓެކްސީ' އެޕްލިކޭޝަން އުފެއްދުމުގައި ކޮރަޕްޝަންގެ އަމަލުތަކެއް ހިންގި ކަމަށް ކުރެވޭ ތުހުމަތުތަކުގެ މައުލޫމާތު އެނގިވަޑައިނުގަންނަވާ ކަމަށް ރައީސް މުހައްމަދު މުއިއްޒު… pic.twitter.com/ypwcF9lT3K
— Dhauru (@Dhaurunews) April 20, 2026
ހިޔާނުތުގެ އެއްވެސް ކަމެއް އެ އެޕްގެ މުއާމަލާތުގައި ހިނގާފައި އޮތްކަން މިހާތަނަށް ފާހަގަކުރެވިފައިވޭތޯ ދެވަނަ ފަހަރަށް ސުވާލުކުރުމުން ވެސް ރައީސް ވިދާޅުވީ އެފަދަ ކަމެއް އެ މަނިކުފާނާ ހަމައަށް އައިސްފައިނުވާ ކަމަށެވެ.
"[ޓެކްސީ އެޕްގެ ހިޔާނާތާ ގުޅޭ މައްސަލައެއް] އަޅުގަނޑާ ހަމައަކަށް ނާދޭ،" ރައީސް ވިދާޅުވި އެވެ.
އެނގުން މުހިންމު - އެ މުއާމަލާތަކީ ނިމިދިޔަ އިންތިހާބުގައި ސަރުކާރު ޕާޓީ، ޕީއެންސީގެ ކެމްޕޭނަށް ފައިސާ ހޯދުމަށް ހިންގި މުއާމަލާތެއް ކަމުގެ ތުހުމަތު ވެސް ކުރެވެ އެވެ. އަދި މި މައްސަލަ ބަލައިދިނުމަށް އެދި ރައްޔިތުންގެ މަޖިލީހަށް ވެސް މިހާރު ވަނީ ހުށަހަޅާފަ އެވެ.
ހިޔާނާތުގެ ތުހުމަތުތައް ކުރެވޭ އިތުރު ސަބަބުތަކަކީ:
-
ރާއްޖޭގެ ބޮޑެތި ޓެކް ކުންފުނިތަކަށް ފުރުސަތުނުދީ، މި ޕްރޮޖެކްޓްގެ ބިޑް ހުޅުވާލާފައިވަނީ ހަމައެކަނި "ދައުވަތު ދެވުނު ސަޕްލަޔަރުންނަށް" އެކަނި ކަމުގައިވުން
-
އެޕް ހަދަން ހަވާލުކުރި 'ފިކްސްޑް މޯލްޑިވްސް'އަކީ އެޕް އަދި ވެބް ޑިވެލޮޕްމަންޓްގެ އެއްވެސް ތަޖުރިބާއެއް ނެތް ކުންފުންޏަކަށްވާތީ
-
އެމްޓީސީސީގައި މި ޓެންޑަރުގެ މަސައްކަތް ކުރިއަށް ގެންދިޔަ ކުންފުނީގެ ޓްރާންސްޕޯޓް ޑިޕާޓްމަންޓްގެ އިސްވެރިއެއް ކަމަށްވާ، ޖެނެރަލް މެނޭޖަރު އަބްދުﷲ ފާރިޝް ހުސައިންގެ ތިމާގެ މީހެއްގެ ނަމުގައި ރަޖިސްޓްރީކޮށްފައިވާ ކުންފުންޏަކަށް މި މަސައްކަތް ދީފައިވާތީ
ކޮމެންޓް (3)
ސިކުނޑި
ސިކުނޑި
ކުރިކީލަ