ތޫނު އެއްޗަކުން ހަމަލާދީގެން ހައްޔަރު ކުރި ބަންގްލަދޭޝް މީހާގެ ބަންދަށް 7 ދުވަސް

މިދިޔަ ހުކުރު ދުވަހުގެ ރޭ ދަންވަރު މާލޭގައި ބިދޭސީއަކަށް ތޫނު އެއްޗަކުން ހަމަލާދިން މައްސަލާގައި ހައްޔަރު ކުރި ބަންގްލަދޭޝް މީހާގެ ބަންދަށް 7 ދުވަސް ކޯޓުން މިއަދު ދީފި އެވެ.

ތަފްސީލް - ފުލުހުން ބުނީ ހުކުރު ދުވަހުގެ ރޭ ދަންވަރު ކަރަންކާ މަގުގައި ހުރި ބިދޭސީއަކަށް ތޫނު އެއްޗަކުން ހަމަލާދީ ޒަހަމްކޮށްލިކަމުގެ ތުހުމަތުގައި ހައްޔަރު ކުރި ބަންގްލަދޭޝްގެ އަންތަރު މުއްލާގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން 7 ދުވަހަށް ބަންދު ކުރުމަށް އަމުރުކޮށްފައިވާ ކަމަށެވެ.

ތޫނު އެއްޗަކުން ހަމަލާ ދީފައިވަނީ 38 އަހަރުގެ ބަންގްލަދޭޝް ފިރިހެނެކަށެވެ. އެ ހަމަލާގައި ކަރަށް ބޮޑެތި ޒަހަމުތަކެއް ލިބިފައިވާ ކަމަށް ފުލުހުން ބުންޏެވެ.