ފޮރިން މިނިސްޓަރު ހަލީލް އިސްތިއުފާ ދެއްވައިފި

ފޮރިން މިނިސްޓަރު ޑރ. އަބްދުﷲ ހަލީލް އެ މަގާމުން މިއަދު އިސްތިއުފާ ދެއްވައިފި އެވެ. މިއީ މި ސަރުކާރުގެ ދެވަނަ ފޮރިން މިނިސްޓަރެވެ. 

ވީ ކިހިނެއް؟ - މި ސަރުކާރުގެ ފުރަތަމަ ހެލްތު މިނިސްޓަރުގެ މަގާމުގައި ހުންނެވި ހަލީލް ފޮރިން މިނިސްޓަރުގެ މަގާމަށް އައްޔަނުކުރީ 30 ސެޕްޓެމްބަރު 2024ގަ އެވެ. އޭނާ އިސްތިއުފާ ދެއްވީ ރައީސް މުހައްމަދު މުއިއްޒު އެ ކަމަށް އެދިވަޑައިގަތުމުންނެވެ.

ތަފްސީލް - ފޮރިން މިނިސްޓަރުގެ މަގާމުން ހަލީލް ވަކިކުރި އިރު، އޭނާ އަކީ މެދުއިރުމަތީގެ ހަނގުރާމައާ ގުޅިގެން އުފައްދާފައިވާ ކްރައިސިސް ކޮމެޓީގެ ވެރިޔާ އެވެ.

އެނގުން މުހިންމު - ފޮރިން މިނިސްޓަރު ހަލީލް މިއަދު މަގާމުން ވަކިކުރި އިރު، ރައީސް އޮފީހުގެ މިނިސްޓަރު އަލީ އާރިފް އިއްޔެ ވަނީ މަގާމުން އިސްތިއުފާ ދެއްވައިފަ އެވެ.

މީގެ އިތުރުން، ކައުންސިލް އިންތިހާބުގައި ސަރުކާރަށް ލިބުނު ނާކާމިޔާބީއަށް ފަހު، ސަރުކާރު ކުންފުނިތަކުގެ ބައެއް ވެރިން ވަނީ މަގާމުން ވަކިކޮށް ނުވަތަ އިސްތިއުފާ ދޭން އަންގާފަ އެވެ. އެގޮތުން:

އެމްޑަބްލިއުއެސްސީގެ އެމްޑީއަކަށް ކުރިން ސްޓެލްކޯގެ އެމްޑީކަން ކުރެއްވި އަދި ފަހުން ރައީސް އޮފީހުގެ މިނިސްޓަރުގެ މަގާމުގައި ހުންނެވި ހުސެން ފަހުމީ މިއަދު ވަނީ އައްޔަންކޮށްފަ އެވެ.