ދިގުރަށު އަލިފާނުގެ ހާދިސާ: އިދާރާތަކުން ޒިންމާއަދާކުރިތޯ ބަލަން އެދިއްޖެ

މިދިޔަ މަހުގެ ތެރޭގައި އދ. ދިގުރަށު އެކޮމޮޑޭޝަން ބްލޮކެއްގައި ރޯވެ، ފަސް ބިދޭސީން މަރުވި ހާދިސާއާ ގުޅިގެން، ސަރުކާރު އިދާރާތަކުން އަދާކުރަން ޖެހޭ މަސްއޫލިއްޔަތު ފުރިހަމައަށް އަދާކުރިތޯ ސާފުކޮށްދިނުމަށް، ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު މުހައްމަދު އިބްރާހިމް (ކުޑޫ) އެދިވަޑައިގެންފި އެވެ.

ވީ ކިހިނެއް؟- މިދިޔަ މަހު 12 ވަނަ ދުވަހުގެ ރޭ، ދަންވަރު 2 ހާއިރު އެ އިމާރާތުގައި ރޯވި އިރު، އެތަނުގައި 30އަކަށް ބިދޭސީ މަސައްކަތްތެރިން ދިރިއުޅެމުން ދިޔަ އެވެ. އެ ހާދިސާގައި އަށް މީހަކަށް އަނިޔާވި އިރު، ފަސް މީހުން މަރުވި އެވެ.

ރައްޔިތުންގެ މަޖިލީހުގެ ރައީސް އަބްދުއްރަހްމާން އަބްދުﷲއަށް މެމްބަރު ފޮނުއްވި ސިޓީގައި އެދިވަޑައިގެންނެވީ، މި ހާދިސާއާ ގުޅިގެން ސަރުކާރު އިދާރާތަކުން ޒިންމާ އަދާކުރިތޯ، 'ސަރުކާރުގެ މަސްއޫލިއްޔަތު އަދާކުރާ ކޮމިޓީ' މެދުވެރިކޮށް ބަލައިދެއްވުމަށެވެ.

މުހައްމަދު އިބްރާހިމް ސާފުކުރަން އެދިވަޑައިގެންނެވި ބައެއް ކަންތަކުގެ ތެރޭގައި ހިމެނެނީ:

އެ ހާދިސާ ހިނގީ ކައްކަން އުޅުމުގެ ތެރެއިން ގޭސް ލީކުވެގެން ކަމަށް ރަށު ކައުންސިލުން ވަނީ ބުނެފަ އެވެ. އޭރު އޭގެ ތެރެއިން ބައެއް މީހުން ތިބީ ނިދާފައި ކަމަށްވެ އެވެ.

 'ދައުރު' އަށް އެނގިފައިވާގޮތުގައި ގިނަ ބިދޭސީންތަކެއް އުޅޭ އެ އެކޮމޮޑޭޝަން ބްލޮކްގައި ވަދެނުކުމެވެން ހުންނަނީ އެންމެ ދޮރެކެވެ. އެ ދޮރު ހުންނަނީ، ބަދިގޭގެ އެއް އަރިމަތީގައި ކަމަށް އެނގިފައިވެ އެވެ.