އައްޑޫ ހިދުމަތްތެރިޔާ އަހްމަދު ސޯލިހް އަލިދީދީއާ އެކު ކުރީގެ ރައީސް މުހައްމަދު ނަޝީދު މީގެ ކުރިން ނަންގަވާފައިވާ ފޮޓޯއެއް.
ދައުލަތަށް ގިނަ ދުވަހު ހިދުމަތް ކުރެއްވި އައްޑޫ އަހްމަދު ސޯލިހް އަލިދީދީ އަވަހާރަވެއްޖެ
ދައުލަތަށް ގިނަ ދުވަހު ހިދުމަތް ކުރެއްވި އައްޑުއަށް ނިސްބަވްވެވަޑައިގަންނަވާ އަހްމަދު ސޯލިހް އަލިދީދީ، އުމުރުން 92 އަހަރުގައި މިއަދު އަވަހާރަވެއްޖެ އެވެ.
ވީ ކިހިނެއް؟ - ދައުލަތުގެ ގިނަ މަގާމުތަކެއް ފުރުއްވި އަހްމަދު ސޯލިހް އަލިދީދީ އަވަހާރަވީ އައްޑޫ އިކުއެޓޯރިއަލް ހޮސްޕިޓަލުގައި މިއަދު ހެނދުނުގެ ވަގުތެއްގަ އެވެ.
ތަފްސީލު - އަހްމަދު ސޯލިހް އަލިދީދީގެ ކަށުނަމާދު އޮތީ މިރޭ އިޝާ ނަމާދަށް ފަހު، ހިތަދޫ މަސްޖިދުއްތަގުވާގަ އެވެ. މައްޔިތާއަށް ޒިޔާރަތް ކުރުން އޮތީ މިއަދު މެންދުރުފަހު 2 އިން އިރުއޮއްސި 6:30ގަ އެވެ.
އަހްމަދު ސޯލިހް އަލިދީދީ:
-
ދައުލަތަށް 45 އަހަރަށް ވުރެ ދިގު މުއްދަތަކަށް ހިދުމަތް ކުރެއްވި
-
ހިތަދޫ ކަތީބުކަމާއި އައްޑު އަތޮޅުގެ އަތޮޅުވެރިޔާގެ މަގާމު ފުުރުއްވި
-
އޭގެ އިތުރުން، އައްޑު އަތޮޅުގެ ރައްޔިތުންގެ މަޖިލީހުގެ މެންބަރުކަން ވެސް ކުރެއްވި
ގުޅުން ހުރި - އަހްމަދު ސޯލިހް އަލިދީދީ އަވަހާރަވުމާ ގުޅިގެން ރައީސް މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވަނީ ހިތާމަ ފާޅުކުރައްވައި އާއިލާއަށް ތައުޒިޔާ ދަންނަވާފަ އެވެ.
"ދިވެހި ދައުލަތަށް އަދި ހާއްސަކޮށް އައްޑޫގެ ކުރިއެރުމަށާއި ތަރައްގީއަށް މުހިންމު ހިދުމަތްތަކެއް ކޮށްދެއްވި އަހްމަދު ސޯލިހް އަލިދީދީ އަވަހާރަވުމުގެ ހިތާމައިގައި، އައްޑޫގެ ލޮބުވެތި ރައްޔިތުންނަށާއި އެ އާއިލާއަށް ނުހަނު އިހުލާސްތެރިކަމާ އެކު ތައުޒިޔާ ދަންނަވަން،" ރައީސްގެ ޕޯސްޓުގައި އެ މަނިކުފާނު ލިޔުއްވާފައިވެ އެވެ.
إِنَّا لِلّهِ وَإِنَّـا إِلَيْهِ رَاجِعُونَ
— Dr Mohamed Muizzu (@MMuizzu) March 28, 2026
ރައްޔިތުންގެ މަޖިލީހުގެ އައްޑޫ މެންބަރުކަމާއި އައްޑު އަތޮޅު އަތޮޅުވެރިކަންވެސް ކުރައްވައި، ދިގު މުއްދަތަކަށް ދިވެހި ދައުލަތަށް އަދި ޚާއްޞަކޮށް އައްޑޫގެ ކުރިއެރުމަށާއި ތަރައްޤީއަށް މުހިންމު ޚިދުމަތްތަކެއް ކޮށްދެއްވި އަޙްމަދު ޞާލިޙް… pic.twitter.com/2v2gyzoZ6U
ރައީސް މުއިއްޒުގެ އިތުރުން، ކުރީގެ ރައީސް މުހައްމަދު ނަޝީދު ވެސް ވަނީ ތައުޒިޔާގެ މެސެޖެއް ސޯޝަލް މީޑިއާގައި ޕޯސްޓު ކުރައްވާފަ އެވެ. އަހްމަދު ސޯލިހް އަލިދީދީއާ އެކު ނަންގަވާފައިވާ ފޮޓޯއަކާ އެކު ނަޝީދު ކުރެއްވި ޕޯސްޓުގައި ސިފަ ކުރެއްވި ގޮތުގައި، އޭނާއަކީ "އިސްލާހީ ހަރަކާތުގައި އިސް ބައިވެރިއެ"ކެވެ.
Miadhu avahaaravi Ahmed Solih Ali Didi akee Addu atholhu atholhuverikan himeneyhen dhaulathah 40 aharahah vure gina dhuvahu khidhumaiy kuravvaafaiva beyfulheh. Islaahee harakaathuge is baiveri eh. Marhoom ah suvarugeyge mathiveri niumaiy minvaru kuravvai, aailaa ah keiytherikan… pic.twitter.com/mpFydZcWdQ
— Mohamed Nasheed (@MohamedNasheed) March 28, 2026
ކޮމެންޓް (1)
ހުވަދޫ އަހައްމަދޭ