މީހުންގެ ޒާތީ ފޮޓޯ އާއި ވީޑިއޯއިން ބްލެކްމެއިލް ކުރުން ދަނީ އިތުރުވަމުން: ފުލުހުން

ސޯޝަލް މީޑިއާގައި މީހުންގެ ޒާތީ ފޮޓޯ އާއި ވީޑިއޯ ނަހަމަ ގޮތުގައި ބޭނުންކޮށްގެން ބްލެކްމެއިލް ކުރާ މައްސަލަތައް އިތުރުވަމުންދާ ކަމަށް ފުލުހުން ބުނެފި އެވެ. 

ތަފްސީލް - ފުލުހުން ބުނިގޮތުގައި އެތަނަށް ހުށަހަޅާ މައްސަލަތަކުގެ ތެރޭގައި، މީހުންގެ ޒާތީ މައުލޫމާތު އާއްމުކުރާނެ ކަމަށް ބުނެ ބިރުދައްކައިގެން ފައިސާ ހޯދުމާއި ރުހުމަކާނުލައި އެފަދަ ތަކެތި ފެތުރުމާއި ވިއްކުން ހިމެނެ އެވެ.

އެތަނުން ބުނީ:

ގުޅުމުގެ ތެރެއިން ހިއްސާ ކުރާ މައުލޫމާތުގެ އިތުރުން، އާޓިފިޝަލް އިންޓެލިޖެންސް ބޭނުންކޮށްގެން އުފައްދާފައިވާ، އަސްލެއް ނެތް ތަސްވީރުތަކާއި ވީޑިއޯތައް ބޭނުންކޮށްގެން ވެސް މީހުންގެ އަބުރަށް ގެއްލުންވާ ފަދަ ތަކެތި އުފެއްދުމުގެ މައްސަލަތައް ވެސް ހުށަހަޅާ ކަމަށް ފުލުހުން ބުންޏެވެ.

"މިއީ ބޮޑެތި ކުށްތަކެއްގެ ގޮތުގައި ބެލެވޭ އަމަލުތަކެކެވެ. މިފަދަ ކަންކަމުގެ ސަބަބުން އަނިޔާ ލިބޭ ފަރާތްތަކަށް ނަފްސާނީ ގޮތުންނާއި އިޖުތިމާއީ ގޮތުން ބޮޑެތި ގެއްލުންތަކެއް ލިބި، އަބުރަށް އުނިކަން އާދެ އެވެ،" ފުލުހުންގެ ވެބްސައިޓުގައި އާއްމުކުރި ލިޔުމެއްގައި ބުނެފައި ވެ އެވެ.

"ވަކިން ހާއްސަކޮށް، އާއިލީ ގުޅުންތަކާއި އަމިއްލަ އަބުރުވެރިކަމަށް ބޮޑު އިސްކަމެއްދޭ ދިވެހި މުޖުތަމައެއްގައި މިފަދަ ކަންކަމުގެ ނުރައްކާ މާ ބޮޑު ވެސް މެ އެވެ."

ފުލުހުން ބުނީ މި ފަދަ މައްސަލަތައް ތަހުގީގު ކުރާނެ ކަމަށެވެ. އެއާއެކު ހަނދާންކޮށްދިނީ: