މުޅި އަހަރު ލޯނަށް ހުށަހެޅޭ ގޮތަށް ސްޓޫޑެންޓް ލޯނު ހުޅުވާލަނީ

އެންމެ ލަސް މުއްދަތު ނުވަތަ ޑެޑްލައިނެއް ނެތް ގޮތަށް، މުޅި އަހަރު ވެސް ލޯނަށް ހުށަހެޅޭ ގޮތަށް ސްޓޫޑެންޓް ލޯނު ހުޅުވާލަން ސަރުކާރުން ނިންމައިފި އެވެ.

ވީ ކިހިނެއް؟ - ސަރުކާރުން މިހާތަނަށް ކޮންމެ އަހަރަކު ވެސް މި ލޯނު ދެނީ ޑެޑްލައިނަކާ އެކު އެވެ. މުއްދަތު ހަމަވާ ފަހުން ހުށަހަޅާ އެއްވެސް އެޕްލިކޭޝަނެއް ބަލައެއް ނުގަނެ އެވެ. އެކަމަކު މި އުސޫލު ބަދަލުކުރާ ގޮތަށް ނިންމާފައިވާކަން ސަރުކާރުން މިއަދު ވަނީ އިއުލާންކޮށްފަ އެވެ.

ބުނީ ކީކޭ؟ - ރައީސް އޮފީހުގައި ބޭއްވި ބައްދަލުވުމެއްގައި ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދު ވިދާޅުވީ ޑެޑްލައިނެއް ކަނޑައަޅާފައިވާތީ، އެ މުއްދަތުގައި ބައެއް ދަރިވަރުންނަށް އެޕްލިކޭޝަން ހުށަހެޅޭ ގޮތް ނުވެ، ލޯނު ލިބޭގޮތް ނުވާ ކަމަށެވެ. އެހެންވެ، އެކަން ހައްލު ކުރުމުގެ ގޮތުން މިއަހަރުން ފެށިގެން ދެން ލޯނު ދޫކުރާނީ ޑެޑްލައިނެއް ނެތި ކަމަށް އޭނާ ވިދާޅުވި އެވެ.

މިނިސްޓަރު ވިދާޅުވި ގޮތުގައި، އީދު ބަންދުގެ ފަހުން ލޯނަށް ހުޅުވާލާނެ އެވެ.

އާ ބަދަލާ އެކު، ލޯނަށް އެދި ހުށަހަޅަން ޖެހޭ ލިޔުންތައް ވެސް މިހާރު ތަފާތެވެ. އެގޮތުން:

މިނިސްޓަރު ވިދާޅުވީ މި ގެނައި ބަދަލުތަކުގެ ސަބަބުން ދަރިވަރުންނަށް ލޯނު ލިބުމުގައި އަވަސްވެ، ފަސޭހަވާނެ ކަމަށެވެ.

އެނގުން މުހިއްމު - ދަރިވަރުންގެ މަތީ ތައުލީމަށް، ސަރުކާރުން ކޮންމެ އަހަރު ވެސް ބޮޑު ހަރަދެއް ކުރެ އެވެ. އެގޮތުން މިދިޔަ އަހަރު ވެސް، އެކި ސްކޮލަޝިޕްތަކުގައި ކިޔެވުމަށް 222 މިލިޔަން ރުފިޔާ ވަނީ ދޫކޮށްފަ އެވެ.

ތަފާސްހިސާބުތަކަށް ބަލާއިރު މިދިޔަ 2024 އިން 2025އާ ހަމައަށް: