ސްކޫކް ދައްކަން 650 މިލިއަން ޑޮލަރު އެއްކޮށްފިން؛ މިއަދުވެސް ދެއްކޭނެ: ރައީސް

ރާއްޖެއިން މިއަހަރު ދައްކަން ޖެހޭ އެންމެ ބޮޑު ބޭރުގެ ދަރަނި 500 މިލިއަން ޑޮލަރުގެ ސްކޫކް ވަގުތުން ވަގުތަށް ދައްކަން ޖެހިއްޖެ ނަމަވެސްއެ ފައިސާ ރާއްޖެއަށް މިއަދު ވެސް ދެއްކޭނޭ ކަމުގެ ޔަގީންކަން ރައީސް މުހައްމަދު މުއިއްުޒު މިއަދު ދެއްވައިފި އެވެ. 

ވީ ކިހިނެއް؟ - ރައީސްގެ ރިޔާސީ ބަޔާނުގައި ވައުދުވީ ގޮތަށް މިއަދު ރައީސް އޮފީހުގައި އެމަނިކުފާނު މިހާރު ކުރިއަށް ގެންދަވާ ނޫސްވެރިންގެ ބައްދަލުވުމުގައި ރައީސް މުއިއްޒު ވިދާޅުވީ 8 އެޕްރީލް ވަނަ ދުވަހު ރާއްޖެއިން ސްކޫކަށް ދައްކަން ޖެހޭ ފައިސާ އެކީ ދައްކާ ހަލާސްކުރާނޭ ކަމަށެވެ. 

"އެ ތާރީހުގައި ފައިސާ ދައްކަން ރައްކާކޮށްފައި އެބަހުރި 650 މިލިއަން ޑޮލަރު. އެހެންވީމާ، 500 މިލިއަން ޑޮލަރުގެ ސްކޫކް ދައްކާފައި 150 މިލިއަން ޑޮލަރަށް ވުރެ ގިނައިން ހުންނާނެ،" ރައީސް މުއިއްޒު ވިދާޅުވި އެވެ. 

ތަފްސީލް - ރައީސް ވަނީ ސްކޫކް ދައްކަން އެއްކޮށްފައިވާ ކަމަށް ވިދާޅުވި 650 މިލިއަން ޑޮލަރުގެ ތަފްސީލް ވެސް ދެއްވައިފަ އެވެ. އެގޮތުން ވިދާޅުވީ: 

"8 އެޕްރީލްއަށް އެ ފައިސާ އަޅުގަނޑުމެން ދައްކާނަން. އަޅުގަނޑުމެން މިވަނީ މިއަދުން މިއަދަށް ވެސް މިހާރު ވެސް ސްކޫކް ދެއްކޭ ވަރަށް ތައްޔާރުވެފައި،" ރައީސް މުއިއްޒު ވިދާޅުވި އެވެ. 

"ހަމަ އެއްވެސް ވަރެއްގެ ކަންބޮޑުވުމެއް ނެތް. މިއަދު މިއަދަށް ވެސް ސްކޫކް ދެއްކޭނެ." 

މިދިޔަ ފެބުރުއަރީ 5ގައި ރައީސް މަޖިލީހަށް ދެއްވި ރިޔާސީ ބަޔާނުގައި އެމަނިކުފާނު ވަނީ ސްކޫކް ރީފައިނޭންސް ކުރުން ނުވަތަ އެއްބައި ދެއްކުމަށް ފަހު އިތުރު ލޯނެއް ނަގައިގެމް ސްކޫކް ދެއްކުމުގެ ވިސްނުން ގެންގުޅުއްވާކަން ހާމަކުރައްވައިފަ އެވެ. އޭރު ވިދާޅުވީ: 

މިއަހަރަށް ރައްޔިތުންގެ މަޖިލީހުން ފާސްކުރި ބަޖެޓުގައިވާ ގޮތުގައި: 

އެހެންކަމުން، ރައީސް މިހާރު އެ ވިދާޅުވާ ސްކޫކް ދައްކަން ރިޒާވާއި އެސްޑީއެފް އެކީ ބޭނުންކުރާ ވާހަކައިގައި ދިމާނުވުންތަކެއް އެބަހުއްޓެވެ. ސުވާލަކީ މިހާރު ސަރުކާރުގެ ރޭވުން ބަދަލުވެ ރީފައިނޭންސްނުކޮށް ސްކޫކް އެކީ ދައްކަނީ ހެއްޔެވެ؟ އެހެން އެކަން ކުރަން ޖެހެނީ ރީފައިނޭންސް ކުރަން ރަނގަޅު ޑީލެއް ނުލިބިގެންނެވެ. 

ރައީސް އިތުރަށް ވިދާޅުވީ ރާއްޖޭގެ ޖުމްލަ ރިޒާވްގައި މިހާރު 1.27 ބިލިއަން ޑޮލަރު އެބަހުރި ކަމަށެވެ. މިއީ ރެކޯޑެއް ކަމަށް ވެސް ރައީސް މުއިއްޒު ފާހަގަކުރެއްވި އެވެ. 

"ރާއްޖެއިން ބޭރަށް ދައްކަން ޖެހޭ ދަރަނި، އެތެރޭގެ ފަރާތްތަކަށް ދައްކަން ޖެހޭ ދަރަނި ދެއްކޭނެ އުސޫލަކުން އަޅުގަނޑުމެން ކަންކަން ރާވައިގެން ކުރިއަށް މި ގެންދަނީ،" ރައީސް ވިދާޅުވި އެވެ.

ރައީސް ވިދާޅުވީ ރިޒާވް ރަނގަޅަށް ހުރުމުގެ ސަބަބުން މެދުއިރުމަތީގައި މިހާރު ހިނގާ ހަނގުރާމައިގެ އަސަރުތައް ކުޑަކުރަން ވެސް އެހީއަކަށް އަދި ފަސޭހައަކަށްވާ ކަމަށެވެ. 

ރައީސް ވިދާޅުވީ ޑޮލަރު މާރުކުރަން މަޖުބޫރުކޮށް ބޭރު ފައިސާ މާރުކުރުމުގެ ގާނޫނަށް ގެނައި ބަދަލާ އެކު މިއަހަރުގެ ފެބުރުއަރީގެ ނިޔަލަށް ވެސް މަރުކަޒީ ބޭންކް، އެމްއެމްއޭއަށް 116 މިލިއަން ޑޮލަރު މާރުކޮށްފައިވާ ކަމަށެވެ. އެ ހުރިހާ ހިސާބަކަށް ބަލާއިރު އިގްތިސާދު އޮތީ ރަނގަޅަށް ކަމަށް ވެސް ރައީސް ވިދާޅުވި އެވެ. 

"އިގްތިސާދީ ކަންކަން ރަނގަޅަށް އޮތީ ބާރަށް ފުޅާވެ ކުރިއަރަމުން އަންނަ އިގްތިސާދެއް އޮތީ، ރާއްޖެ އިގްތިސާދު އިތުރަށް ރަނގަޅުވާނެ،" ރައީސް ވިދާޅުވި އެވެ.