ހަ އަހަރު ތެރޭގައި ކެންސަރުގެ އާ ކޭސްތައް އެންމެ މަދުން ރެކޯޑްކުރެވުނީ މިދިޔަ އަހަރު

މިދިޔަ ހަ އަހަރުގެ ތެރޭގައި ކެންސަރުގެ އާ ކޭސްތައް އެންމެ މަދުން ރެކޯޑްކުރެވިފައިވަނީ މިދިޔަ އަހަރު ކަމަށް ތަފާސްހިސާބުތަކުން ދައްކައިފި އެވެ.

ވީ ކިހިނެއް؟ - މާދަމާ ފާހަގަކުރާ ދުނިޔޭގެ ކެންސަރު ދުވަހާ ގުޅުވައިގެން، ހެލްތު ޕްރޮޓެކްޝަން އޮތޯރިޓީ (އެޗްޕީއޭ) އިން މިރޭ ވަނީ، މިފަހުގެ އަހަރުތަކުގައި އަލަށް ކެންސަރު ޖެހުނު މީހުންގެ އަދަދުތައް އާއްމުކޮށްފަ އެވެ. އެއީ ކެންސަރު ދަފުތަރުގައި ކޮންމެ އަހަރަކު ރަޖިސްޓްރީކޮށްފައިވާ އާ ކޭސްތަކެވެ.

ތަފްސީލް - އެ ތަފާސްހިސާބުތަކަށް ބަލާއިރު އާ ކޭސްގެ ގޮތުގައި އެންމެ މަދުން ދަފުތަރުކޮށްފައިވަނީ މިދިޔަ އަހަރެވެ. އެއީ 111 މީހުންނެވެ. އެންމެ ގިނަ މީހުންނަށް ކެންސަރު ޖެހުނު ކަމަށް ރިޕޯޓްކޮށްފައިވަނީ 2022 އަހަރެވެ. އެއީ 244 މީހުންނެވެ.

އެ ތަފާސްހިސާބުތަކަށް ބަލާއިރު ކެންސަރުގެ އާ ކޭސްތަކުގެ ގޮތުގައި ދަފްތަރުކޮށްފައިވަނީ:

އެ އަދަދުތަކުން ބަލާ ނަމަ، މިދިޔަ ހަ އަހަރުގެ ތެރޭގައި މަދުވެގެން 1،106 މީހުންނަށް ވަނީ ކެންސަރު ބަލި ޖެހިފަ އެވެ.

އެޗްޕީއޭ އިން ބުނިގޮތުގައި ކެންސަރު ބައްޔާ މެދު ހޭލުންތެރިކުރުމުގެ މުހިއްމުކަމާއި ބަލީގެ ކުރީކޮޅު ބަލި ދެނެގަތުމުގެ މުހިއްމުކަން މި އަދަދުތަކުން އަންގައިދެ އެވެ.

ރާއްޖޭގެ ކެންސަރު ދަފްތަރުގައި މިހާތަނަަށް 1،600އަށް ވުރެ ގިނަ މީހުން ވަނީ ރަޖިސްޓްރީވެފަ އެވެ. އެކި ވައްތަރުގެ ކެންސަރު ބަލިތަކުގައި ވަރަށް ކުޑަކުދިންނާއި ޒުވާނުންނާއި ދުވަސްވީ މީހުން ދަނީ ހަނގުރާމަކުރަމުންނެވެ.