ޝަރުއީ ދާއިރާގެ މާލީ ކަންކަމުގައި އަމަލު ކުރާނެ އުސޫލެއް އެކުލަވާލައިފި

ބަޖެޓް ކަނޑައެޅުމާއި ބަޖެޓް ތަންފީޒުކުރުމުގައި ގެންގުޅޭނެ ވަކި މިންގަނޑުތަކެއް ތައާރަފު ކުރާނެ 

ކޮންމެ އަހަރަކު ވެސް ރައްޔިތުންގެ މަޖިލީހުން ފާސްކުރާ ދައުލަތުގެ ބަޖެޓުގައި ޝަރުއީ ދާއިރާއަށް ބޭނުންވާ ފައިސާ ހިމަނާނެ

ކޮންމެ އަހަރެއް ފަށާއިރު، ދައުލަތަށް ލިބޭނެ ކަމަށް އަންދާޒާކުރާ އާމްދަނީގެ %2އަށް ވުރެ މަދު ނޫން މިންވަރެއް ޝަރުއީ ދާއިރާއަށް ކަނޑައަޅަންވާނެ

މި މިންވަރު ހިސާބުކުރުމުގައި، ވަކި ކަމަކަށް ހާއްސަކޮށްފައިވާ އާމްދަނީ އާއި އަލަށް ތައާރަފުކުރަން ނިންމާ އާމްދަނީ އިތުރުކުރުމުގެ ފިޔަވަޅުތަކުން ލިބޭނެކަމަށް ލަފާކުރާ އާމްދަނީ ނުހިމެނޭ

މި އެކައުންޓުން ކުރެވޭ ހުރިހާ މުޢާމަލާތްތަކެއް ހިންގަންވާނީ ދައުލަތުގެ މާލިއްޔަތުގެ ގަވާއިދާ އެއްގޮތްވާ ގޮތުގެ މަތިން ދައުލަތުގެ ޕަބްލިކް އެކައުންޓިން ސިސްޓަމް މެދުވެރިކޮށް 

މީގެ ސަބަބުން މާލީ ކަންކަން ކޮންޓްރޯލްކުރުމާއި މުއާމަލާތްތައް ރެކޯޑުކުރުމާ އަދި ދާއިރާގެ ހަރަދުތައް ދައުލަތުގެ މައި ހިސާބުތަކާ އަޅާކިޔައި ތަފުސީލު ހޯދުމަށް ފަސޭހަވާނެ

ޝަރުއީ ދާއިރާގެ އެކުލެވިގެންވާ ބަޖެޓު ތައްޔާރުކޮށް، ކޮންމެ އަހަރެއްގެ 30 ސެޕްޓެމްބަރުގެ ކުރިން ޑީޖޭއޭ އިން ފިނޭންސް މިނިސްޓްރީއަށް ހުށަހަޅަން ޖެހޭ

މެދު ރާސްތާގައި ލިބޭނެކަމަށް ލަފާކުރާ އާމްދަނީގެ ތަފްސީލު މި ބަޖެޓުގައި ހިމަނަންޖެހޭ

ބަޖެޓު ޑެފިސިޓް ވާނެ ކަމަށް ބެލެވޭ ނަމަ، އެކަމަށް ބޭނުންވާ ފައިސާ ހޯދާނެ ގޮތުގެ ޕްލޭނެއް ހިމަނަންޖެހޭ

ބަޖެޓު ޑެފިސިޓްވާ ހާލަތްތަކުގައި ހަރަދުތައް ހުންނަންވާނީ ލިބޭނެ ކަމަށް ލަފާކުރާ ޖުމްލަ އާމްދަނީ އާއި ބޭންކް ބެލެންސްއަށް ވުރެ އިތުރުނުވާ މިންވަރެއްގައި 

މަޝްރޫއުތަކަށް ފައިސާ ހޯދުމާއި ހަރަދުތައް ބެލެހެއްޓުމުގެ ސިޔާސަތުތައް އެކަށައެޅުމުގެ ޒިންމާ އުފުލާނީ ޗީފް ޖުޑީޝަލް އެޑްމިނިސްޓްރޭޓަރު

މާލީ ޒިންމާދާރު ވެރިޔާ އެ ސިޔާސަތުތަކާ އެއްގޮތަށް ބަޖެޓު ތަންފީޒުކުރުމުގެ ޒިންމާ އުފުލަންޖެހޭ

ކަނޑައަޅާފައިވާ ބަޖެޓުން ބޭރުން ކޮންމެހެން ކުރަންޖެހޭ ހަރަދެއް ކުރިމަތިވެއްޖެ ނަމަ، އެ ހަރަދެއް ކުރުމުގެ ކުރިން ސަޕްލިމެންޓްރީ ބަޖެޓެއް ފާސްކުރަންޖެހޭ

މިފަދަ ބަޖެޓެއްގެ ސަބަބުތަކާއި ތަފުސީލު ފިނޭންސް މިނިސްޓްރީއަށް ހުށަހަޅާ، އާންމު ކުރަން ޖެހޭ

ވަކި ޝަރުތުތަކަކާ އެކު ދައުލަތުން އިތުރު އެހީ ފޯރުކޮށްދިނުމުގެ ފުރުސަތު އޮންނާނެ

މިފަދަ އެހީއެއް ދިނުމުގެ ކުރިން، ކަމާ ބެހޭ ސަރުކާރުގެ އިދާރާއަކާއި ޑީޖޭއޭއާ ދެމެދު އެއްބަސްވުމެއްގައި ސޮއިކުރަންޖެހޭ

ދައުލަތުން ބޭރުގެ ފަރާތްތަކުން ލިބޭ އެހީގެ ތަފުސީލު ވެސް މާލީ ވުޒާރާއަށް ހުށަހަޅަންޖެހޭ

މުވައްޒަފުންގެ މުސާރަ އާއި އިނާޔަތްތައް ދިނުމުގައި ޕޭ ކޮމިޝަންގެ މިންގަނޑުތަކަށާއި ދައުލަތުގެ މުސާރައިގެ ސިޔާސަތުގެ ގާނޫނަށް އަދި ވަޒީފާއާބެހޭ ގާނޫނަށް އަމަލުކުރަންޖެހޭ

 ވަގުތީ މުވައްޒަފުން ނެގޭނީ ވެސް މި މިންގަނޑުތަކުގެ ތެރެއިން، ބަޖެޓުގައި ފައިސާ ހުރިކަން މާލީ ޒިންމާދާރު ވެރިޔާ ކަށަވަރުކުރުމަށް ފަހު

ކޮންމެ މަހަކު ކުރަންޖެހޭ މުހިންމު ހަރަދުތަކުގެ ތެރޭ ހިމެނޭ ކުއްޔާއި ބިލްތައް ފަދަ ކަންކަމަށް ފައިސާ ހުރިކަން ކަށަވަރުނުކޮށް އިތުރު ހަރަދުތަކަކަށް ޒިންމާވެގެން ނުވާނެ

ދެފުށް ފެންނަ ގޮތަށް ކަންކަން ހިންގުމަށްޓަކައި، ކޮންމެ މަހަކު ކުރާ ހަރަދުތަކުގެ ތަފުސީލު ހިނގަމުންދާ މަސް ނިމުމުގެ ކުރިން އާންމުކުރަ ންޖެހޭ

ބޭންކް އެކައުންޓާ ދިމާވާ ގޮތަށް ތައްޔާރުކުރާ އެމަހެއްގެ ހަރަދުގެ ރިޕޯޓު ޖެހިގެން އަންނަ މަހުގެ 15ގެ ކުރިން ފިނޭންސް މިނިސްޓްރީއަށް ހުށަހަޅަން ޖެހޭ